അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വാഷിങ്ടണ്‍: യു.എസിലെ കാലിഫോര്‍ണിയയില്‍ ഹിന്ദു ക്ഷേത്രത്തിന് നേരെ ആക്രമണം. ഖാലിസ്താൻ അനുകൂലികളാണ് ഗ്രാഫിറ്റി ഉപയോഗിച്ച്‌ ക്ഷേത്രം വികൃതമാക്കിയതെന്നാണ് വിവരം. ഇന്ത്യവിരുദ്ധ ഗ്രാഫിറ്റികള്‍ കൊണ്ട് കാലിഫോര്‍ണിയയിലെ സ്വാമിനാരായണ്‍ ക്ഷേത്രം വികൃതമാക്കിയതിന് പിന്നാലെയാണ് വീണ്ടും ക്ഷേത്രത്തിന് നേരെ ആക്രമണമുണ്ടായത്.
ഹായ്‍വാര്‍ഡിലെ വിജയ് ഷേര്‍വാലി ക്ഷേത്രമാണ് ഗ്രാഫിറ്റി ഉപയോഗിച്ച വികൃതമാക്കിയതെന്ന് ഹിന്ദു അമേരിക്കൻ ഫൗണ്ടേഷൻ അറിയിച്ചു. സ്വാമിനാരായണ്‍ ക്ഷേത്രം വികൃതമാക്കി ഒരാഴ്ച പിന്നിടുമ്ബോഴാണ് സമാനസംഭവം ആവര്‍ത്തിച്ചിരിക്കുന്നത്. പ്രദേശത്തെ ശിവദുര്‍ഗ ക്ഷേത്രത്തില്‍ മോഷണവും നടന്നിട്ടുണ്ടെന്ന് ഹിന്ദു അമേരിക്കൻ ഫൗണ്ടേഷൻ ട്വിറ്ററിലൂടെ അറിയിച്ചു.
#Breaking: Another Bay Area Hindu temple attacked with pro-#Khalistan graffiti.
The Vijay’s Sherawali Temple in Hayward, CA sustained a copycat defacement just two weeks after the Swaminarayan Mandir attack and one week after a theft at the Shiv Durga temple in the same area.… pic.twitter.com/wPFMNcPKJJ
— Hindu American Foundation (@HinduAmerican) January 5, 2024
സ്വാമിനാരായണ്‍ ക്ഷേത്രത്തില്‍ നടന്ന ആക്രമണത്തെ അപലപിച്ച്‌ യു.എസ് സ്റ്റേറ്റ് ഡിപ്പാര്‍ട്ട്മെന്റ് രംഗത്തെത്തിയിരുന്നു. സ്വാമിനാരായണ്‍ ക്ഷേത്രത്തില്‍ നടന്ന സംഭവങ്ങളെ അപലപിക്കുകയാണെന്നും ഇതിന് പിന്നിലുള്ളവരെ കണ്ടെത്തുമായിരുന്നു യു.എസ് സ്റ്റേറ്റ് ഡിപ്പാര്‍ട്ട്മെന്റിന്റെ പ്രസ്താവന.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
