അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സിഡ്നി: കങ്കാരു മണ്ണിൽ 11ാം ചാമ്പ്യൻപട്ടവും 25 ഗ്രാൻഡ്സ്ലാമുകളെന്ന ചരിത്രവും ഒന്നിച്ച് മാറോടുചേർക്കാൻ കരുത്തോടെ കളംനിറയുന്ന നൊവാകിന് സെമിഫൈനൽ പ്രവേശനം. കടുത്ത ചൂടിൽ മണിക്കൂറുകൾ നീണ്ട ക്വാർട്ടർ ഫൈനൽ പോരാട്ടത്തിനൊടുവിൽ 12ാം സീഡായ അമേരിക്കൻ താരം ടെയ്‍ലർ ഫ്രിറ്റ്സിനെ 7-6 (7-3), 4-6, 6-2, 6-3ന് മറികടന്നാണ് സെർബി‍യൻ ഇതിഹാസം അവസാന നാലിലെത്തിയത്. ഇറ്റാലിയൻ യുവതാരം ജാനിക് സിന്നറാണ് സെമിയിലെ എതിരാളി.
Read also: രാജ്യാന്തര കായിക ഉച്ചകോടി; കാണികൾക്ക് ആവേശം പകർന്ന് അമ്പെയ്ത്ത്, കിക്ക് ബോക്സിങ് മത്സരങ്ങൾ
ആസ്ട്രേലിയൻ ഓപണിൽ ദ്യോകോയുടെ 11ാം സെമിയാണ്. പത്തിലും ജയിച്ച് ഫൈനലിൽ കടന്നു. 48 ഗ്രാൻഡ്സ്ലാം സെമി ഫൈനലുകളുമായി സ്വന്തം പേരിലെ റെക്കോഡും പുതുക്കി താരം. റഷ്യക്കാരൻ ആന്ദ്രെ റബ് ലോവിനെ 6-4, 7-6, 6-3 സ്കോറിന് തോൽപിച്ചാണ് സിന്നറിന്റെ വരവ്. വനിതകളിൽ യു.എസിന്റെ കൊകോ ഗോഫും സെമിയിൽ കടന്നു.
യുക്രെയ്ൻ താരം മാർട്ട കൊസ്റ്റ്യൂകിനെ 7-6 (6), 6-7 (3), 6-2നെയാണ് ക്വാർട്ടറിൽ തോൽപിച്ചത്. ഫൈനൽ തേടി ഗോഫ് നിലവിലെ ചാമ്പ്യൻ ബെലറൂസിന്റെ അരീന സബലങ്കയെ നേരിടും. ചെക്ക് റിപ്പബ്ലിക്കിന്റെ ബാർബോറ ക്രെസിക്കോവയെ ക്വാർട്ടറിൽ 6-2, 6-3ന് അനായാസം മറികടന്നു സബലങ്ക.
അന്വേഷണം വാർത്തകൾ വാട്ട്സപ്പിൽ ലഭിക്കാൻ
