അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂയോര്‍ക്ക്: കോടീശ്വരനും മെറ്റ മേധാവിയുമായ മാര്‍ക് സക്കര്‍ബര്‍ഗ് കന്നുകാലി വളര്‍ത്തലിലേക്ക്‌. ലോകത്തിലെ ഏറ്റവും മികച്ച ബീഫ് ഉത്പാദിപ്പിക്കുന്നതിനായി കന്നുകാലികള്‍ക്ക് ബിയറും ഡ്രൈഫ്രൂട്ട്‌സും നല്‍കി വളര്‍ത്തുമെന്ന് മെറ്റ മേധാവി മാര്‍ക്ക് സക്കര്‍ബര്‍ഗ്.
https://www.facebook.com/plugins/post.php?href=https%3A%2F%2Fwww.facebook.com%2Fzuck%2Fposts%2Fpfbid02HACVFddz8apdTUsiC1NNXTTeUJjJdufkv8X7BGbLcJY7ig2B4sqfd6u2Wpwe16Hyl&show_text=true&width=500
കന്നുകാലി വളര്‍ത്തുന്ന പുതിയ സംരംഭം താന്‍ ആരംഭിച്ചുവെന്നും ഇതിലൂടെ ഏറ്റവും ഗുണനിലവാരമുള്ള ബീഫ് ലഭ്യമാക്കാന്‍ സാധിക്കുമെന്നും സക്കര്‍ബര്‍ഗ് ഫെയ്‌സ്ബുക്കില്‍ കുറിച്ചു. ബീഫ് കഴിക്കുന്നതിന്റെ ചിത്രവും സക്കര്‍ബര്‍ഗ് പങ്കുവെച്ചിട്ടുണ്ട്.
ഹവായിയന്‍ ദ്വീപ്‌സമൂഹത്തിന്റെ ഭാഗമായ കവായിലാണ് സക്കര്‍ബര്‍ഗിന്റെ കന്നുകാലി വളര്‍ത്തല്‍ സംരംഭം. വാഗ്യൂ, ആംഗസ് എന്നീ ഇനങ്ങളില്‍പ്പെട്ട പശുക്കളെ താന്‍ വളര്‍ത്തുന്നുണ്ടെന്നും സക്കര്‍ബര്‍ഗ് വ്യക്തമാക്കി.
ഗുണനിലവാരമുള്ള ബീഫ് ലഭിക്കാന്‍ കന്നുകാലികള്‍ക്കു നല്‍കുന്ന ഭക്ഷണം മികച്ചതാണെന്ന് ഉറപ്പുവരുത്തണമെന്നും സക്കര്‍ബര്‍ഗ് പറയുന്നു. ഇതിനായി ബിയറും വിലയേറിയ ഡ്രൈഫ്രൂട്ട് ഇനത്തില്‍പ്പെട്ട മക്കഡമിയയുമാകും കന്നുകാലികള്‍ക്ക് തീറ്റയായി നല്‍കുകയെന്നും സക്കര്‍ബര്‍ഗ് വ്യക്തമാക്കി. ഇതുവരെയുളള തന്റെ സംരഭങ്ങളില്‍ ഏറ്റവും രുചിയേറിതാണിതെന്നാണ് സക്കര്‍ബര്‍ഗിന്റെ ഭാക്ഷ്യം.
