അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മൂന്നാർ: സഞ്ചാരികളെ ഏറെ ആകര്‍ഷിക്കുന്ന മൂന്നാറില്‍ അതിശൈത്യം വീണ്ടും തിരിച്ചെത്തി. കഴിഞ്ഞ ദിവസം രാവിലെ താപനില പൂജ്യം ഡിഗ്രിയിലെത്തിയിരുന്നു. ഗുണ്ടുമല അപ്പര്‍ ഡിവിഷന്‍, കടുകുമുടി എന്നിവിടങ്ങളിലാണ് പൂജ്യം ഡിഗ്രി സെല്‍ഷ്യസ് രേഖപ്പെടുത്തിയത്. ഇത് ഈ സീസണിലെ ഏറ്റവും താഴ്ന്ന താപനിലയാണ്. ഇന്നലെ പുലര്‍ച്ചെ മൂന്നാര്‍ ടൗണ്‍, നല്ലതണ്ണി, നടയാര്‍ എന്നിവിടങ്ങളില്‍ 4 ഡിഗ്രി സെല്‍ഷ്യസ് രേഖപ്പെടുത്തിയിരുന്നു. ചെണ്ടുവര, തെന്മല, ലക്ഷ്മി, ചിറ്റുവര, എല്ലപ്പെട്ടി, ചൊക്കനാട് എന്നിവിടങ്ങളില്‍ 2 ഡിഗ്രി സെല്‍ഷ്യസും രേഖപ്പെടുത്തി.
READ MORE:പാലക്കാട് ഭക്ഷണം കിട്ടാൻ വൈകിയതിൽ ബാറിൽ തര്‍ക്കം, വെടിവയ്പ്; മാനേജര്‍ക്ക് പരുക്ക്
താപനില പൂജ്യം ഡിഗ്രിയിലെത്തിയതിനെ തുടര്‍ന്ന് ഗുണ്ടുമല അപ്പര്‍ ഡിവിഷന്‍, കടുകുമുടി എന്നിവിടങ്ങളിലെ പുല്‍മേടുകളില്‍ ഇന്നലെ രാവിലെ വെള്ളം തണുത്തുറഞ്ഞ നിലയിലായിരുന്നു. സാധാരണയായി മൂന്നാറില്‍ സാധാരണ ഒക്ടോബറിലാണ് ശൈത്യകാലം ആരംഭിക്കുന്നത്. എന്നാല്‍ ഇത്തവണ ഇത് ഏറെ വൈകി ജനുവരി അവസാനമാണ് തീവ്രമായിരിക്കുന്നത്. അതിശൈത്യത്തെ തുടര്‍ന്ന് വരും ദിവസങ്ങളില്‍ മൂന്നാറിലേക്കെത്തുന്ന സഞ്ചാരികളുടെ എണ്ണത്തില്‍ വന്‍ വര്‍ധനവ് ഉണ്ടാകുമെന്നാണ് പ്രതീക്ഷ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
