അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാൾ: ദക്ഷിണാഫ്രിക്കയ്‌ക്ക് എതിരായ നിർണായകമായ മൂന്നാം ഏകദിനത്തിൽ മലയാളി താരം സഞ്ജു സാംസണ് സെഞ്ചറി. രാജ്യാന്തര കരിയറിലെ സഞ്ജുവിന്റെ ആദ്യ സെഞ്ചറിയാണിത്. 110 പന്തിലാണ് സഞ്ജു 100 റൺസ് തികച്ചത്. അന്താരാഷ്ട്ര ഏകദിനത്തിൽ സെഞ്ച്വറി നേടുന്ന ആദ്യ കേരള താരമാണ് സഞ്ജു.
110 ബോളിൽ 108 റൺസെടുത്ത് സഞ്ജു പുറത്തായി. ഇന്ന് മൂന്നാമനായി ക്രീസിലെത്തിയാണ് സഞ്ജു സെഞ്ച്വറി നേടുന്നത്.
തന്റെ 17ാം ഏകദിന മത്സരത്തിലാണ് താരത്തിന്റെ കന്നി സെഞ്ച്വറി പിറന്നത്. ഇതിന് മുമ്പ് നാല് അര്‍ദ്ധ സെഞ്ച്വറികളായിരുന്നു താരത്തിന്റെ ക്രെഡിറ്റിലുണ്ടായിരുന്നത്. ദക്ഷിണാഫ്രിക്കയ്‌ക്കെതിരെ 2022ല്‍ ലക്‌നൗവില്‍ നേടിയ 89 റണ്‍സ് ആയിരുന്നു ഇതിന് മുമ്പുള്ള ഉയര്‍ന്ന സ്‌കോര്‍.
സഞ്ജുവിനെ സംബന്ധിച്ച് ഇന്നത്തെ മത്സരത്തില്‍ തിളങ്ങേണ്ടത് അനിവാര്യമായിരുന്നു. ഈ പരമ്പരയിലെ മൂന്ന് മത്സരങ്ങളിലും പ്ലേയിംഗ് ഇലവനില്‍ ഉള്‍പ്പെട്ടിരുന്നെങ്കിലും ആദ്യ മത്സരത്തില്‍ താരത്തിന് ബാറ്റിംഗിന് അവസരം ലഭിച്ചിരുന്നില്ല. രണ്ടാം മത്സരത്തില്‍ 23 പന്തില്‍ 12 റണ്‍സ് മാത്രമായിരുന്നു സമ്പാദ്യം.
ആദ്യം ബാറ്റ് ചെയ്യുന്ന ഇന്ത്യ 18 ഓവറില്‍ 101ന് മൂന്ന് എന്ന നിലയില്‍ നില്‍ക്കുമ്പോള്‍ യുവതാരം തിലക് വര്‍മ്മയെ കൂട്ടുപിടിച്ച് സെഞ്ച്വറി കൂട്ടുകെട്ടുണ്ടാക്കാനും മലയാളി താരത്തിന് കഴിഞ്ഞു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
