അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊല്‍ക്കത്ത: വാശിയേറിയ പോരാട്ടം നടന്ന മത്സരത്തില്‍ കേരള ബ്ലാസ്റ്റേഴ്സിന് എതിരില്ലാത്ത ഒരു ഗോളിന്‍റെ ജയം. ദിമിത്രി ഡയമന്‍റക്കോസാണ് ഗോള്‍ നേടിയത്. ഇതോടെ പോയിന്‍റ് പട്ടികയില്‍ ബ്ലാസ്റ്റേഴ്സ് ഒന്നാമത്തെത്തി.
ഐഎസ്‌എല്ലിലെ കരുത്തരായ മോഹൻ ബഗാനെ അവരുടെ തട്ടകമായ സാള്‍ട്ട് ലേക്കില്‍ കീഴടക്കി മഞ്ഞപ്പട. മത്സരത്തിലെ ഒമ്പതാം മിനിറ്റില്‍ കൊല്‍ക്കത്ത വല കുലുക്കിയ ദിമിത്രി ബ്ലാസ്റ്റേഴ്സിനെ മുന്നിലെത്തിച്ചു. മൂന്ന് കൊല്‍ക്കത്ത താരങ്ങളെ മറികടന്നാണ് ദിമിത്രി ഗോള്‍ നേടിയത്.
ഒരു ഗോള്‍ വീണതോടെ മോഹൻ ബഗാൻ ഉണര്‍ന്ന് കളിച്ചു. തുടര്‍ച്ചയായി മുന്നേറ്റങ്ങള്‍ കാഴ്ചവെച്ച കൊല്‍ക്കത്ത താരങ്ങള്‍ക്ക് മഞ്ഞ പടയുടെ പ്രതിരോധത്തെ മറികടക്കാൻ സാധിച്ചില്ല. രണ്ടാം പകുതിയിലും ഇരു ടീമുകള്‍ ആക്രമിച്ച കളിച്ചെങ്കിലും ഗോള്‍ നേടാനായില്ല. ഇരു ടീമുകളും നിരവധി അവസരങ്ങള്‍ സൃഷ്ടിച്ചെങ്കിലും, ഗോളാക്കി മാറ്റുന്നതില്‍ പരാജയപ്പെട്ടു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
