അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്പാനിഷ് ലീഗിൽ സെൽറ്റ വിഗോയെ ഏകപക്ഷീയമായ ഒരു ഗോളിന് കീഴടക്കി ജിറോണ വീണ്ടും പോയിന്റ് പട്ടികയിൽ ഒന്നാമതെത്തി. 54 പോയിന്റുമായി ഒന്നാം സ്ഥാനത്തായിരുന്ന റയൽ മാഡ്രിഡിനെ മറികടന്നാണ് ഒരു മത്സരം അധികം കളിച്ച ജിറോണ 55 പോയിൻുറമായി ഒന്നാമതെത്തിയത്.
സെൽറ്റ വിഗോയുടെ സ്വന്തം തട്ടകത്തിൽ നടന്ന മത്സരത്തിൽ 20ാം മിനിറ്റിലാണ് ജിറോണ ലീഡെടുക്കുന്നത്. സ്പാനിഷ് താരം പോർട്ടുവാണ് ഗോൾ നേടിയത്. ആ ഒരറ്റ ഗോളിന്റെ ബലത്തിലാണ് ജിറോണ പിടിച്ച് നിന്നത്.
Read also: അണ്ടർ 19 ലോകകപ്പ്: ഇന്ത്യക്ക് തുടർച്ചയായ മൂന്നാം ജയം
കഴിഞ്ഞ ദിവസം ലാസ് പാമാസിനെ ഒന്നിനെതിരെ രണ്ടുഗോളിന് കീഴടക്കി റയൽ മാഡ്രിഡ് തകർപ്പൻ ജയം നേടിയിരുന്നു. പാമാസിന്റെ ഹോം ഗ്രൗണ്ടിൽ ആദ്യ പകുതി ഗോൾ രഹിതമായിരുന്നെങ്കിലും രണ്ടാം പകുതിയിലെ 53ാം മിനിറ്റിൽ യാവിയർ മാനോസിലൂടെ പാമാസാണ് ആദ്യ ലീഡെടുക്കുന്നത്.
65ാം മിനിറ്റിൽ വിനീഷ്യസ് ജൂനിയർ റയിലിനായ മറുപടി ഗോൾ നേടി. കാമവിംഗയുടെ അസിസ്റ്റിൽ നിന്നായിരുന്നു വിനീഷ്യസിന്റെ ഗോൾ. 84ആം മിനുട്ടിൽ റയൽ മാഡ്രിഡ് ലീഡും എടുത്തു. ക്രൂസിന്റെ കോർണർ കിക്കിൽ ചൗമനിയാണ് റയലിന്റെ വിജയ ഗോൾ നേടുന്നത്.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
