ജ​നു​വ​രി എ​ത്തി; ത​ണു​പ്പെ​ത്തി​യി​ല്ല

കു​വൈ​ത്ത് സി​റ്റി: ഡി​സം​ബ​ർ ക​ഴി​ഞ്ഞു, ജ​നു​വ​രി എ​ത്തി എ​ന്നി​ട്ടും രാ​ജ്യ​ത്ത് ത​ണു​പ്പ് വേ​ണ്ട രൂ​പ​ത്തി​ൽ എ​ത്തി​യി​ല്ല. കു​വൈ​ത്തി​ൽ മ​രം​കോ​ച്ചു​ന്ന അ​തി​ശ​ക്ത​മാ​യ ത​ണു​പ്പ് അ​നു​ഭ​വ​പ്പെ​ടേ​ണ്ട സ​മ​യ​മാ​ണ് ഇ​ത്. പു​റംകു​പ്പാ​യ​വും തൊ​പ്പി​യും മ​ഫ്ള​റും കൈ​യു​റ​ക​ളും വ​രെ ധ​രി​ച്ച് ആ​ളു​ക​ൾ പു​റ​ത്തി​റ​ങ്ങി​യി​രു​ന്ന സ​മ​യം.

എ​ന്നാ​ൽ നി​ല​വി​ൽ ഡി​സം​ബ​റി​ലും ജ​നു​വ​രി​യി​ലെ ക​ഴി​ഞ്ഞ ദി​വ​സ​ങ്ങ​ളി​ലും രാ​ജ്യ​ത്ത് വ​ലി​യ ത​ണു​പ്പ് അ​നു​ഭ​വ​പ്പെ​ട്ടി​ല്ല. രാ​ത്രി മാ​ത്ര​മാ​ണ് ക​ന​ത്ത ത​ണു​പ്പി​ലേ​ക്ക് പ്ര​വേ​ശി​ക്കു​ന്ന​ത്. അ​തും മു​ൻ വ​ർ​ഷ​ങ്ങ​ളെ ക​ണ​ക്കി​ലെ​ടു​ക്കു​മ്പോ​ൾ കു​റ​വാ​ണ്. ഡി​സം​ബ​ര്‍ -ജ​നു​വ​രി മാ​സ​ങ്ങ​ളി​ല്‍ രാ​ജ്യ​ത്ത് കൂ​ടി​യ താ​പ​നി​ല 25 ഡി​ഗ്രി സെ​ല്‍ഷ്യ​സും കു​റ​ഞ്ഞ താ​പ​നി​ല ഏ​ഴു ഡി​ഗ്രി സെ​ല്‍ഷ്യ​സു​മാ​ണ് രേ​ഖ​പ്പെ​ടു​ത്തി​യ​ത്. സാ​ധാ​ര​ണ ജ​നു​വ​രി മാ​സ​ത്തി​ല്‍ അ​തി ശൈ​ത്യം ഉ​ണ്ടാ​കു​മെ​ങ്കി​ലും ഈ ​വ​ര്‍ഷം കൊ​ടും ത​ണു​പ്പ് അ​നു​ഭ​വ​പ്പെ​ട്ടി​രു​ന്നി​ല്ല. ത​ണു​പ്പു കു​റ​ഞ്ഞ​തോ​ടെ രാ​ജ്യ​ത്ത് ക​ല്‍ക്ക​രി വാ​ങ്ങു​ന്ന​വ​രു​ടെ എ​ണ്ണ​ത്തി​ല്‍ കു​റ​വ് അ​നു​ഭ​വ​പ്പെ​ടു​ന്ന​താ​യി വ്യാ​പാ​രി​ക​ള്‍ പ​റ​ഞ്ഞു. ആ​ഴ്ച​യി​ൽ ഏ​ഴ് ബാ​ഗ് ക​രി​ക​ള്‍ വ​രെ ഉ​പ​യോ​ഗി​ച്ചി​രു​ന്ന​വ​ർ ഇ​പ്പോ​ൾ ഒ​രു ബാ​ഗ് മാ​ത്ര​മാ​ണ് ഉ​പ​യോ​ഗി​ക്കു​ന്ന​തെ​ന്ന് ക​ച്ച​വ​ട​ക്കാ​ര്‍ പ​റ​ഞ്ഞു. ക​ച്ച​വ​ടം കു​റ​ഞ്ഞ​തി​നാ​ല്‍ പ​ല സ്ഥാ​പ​ന​ങ്ങ​ളും അ​ട​ച്ചു​പൂ​ട്ട​ലി​ന്‍റെ വ​ക്കി​ലാ​ണ്. ത​ണു​പ്പ് കു​റ​ഞ്ഞ​ത് ക്യാ​മ്പി​ങ് സീ​സ​ണിനെ​യും ബാ​ധി​ച്ചി​ട്ടു​ണ്ട്.

രാ​ജ്യ​ത്ത് മു​ൻ വ​ർ​ഷ​ങ്ങ​ൾ​ക്കു സ​മാ​ന​മാ​യി ഇ​ത്ത​വ​ണ മ​ഴ​യും പെ​യ്തി​ട്ടി​ല്ല. അ​തേ​സ​മ​യം, വ​രും ദി​വ​സ​ങ്ങ​ളി​ൽ ത​ണു​പ്പു​കൂ​ടു​മെ​ന്നാ​ണ് സൂ​ച​ന. മു​റ​ബ്ബാ​നി​യ്യ സീ​സ​ണ്‍ അ​വ​സാ​ന​ത്തോ​ട് അ​ടു​ക്കു​ക​യാ​ണ്. ആ​കാ​ശ​ത്ത് ശൗ​ല ന​ക്ഷ​ത്രം പ്ര​ത്യ​ക്ഷ​പ്പെ​ടു​ന്ന​തോ​ടെ രാ​ജ്യം കൊ​ടും ത​ണു​പ്പി​ലേ​ക്ക് പ്ര​വേ​ശി​ക്കും. 13 -ദി​വ​സം നീ​ണ്ടു നി​ല്‍ക്കു​ന്ന സീ​സ​ണി​ൽ താ​പ​നി​ല​യി​ല്‍ കു​ത്ത​നെ​യു​ള്ള കു​റ​വു​ണ്ടാ​കും. പ​ക​ൽ ദൈ​ർ​ഘ്യം കു​റ​യു​ക​യും രാ​ത്രി സ​മ​യം കൂ​ടു​ക​യും ചെ​യ്യും.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു