റിയാദ്​ വിമാനത്താവളത്തിൽ കാണാതായ മലയാളികളെ കണ്ടെത്തി

റി​യാ​ദ്: റി​യാ​ദ് വി​മാ​ന​ത്താ​വ​ള​ത്തി​ൽ​നി​ന്ന് ക​ഴി​ഞ്ഞ ദി​വ​സം കാ​ണാ​താ​യ ര​ണ്ടു മ​ല​യാ​ളി​ക​ളെ​യും ക​ണ്ടെ​ത്തി. തെ​ക്കു​പ​ടി​ഞ്ഞാ​റ​ൻ പ്ര​വി​ശ്യ​യി​ലെ ജി​സാ​നി​ൽ​നി​ന്ന് നാ​ട്ടി​ലേ​ക്ക് പോ​കു​ന്ന​തി​നി​ടെ കാ​ണാ​താ​യ പ​ര​പ്പ​ന​ങ്ങാ​ടി സ്വ​ദേ​ശി​യെ​യും തൃ​ശൂ​രി​ൽ റി​യാ​ദി​ലേ​ക്ക് വ​ന്ന മ​ല​യാ​ളി​യെ​യു​മാ​ണ് ക​ഴി​ഞ്ഞ ദി​വ​സം മു​ത​ൽ കാ​ണാ​താ​യ​ത്.

റി​യാ​ദി​ലെ സാ​മൂ​ഹി​ക പ്ര​വ​ർ​ത്ത​ക​ൻ സി​ദ്ദീ​ഖ് തു​വ്വൂ​ർ ന​ട​ത്തി​യ അ​ന്വേ​ഷ​ണ​ത്തി​ൽ ഇ​രു​വ​രെ​യും ക​ണ്ടെ​ത്തി. ഇ​രു​വ​രും പൊ​ലീ​സ് ക​സ്റ്റ​ഡി​യി​ലാ​ണു​ള്ള​ത്. ജി​സാ​നി​ൽ​നി​ന്ന് നാ​ട്ടി​ലേ​ക്ക് പോ​കു​ന്ന​തി​നി​ടെ തൃ​ശൂ​ർ സ്വ​ദേ​ശി​ക്ക് മാ​ന​സി​കാ​സ്വാ​സ്ഥ്യ​മു​ണ്ടാ​യി.

നേ​ര​ത്തേ ഇ​ത്ത​ര​ത്തി​ൽ അ​സ്വ​സ്ഥ​ത പ്ര​ക​ടി​പ്പി​ച്ച ഇ​ദ്ദേ​ഹം വി​മാ​ന​ത്തി​ന​ക​ത്തു വെ​ച്ച് പ്ര​ശ്ന​ങ്ങ​ളു​ണ്ടാ​ക്കി​യ​തോ​ടെ റി​യാ​ദ് പൊ​ലീ​സി​ന് കൈ​മാ​റു​ക​യാ​യി​രു​ന്നു. അ​സു​ഖം സം​ബ​ന്ധി​ച്ച് പൊ​ലീ​സു​കാ​രെ ബോ​ധ്യ​പ്പെ​ടു​ത്തു​ക​യും ജി​സാ​നി​ൽ​നി​ന്ന് ക്ലി​യ​റ​ൻ​സി​നാ​യി കാ​ത്തി​രി​ക്കു​ക​യാ​ണെ​ന്നും സി​ദ്ദീ​ഖ് തു​വ്വൂ​ർ അ​റി​യി​ച്ചു. മാ​ന​സി​കാ​സ്വാ​സ്ഥ്യം നേ​രി​ട്ട​യാ​ൾ​ക്ക്​ ചി​കി​ത്സ ന​ൽ​കാ​തെ നാ​ട്ടി​ലേ​ക്ക​യ​ക്കാ​ൻ ശ്ര​മി​ച്ച​താ​ണ് വി​ന​യാ​യ​ത്.

നേ​ര​ത്തേ സൗ​ദി​യി​ൽ ബ​ഖാ​ല​യി​ൽ (ഗ്രോ​സ​റി ഷോ​പ്) കേ​ടാ​യ സാ​ധ​ന​ങ്ങ​ൾ വി​റ്റ കേ​സി​ൽ നി​യ​മ​ന​ട​പ​ടി നേ​രി​ടു​ന്ന പ​ര​പ്പ​ന​ങ്ങാ​ടി സ്വ​ദേ​ശി​യെ​യും പൊ​ലീ​സ് വി​മാ​ന​ത്താ​വ​ള​ത്തി​ൽ ത​ട​ഞ്ഞു​വെ​ച്ചു.

ഇ​ദ്ദേ​ഹം കോ​ഴി​ക്കോ​ട്ടു​നി​ന്ന് റി​യാ​ദ് വ​ഴി അ​ബ​ഹ​യി​ലേ​ക്കു​ള്ള യാ​ത്ര​യി​ലാ​യി​രു​ന്നു. ഇ​ദ്ദേ​ഹ​ത്തി​ന്റെ പേ​രി​ലു​ള്ള കേ​സ് ഇ​നി​യും അ​വ​സാ​നി​ച്ചി​ട്ടി​ല്ല. ഇ​ദ്ദേ​ഹ​ത്തെ അ​ഞ്ചു ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു