മുടി കൊഴിച്ചിൽ തടയാൻ വീട്ടിൽതന്നെയുള്ള ഒറ്റമൂലികൾ

മുടി വളരാത്തതും കൊഴിഞ്ഞുപോകുന്നതുമുള്‍പ്പെടെ പ്രശ്‌നങ്ങള്‍ പലര്‍ക്കുമുണ്ട്. പ്രത്യേകിച്ചും ഇന്നത്തെ കാലത്ത് സ്ത്രീ പുരുഷഭേദമില്ലാതെ പലരേയും അലട്ടുന്ന പ്രശ്‌നമാണിത്. ചെറുപ്രായത്തില്‍ തന്നെ മുടി കൊഴിയുന്നത്, അകാലനര, താരന്‍, ആരോഗ്യമില്ലാത്ത മുടി തുടങ്ങിയ പല പ്രശ്‌നങ്ങളും മുടിയ്ക്കുണ്ടാകുന്നു. മുടിയുടെ കാര്യത്തില്‍ തികച്ചും സ്വാഭാവിക വഴികള്‍ മാത്രമാണ് ഗുണം നല്‍കുക. മുടി കൊഴിച്ചില്‍ തടഞ്ഞ് മുടി വളരാന്‍ സഹായിക്കുന്ന ഒരു പ്രത്യേക വീട്ടുവൈദ്യത്തെ കുറിച്ചറിയാം.

കരിഞ്ചീരകം​
ഇതിനായി വേണ്ടത് മൂന്ന് ചേരുവകളാണ്. കരിഞ്ചീരകം, ഉലുവ, റോസ്‌വാട്ടര്‍ എന്നിവയാണ് ഇവ. കരിഞ്ചീരകത്തിന് ആരോഗ്യപരമായ ഗുണങ്ങള്‍ക്കൊപ്പം മുടിയ്ക്ക് പല ഗുണങ്ങളും നല്‍കാന്‍ സാധിയ്ക്കുകയും ചെയ്യും. കരിഞ്ചീരകമിട്ട് എണ്ണ കാച്ചുന്നത് പണ്ടുകാലം മുതല്‍ തന്നെയുള്ള പതിവാണ്. മുടി വളരാനും മുടിയ്ക്ക് കറുപ്പ് നല്‍കാനും അകാലനരയ്ക്കുമെല്ലാം ഏറെ ഗുണം നല്‍കുന്ന ഒന്നാണ് കരിഞ്ചീരകം. ഇതിട്ടു കാച്ചുന്ന ഓയില്‍ ചര്‍മപ്രശ്‌നങ്ങള്‍ക്കും പരിഹാരമാകും.
​
ഉലുവയും ആരോഗ്യ ഗുണങ്ങള്‍ക്കൊപ്പം മുടിയുടെ ആരോഗ്യത്തിനും മികച്ചതാണ്. ഉലുവ ഈസ്ട്രജന്‍ സമ്പുഷ്ടമാണ്. ഇതിനാല്‍ തന്നെ മുടിയുടെ വളര്‍ച്ചയ്ക്ക് നല്ലതാണ്. മുടി കൊഴിച്ചില്‍ അകറ്റാന്‍ നല്ലതാണ്. ഇതില്‍ ആന്റിഓക്‌സിഡന്റുകളും നാരുകളുമെല്ലാം തന്നെ ഏറെയുണ്ട്. മുടിയ്ക്ക് കരുത്തും കറുപ്പും നല്‍കുന്ന ഒന്നാണ് ഉലുവ. ഉലുവ പായ്ക്കും ഉലുവയിട്ട് കാച്ചിയ ഓയിലുമെല്ലാം മുടി സംരക്ഷണത്തിന് പണ്ടുകാലം മുതല്‍ തന്നെ ഉപയോഗിച്ച് വരുന്ന ഒന്നാണ്.

​

പനിനീര് ​
ഇതിനൊപ്പം പനിനീര് അഥവാ റോസ്‌വാട്ടര്‍ കൂടി ചേര്‍ക്കുന്നു. തലയോട്ടിയിലെ പിഎച്ച് ബാലന്‍സ് ചെയ്യാന്‍ പനിനീര് ഏറെ നല്ലതാണ്. ഇത് സ്വാഭാവിക ഈര്‍പ്പവും കുളിര്‍മയും നല്‍കാന്‍ നല്ലതാണ്. ആന്റിഓക്‌സിഡന്റ് സമ്പുഷ്ടമാണ് പനിനീര്. മുടിയുടെ വരണ്ട സ്വഭാവത്തിന് ഒരു പരിധി വരെ പരിഹാരമാകാന്‍ പിഎച്ച് നിയന്ത്രണ ഗുണങ്ങള്‍ സഹായിക്കും.

​​ചേരുവകള്‍
ഈ ചേരുവകള്‍ ഉപയോഗിച്ച് പ്രത്യേകയിനം വെള്ളമാണ് തയ്യാറാക്കുന്നത്. ഒരു കപ്പ് വെള്ളത്തിന് ഒരു ടേബിള്‍സ്പൂണ്‍, ഉലുവ, കരിഞ്ചീരകം, പനിനീര് എന്നിവയെടുക്കാം. ഒരു കപ്പ് വെള്ളത്തില്‍ ഉലുവ, കരിഞ്ചീരകം എന്നിവയിട്ട് ചെറുചൂടില്‍ തിളപ്പിച്ച് പകുതിയാക്കിയെടുക്കാം. ഇത് അടച്ച് വച്ച് ചൂടാറുമ്പോള്‍ ഊറ്റിയെടുക്കാം. ഇതിലേയ്ക്ക് പനിനീര്‍ ചേര്‍ത്തിളക്കി ശിരോചര്‍മത്തിലും മുടിയിലും പുരട്ടാം. തിളയ്ക്കുന്ന വെള്ളത്തില്‍ റോസ് ഇതളുകള്‍ ഇട്ട് തിളപ്പിച്ചാലും മതിയാകും. അപ്പോള്‍ പിന്നെ വീണ്ടും റോസ് വാട്ടര്‍ ചേര്‍ക്കേണ്ടതില്ല.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു