അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മുംബൈ: പൂനെ ലോക്സഭാ ഉപതെരഞ്ഞെടുപ്പ് സുപ്രീം കോടതി സ്റ്റേ ചെയ്തു. ബിജെപി അംഗം മരിച്ചതിനെ തുടര്ന്ന് ഒഴിവുവന്ന പൂനെ ലോക്സഭാ സീറ്റില് ഉപതെരഞ്ഞെടുപ്പ് നടത്താമെന്ന് ബോംബെ ഹൈക്കോടതിയുടെ നിര്ദശമാണ് സുപ്രീം കോടതി സ്റ്റേ ചെയ്തത്.
2023 മാര്ച്ച് 29 മുതല് ഒഴിവു വന്നതിനെ തുടര്ന്നാണ് ഉപതെരഞ്ഞെടുപ്പ് നടത്താന് ബോംബെ ഹൈക്കോടതി തെരഞ്ഞെടുപ്പ് കമ്മീഷന് നിര്ദേശം നല്കിയത്. അതിനെതിരെയാണ് സുപ്രീം കോടതിയുടെ ഭാഗത്തുനിന്ന് സ്റ്റേ ഉണ്ടായിരിക്കുന്നത്. പൊതുതെരഞ്ഞെടുപ്പ് നടക്കാന് ഒരുവര്ഷം മാത്രമെ ബാക്കിയുള്ളുവെങ്കില് റെപ്രസന്റേഷന് ആക്ട് അനുസരിച്ച് തെരഞ്ഞെടുപ്പ് നടത്തേണ്ടതില്ലെന്നാണ് സുപ്രീം കോടതിയുടെ നീരീക്ഷണം.
2023 മാര്ച്ച് 29 മുതല് രാജ്യത്ത് പൊതുതെരഞ്ഞെടുപ്പ് നടക്കാന് ഒരുവര്ഷത്തെ സമയമുണ്ട്. കൂടാതെ ഒഴിവുവന്ന തീയതി മുതല് ആറ് മാസത്തിനുള്ളില് തെരഞ്ഞെടുപ്പ് നടത്തണമെന്നാണ് ജനപ്രാതിനിധ്യ നിയമത്തിലെ വ്യവസ്ഥ. അതിന്റെ അടിസ്ഥാനത്തിലായിരുന്നു ഉപതെരഞ്ഞെടുപ്പ് നടത്തണമെന്ന ബോംബൈ ഹൈക്കോടതിയുടെ ഉത്തരവ്. കേസ് മാര്ച്ച് മാസം സുപ്രീം കോടതി വീണ്ടും പരിഗണിക്കും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
