എ​മി​റേ​റ്റ്​​സി​ൽ മെ​ഗാ റി​ക്രൂ​ട്ട്​​​മെ​ന്‍റ്​; 5,000 പേ​രെ നി​യ​മി​ക്കും

ദു​ബൈ: ഈ ​വ​ർ​ഷം ദു​ബൈ ആ​സ്ഥാ​ന​മാ​യ എ​മി​റേ​റ്റ്​​സ് വി​മാ​ന​ക്ക​മ്പ​നി​ 5,000 കാ​ബി​ൻ ക്രൂ ​അം​ഗ​ങ്ങ​ളെ പു​തു​താ​യി നി​യ​മി​ക്കും. 2024 പ​കു​തി​യോ​ടെ എ350 ​വി​മാ​ന​ങ്ങ​ളും അ​ടു​ത്ത വ​ർ​ഷം ബോ​യി​ങ്ങി​ന്‍റെ 777-എ​ക്സ്​ വി​മാ​ന​ങ്ങ​ളും സ​ർ​വി​സ്​ തു​ട​ങ്ങാ​നി​രി​ക്കെ​യാ​ണ്​ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ കാ​ബി​ൻ ജീ​വ​ന​ക്കാ​രെ റി​ക്രൂ​ട്ട്​ ചെ​യ്യു​ന്ന​ത്.

കൂ​ടു​ത​ൽ തൊ​ഴി​ൽ പ​രി​ച​യ​മു​ള്ള​വ​രേ​ക്കാ​ൾ പു​തു​താ​യി ബി​രു​ദം പൂ​ർ​ത്തി​യാ​ക്കി​യ​വ​ർ​ക്കാ​ണ്​ അ​വ​സ​രം ല​ഭി​ക്കു​ക. ഇ​ന്റേ​ൺ​ഷി​പ്പോ പാ​ർ​ട്​​ടൈം ജോ​ലി ചെ​യ്ത്​ പ​രി​ച​യ​മോ ഉ​ള്ള​വ​ർ​ക്കാ​ണ്​ മു​ൻ​ഗ​ണ​ന. പ്ര​ധാ​ന​മാ​യി ഒ​രു വ​ർ​ഷം ഹോ​സ്പി​റ്റാ​ലി​റ്റി, ക​സ്റ്റ​മ​ർ സ​ർ​വി​സ്​ രം​ഗ​ങ്ങ​ളി​ൽ ജോ​ലി​ചെ​യ്ത​വ​രെ​യാ​ണ്​ റി​ക്രൂ​ട്ട്​​മെ​ന്‍റി​ൽ പ​രി​ഗ​ണി​ക്കു​ക.

ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലെ 460 ന​ഗ​ര​ങ്ങ​ളി​ലാ​യാ​ണ്​ ക​മ്പ​നി റി​ക്രൂ​ട്ട്​​മെ​ന്‍റ്​ ന​ട​പ​ടി​ക​ൾ ആ​സൂ​ത്ര​ണം ചെ​യ്യു​ന്ന​ത്. ഇ​ന്ത്യ​യി​ലെ വി​വി​ധ ന​ഗ​ര​ങ്ങ​ളി​ലും റി​ക്രൂ​ട്ട്​​മെ​ന്‍റ്​ പ്ര​തീ​ക്ഷി​ക്കാം. 2023ൽ ​എ​മി​റേ​റ്റ്‌​സ് 8,000 കാ​ബി​ൻ ക്രൂ​വി​നെ നി​യ​മി​ക്കു​ക​യും 353 ന​ഗ​ര​ങ്ങ​ളി​ൽ റി​ക്രൂ​ട്ട്‌​മെ​ന്റ് ഇ​വ​ന്റു​ക​ൾ ന​ട​ത്തു​ക​യും ചെ​യ്തി​രു​ന്നു. ക​ഴി​ഞ്ഞ ആ​ഗ​സ്റ്റി​ലെ ക​ണ​ക്കു​പ്ര​കാ​രം ക​മ്പ​നി​യു​ടെ കാ​ബി​ൻ ക്രൂ ​അം​ഗ​ങ്ങ​ളു​ടെ എ​ണ്ണം 20,000 ക​ട​ന്നു. നി​ല​വി​ലി​ത്​ 21,500 പി​ന്നി​ട്ടു. മി​ക​ച്ച ശ​മ്പ​ളം മാ​ത്ര​മ​ല്ല ലാ​ഭ​വി​ഹി​ത​വും ക​മ്പ​നി തൊ​ഴി​ലാ​ളി​ക​ൾ​ക്ക്​ ന​ൽ​കാ​റു​ണ്ട്. ഹോ​ട്ട​ൽ താ​മ​സം, വാ​ർ​ഷി​ക ലീ​വ്, വാ​ർ​ഷി​ക ലീ​വ് ടി​ക്ക​റ്റ്, ജോ​ലി സ്ഥ​ല​ത്തേ​ക്കും തി​രി​ച്ചു​മു​ള്ള ഗ​താ​ഗ​തം, മി​ക​ച്ച മെ​ഡി​ക്ക​ൽ സൗ​ക​ര്യ​ങ്ങ​ൾ തു​ട​ങ്ങി​യ​വ​യും കാ​ബി​ൻ ക്രൂ ​അം​ഗ​ങ്ങ​ൾ​ക്ക്​ ക​മ്പ​നി വാ​ഗ്ദാ​നം ചെ​യ്യു​ന്നു​ണ്ട്.

നി​ല​വി​ൽ 140ല​ധി​കം രാ​ജ്യ​ങ്ങ​ളി​ൽ​നി​ന്നു​ള്ള 130 ഭാ​ഷ​ക​ൾ സം​സാ​രി​ക്കു​ന്ന അം​ഗ​ങ്ങ​ളാ​ണ്​ ടീ​മി​ലു​ള്ള​ത്. ലോ​ക​ത്തെ പ്ര​ധാ​ന രാ​ജ്യ​ങ്ങ​ളി​ലേ​ക്കെ​ല്ലാം സ​ർ​വി​സ്​ ന​ട​ത്തു​ന്ന എ​മി​റേ​റ്റ്​​സി​ന്‍റെ ലാ​ഭം ഓ​രോ വ​ർ​ഷ​വും വ​ർ​ധി​ച്ചു​കൊ​ണ്ടി​രി​ക്കു​ക​യാ​ണ്. തി​ര​ഞ്ഞെ​ടു​ക്ക​പ്പെ​ടു​ന്ന എ​ല്ലാ പു​തി​യ കാ​ബി​ൻ ക്രൂ ​അം​ഗ​ങ്ങ​ൾ​ക്കും ക​മ്പ​നി എ​ട്ട് ആ​ഴ്ച​ത്തെ തീ​വ്ര​പ​രി​ശീ​ല​നം ന​ൽ​കാ​റു​ണ്ട്. എ​മി​റേ​റ്റ്‌​സി​ന്റെ ദു​ബൈ​യി​ലെ അ​ത്യാ​ധു​നി​ക സൗ​ക​ര്യ​ങ്ങ​ളി​ൽ പ​രി​ശീ​ല​നം നേ​ടി​യാ​ൽ മി​ക​ച്ച ആ​ശ​യ​വി​നി​മ​യ ശേ​ഷി​യും നേ​തൃ​ഗു​ണ​ങ്ങ​ളും കൈ​വ​രി​ക്കാ​നു​മാ​കും. ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ളം ആ​സ്ഥാ​ന​മാ​ക്കി​യാ​ണ്​ ക​മ്പ​നി​യു​ടെ സ​ർ​വി​സു​ക​ൾ.

​യോ​ഗ്യ​ത മാ​ന​ദ​ണ്ഡ​ങ്ങ​ൾ

ഇം​ഗ്ലീ​ഷ്​ ഭാ​ഷ പ​രി​ജ്ഞാ​നം(​ന​ല്ല രീ​തി​യി​ൽ സം​സാ​രി​ക്കാ​നും എ​ഴു​താ​നു​മു​ള്ള ക​ഴി​വു​ണ്ടാ​ക​ണം)

ടീ​മി​നൊ​പ്പം മി​ക​ച്ച രീ​തി​യി​ൽ പ്ര​വ​ർ​ത്തി​ക്കാ​ൻ ക​ഴി​യു​ന്ന ന​ല്ല വ്യ​ക്​​തി​ത്വം

കു​റ​ഞ്ഞ​ത്​ 160 സെ​ന്റീ​മീ​റ്റ​ർ ഉ​യ​ര​മു​ണ്ടാ​ക​ണം. 212 സെ​ന്റീ​മീ​റ്റ​ർ ഉ​യ​ര​ത്തി​ൽ കൈ​യെ​ത്താ​നും സാ​ധി​ക്ക​ണം

യു.​എ.​ഇ​യി​ലെ തൊ​ഴി​ൽ വി​സ ന​ട​പ​ടി​ക​ൾ​ക്ക്​ ത​ട​സ്സ​മി​ല്ലാ​തി​രി​ക്കു​ക

ഒ​രു വ​ർ​ഷം ഹോ​സ്പി​റ്റാ​ലി​റ്റി, ക​സ്റ്റ​മ​ർ സ​ർ​വി​സ്​ രം​ഗ​ങ്ങ​ളി​ൽ തൊ​ഴി​ൽ പ​രി​ച​യം

കു​റ​ഞ്ഞ​ത്​ 12ാം ക്ലാ​സ്​ വി​ദ്യാ​ഭ്യാ​സം

കാ​ബി​ൻ ക്രൂ ​യൂ​നി​ഫോ​മി​ൽ കാ​ണാ​വു​ന്ന ടാ​റ്റൂ ഇ​ല്ലാ​തി​രി​ക്കു​ക

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു