അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: നിലമ്പൂരിൽ സ്റ്റേജ് ഷോയിൽ ഫയർ ഡാൻസ് അവതരിപ്പിക്കുന്നതിനിടെ യുവാവിന് പൊള്ളലേറ്റു. നിലമ്പൂരിൽ നടക്കുന്ന പാട്ടുത്സവത്തിൻ്റെ വേദിയിൽ ഞായറാഴ്ച രാത്രി 10 മണിയോടെയാണ് സംഭവം. വായിൽ മണ്ണെണ്ണ നിറച്ച് തീയിലേക്ക് തുപ്പുന്നതിനിടെയാണ് അഭ്യാസം പാളിയത്. ഗുരുതരമായി പരിക്കേറ്റ യുവാവിനെ ആദ്യം നിലമ്പൂർ ജില്ലാ ആശുപത്രിയിലും പിന്നീട് മഞ്ചേരി മെഡിക്കൽ കോളേജിലും പ്രവേശിപ്പിച്ചു.
അപകടത്തിൽ മുഖത്തും ശരീരത്തിലും പൊള്ളലേറ്റ താബോളം ടീമിലെ സജിത്ത് നിലവിൽ മഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിൽ തുടരുകയാണ്. എന്നാൽ, ഇത്തരത്തിൽ ഒരു പരിപാടി സംഘാടകരുടെ അനുമതി ഇല്ലാതെയാണ് നടത്തിയതെന്ന് റിപ്പോർട്ടുകളും പുറത്തുവരുന്നുണ്ട്.
Read also: പൂക്കോട്ടൂർ വെൽഫെയർ ഹോം സമർപ്പിച്ചു
എന്നാൽ, യുവാവിന് ഇത്തരത്തിൽ ഒരു അപകടം സംഭവിച്ചിട്ടും പിന്നീടും ഇന്നലെ രാത്രിയിൽ പരിപാടി തുടർന്നിരുന്നു. മലപ്പുറം, കോഴിക്കോട് ഉൾപ്പെടെയുള്ള ജില്ലകളിൽനിന്നായി ആയിരങ്ങളാണ് ഇന്നലെ പാട്ടുത്സവം കാണാൻ എത്തിയത്. നിലമ്പൂർ നഗരസഭയും വ്യാപാര വ്യവസായി ഏകോപന സമിതിയും സംയുക്തമായാണ് പാട്ടുത്സവം സംഘടിപ്പിക്കുന്നത്. വർഷങ്ങളായി നടന്നുവരുന്ന പാട്ടുത്സവം ജനപങ്കാളിത്തംകൊണ്ട് ശ്രദ്ധേയമാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
