അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹെൽത്തി അല്ലാത്ത ശരീരം മാനസികമായും പ്രത്യഘാതങ്ങളുണ്ടാക്കും. പഠിച്ച പണി പതിനെട്ടും നോക്കിയിട്ടും തടി കുറയുന്നില്ല എന്നുള്ളത് പലരുടെയും പ്രശ്‌നമാണ്. പിന്തുടരുന്ന ഡയറ്റും, ജീവിത ശൈലിയും ഒന്ന് ശ്രദ്ധിച്ചാൽ മതിയാകും. അമിത വണ്ണം കുറയാനുള്ള വഴികൾ എന്തൊക്കെയാണെന്ന് നോക്കാം
പ്രഭാതം പ്രധാനം
ന്യൂകാസില്‍, നോര്‍ത്തംബ്രിയ യൂണിവേഴ്‌സിറ്റിയില്‍ നടത്തിയ പഠനപ്രകാരം, രാവിലെ വെറും വയറോടെ വ്യായാമം ശീലമാക്കുന്നവരില്‍ 20 ശതമാനത്തോളം തടി കുറയ്ക്കാന്‍ സാധിക്കുന്നതായി കണ്ടെത്തിയിരുന്നു. കാരണം, നമ്മള്‍ വെറും വയറോടുകൂടി വ്യായാമം ചെയ്യാന്‍ ആരംഭിക്കുമ്പോള്‍ ഇതിനാവശ്യമായ എനര്‍ജി ശരീരത്തില്‍ നിന്നും ഉല്‍പാദിപ്പിക്കുകയും ഇത് ശരീരഭാരം കുറയ്ക്കാന്‍ സഹായിക്കുകയും ചെയ്യും.
വ്യായാമം മാത്രമല്ല, നമ്മള്‍ രാവിലെ ചെയ്യുന്ന കുറച്ച് കാര്യങ്ങളില്‍ മാറ്റം വരുത്തിയാല്‍ വളരെ വേഹഗത്തില്‍ വിചാരിച്ചതിലും എളുപ്പമായി തടി കുറയ്ക്കാന്‍ സാധിക്കും എന്നാണ് പറയുന്നത്. അവ എന്തെല്ലാമെന്ന് നോക്കാം.
രാവിലെ എഴുന്നേൽക്കുക
കൃത്യസമയത്ത് ഉറങ്ങി രാവിലെ എഴുന്നേറ്റാല്‍ നിങ്ങളുടെ ശരീരഭാരം കുറയ്ക്കാന്‍ സാധിക്കും എന്നാണ് പറയുന്നത്. നമ്മള്‍ രാത്രിയില്‍ നല്ല സമാധാനത്തോടെ, നല്ല ഉറക്കം സ്വന്തമാക്കുകയും രാവിലത്തെ കാര്യങ്ങള്‍ ചെയ്യാനായി ആരംഭിക്കുകയും ചെയ്യും.
ചിലര്‍ എണീറ്റാല്‍ ആദ്യം നോക്കുന്നത് ഫോണ്‍ ആയിരിക്കും. ഈ ശീലം മാറ്റേണ്ടത് അനിവാര്യമാണ്. അതുപോലെ, രാവിലെ തന്നെ നല്ല ആരോഗ്യകമായ ഭക്ഷണം തയ്യാറാക്കാവുന്നതാണ്. ഇത്തരത്തില്‍ ഒരു ദിവസം നല്ല ഹെല്‍ത്തി ആയി ആരംഭിച്ചാല്‍ തന്നെ നിങ്ങളുടെ ശരീരഭാരം കുറയ്ക്കാന്‍ സാധിക്കുന്നതാണ്.
വൈറ്റമിൻ ഡി
നമ്മളുടെ എല്ലുകള്‍ക്ക് ബലം കൂട്ടാന്‍ മാത്രമല്ല, നമ്മളുടെ ശരീഭാരം കുറയ്ക്കാന്‍ പോലും സൂര്യപ്രകാശത്തിന് സാധിക്കും. അതിനാല്‍ രാത്രിയില്‍ നേരത്തെ കിടന്നുറങ്ങി രാവിലെ നേരത്തെ എഴുന്നേല്‍ക്കുക. അതിനുശേഷം പുറത്തിറങ്ങി വെയില്‍ കൊള്ളുന്നത് ശരീരത്തിലേയ്ക്ക് വിറ്റാമിന്‍ ഡി എത്തുന്നതിന് സഹായിക്കുന്നു.
രാവിലെതന്നെ വെയില്‍ കൊള്ളുന്നത് നമ്മളുടെ ശരീരത്തിലേയ്ക്ക് അമിതമായി എനര്‍ജി ലഭിക്കുന്നതിന് സഹായിക്കുന്നുണ്ട്. അതുകൂടാതെ, നിങ്ങളുടെ ഹോര്‍മോണ്‍ മാറ്റമില്ലാതെ നിലനിര്‍ത്തുന്നതിനും സഹായിക്കും. ഇതെല്ലാം തന്നെ ശരീരഭാരം കുറയ്ക്കാന്‍ സഹായിക്കുന്നതാണ്.
വ്യായാമം
ജേണല്‍ മെഡിസില്‍ ആന്റ് സയന്‍സ് ഇന്‍ സ്‌പോര്‍ട്‌സ് ആന്റ് എക്‌സസൈസ് എന്ന ജേണലില്‍ പ്രസിദ്ധീകരിച്ച പഠന പ്രകാരം രാവിലെ വ്യായാമം ചെയ്യുന്നത് ശീലമാക്കിയാല്‍ ശരീരഭാരം വേഗത്തില്‍ കുറയ്ക്കാന്‍ സാധിക്കും എന്ന് കണ്ടെത്തുകയുണ്ടായി.
വ്യായാമം മാത്രം പോര, നല്ല ഹെല്‍ത്തി ഡയറ്റും പിന്തുടരേണ്ടത് അനിവാര്യമാണ്. ഇത്തരം കാര്യങ്ങള്‍ ശ്രദ്ധിച്ചാല്‍ നിങ്ങള്‍ക്കും ശരീരഭാരം കുറച്ചെടുക്കാന്‍ സാധിക്കുന്നതാണ്.
വെള്ളം കുടിക്കുക.
രാവിലെ തന്നെ നന്നായി വെള്ളം കുടിക്കാന്‍ ഒരിക്കലും മറക്കരുത്. രാവിലെ എഴുന്നേല്‍ക്കുമ്പോള്‍ തന്നെ വെള്ളം കുടിക്കുന്നത് നല്ലതാണ്. നമ്മളുടെ ശരീരത്തിന്റെ കൃത്യമായ പ്രവര്‍ത്തനത്തിന് വെള്ളം അനിവാര്യമാണ്. നമ്മളുടെ മെറ്റബോളിസം കൂട്ടുന്നതിനും അതുപോലെ, ശരീരത്തില്‍ നിന്നും വിഷങ്ങള്‍ പുറംതള്ളുന്നതിനുമെല്ലാം വെള്ളം കുടിക്കുന്നതിലൂടെ സഹായിക്കുന്നുണ്ട്. ഇത് ശരീരത്തില്‍ നിന്നും അമിതമായി കാലറീസ് കുറയ്ക്കാനും സഹായിക്കുന്നു. കൂടാതെ, നമ്മളുടെ ശരീരം ഹൈഡ്രേറ്റ് ചെയ്ത് നിലനിര്‍ത്തുകയും വിശപ്പ് കുറയ്ക്കാന്‍ സഹായിക്കുകയും ചെയ്യുന്നുണ്ട്.
പ്രഭാത ഭക്ഷണം ഒഴിവാക്കാതിരിക്കാം
നല്ല പ്രോട്ടീന്‍ റിച്ച് ആയിട്ടുള്ള ഭക്ഷണങ്ങള്‍ പ്രഭാത ഭക്ഷണത്തില്‍ ചേര്‍ക്കുന്നത് വളരെ നല്ലതാണ്. അതുപോലെ, പ്രഭാത ഭക്ഷണം ഒരിക്കലും കഴിക്കാതെ പോകരുത്. ഇത്തരം കാര്യങ്ങള്‍ ശ്രദ്ധിച്ചാല്‍ തന്നെ നിങ്ങള്ക്ക് നല്ല രീതിയില്‍ ശരീരഭാരം കുറച്ച് നിലനിര്‍ത്താന്‍ സാധിക്കുന്നതാണ്.
നമ്മള്‍ ഡയറ്റ് ആരംഭിക്കുമ്പോള്‍ തന്നെ ശരീരത്തിനെ നല്ല ഭംഗിയില്‍ നിലനിര്‍ത്തണമെങ്കില്‍ പ്രോട്ടീന്‍ അനിവാര്യമാണ്. കൂടാതെ, രാവിലത്തെ ഭക്ഷണം മുടങ്ങാതെ കഴിക്കുമ്പോള്‍ മെറ്റബോളിസം കൂട്ടാനും സാധിക്കുന്നു. ഇതെല്ലാം ശരീരഭാരം കൂട്ടുന്നു.
ഇങ്ങനെയൊരു ജീവിത ശൈലി പിന്തുടർന്നാൽ മാറ്റങ്ങൾ നിങ്ങള്ക്ക് തന്നെ അനുഭവിച്ചറിയാൻ സാധിക്കും
