അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബ്രസിൽ നട്ട്സ് തൈറോയ്ഡ് രോഗികള്‍ക്ക് പറ്റിയ നല്ലൊരു ഭക്ഷണമാണ് ബ്രസീല്‍ നട്‌സ് എന്നത്. ചക്കക്കുരുവിനോട് സാമ്യമുള്ള ഒന്നാണിത്. പല ആരോഗ്യ ഗുണങ്ങളും നല്‍കുന്ന ഈ നട്‌സ് ഡയറ്റില്‍ ഉള്‍പ്പെടുത്തുന്നത് ഏറെ ഗുണം നല്‍കും.
തൈറോയ്ഡ് ഇന്നത്തെ കാലത്ത് പ്രമേഹവും കൊളസ്‌ട്രോളും പോലെ തന്നെയുളള ഒരു രോഗമായി മാറിക്കഴിഞ്ഞിരിയ്ക്കുന്നു. പലര്‍ക്കും, പ്രത്യേകിച്ചും സ്ത്രീകള്‍ക്കുള്ള ഹോര്‍മോണ്‍ രോഗമാണ് ഇത്. തൈറോയ്ഡ് ഹോര്‍മോണിലെ ഏറ്റക്കുറച്ചിലുകളാണ് ഈ രോഗത്തിന് കാരണമാകുന്നത്. ഈ ഹോര്‍മോണ്‍ കൂടിയാലും കുറഞ്ഞാലുമെല്ലാം പ്രശ്‌നം തന്നെയാണ്.
കൂടുതലെങ്കില്‍ ഇത് ഹൈപ്പര്‍ തൈറോയ്ഡ് ഉണ്ടാക്കും, കുറവെങ്കില്‍ ഹൈപ്പോയും. കൂടുതലായി കണ്ടു വരുന്നത് ഹൈപ്പോ തൈറോയ്ഡാണ്. തൈറോയ്ഡ് രോഗത്തിന് പാരമ്പര്യം, ജീവിതശൈലികള്‍, ഭക്ഷണ ശീലം, സ്‌ട്രെസ് തുടങ്ങിയ പല കാരണങ്ങളുമുണ്ട്. ചില പ്രത്യേക ഭക്ഷണങ്ങള്‍ തൈറോയ്ഡ് വര്‍ദ്ധിപ്പിയ്ക്കും, ചിലത് പരിഹാരമാകും.
തൈറോയ്ഡ് രോഗികള്‍ നിര്‍ബന്ധമായും കഴിച്ചിരിയ്‌ക്കേണ്ട ഒന്നാണ് ബ്രസില്‍ നട്‌സ് എന്നത്. നാം പൊതുവേ നട്‌സിന്റെ കൂട്ടത്തില്‍ ബദാം, പിസ്ത, കശുവണ്ടിപ്പരിപ്പ് എന്നൊക്കെ പറയുമെങ്കിലും ബ്രസില്‍ നട്‌സ് അധികമാരും കഴിയ്ക്കുന്ന ഒന്നാകില്ല. പലരും കേട്ടിട്ടു പോലുമുണ്ടാകില്ല.
പ്രോട്ടീനുകള്‍, നാരുകള്‍, സെലേനിയം, കോപ്പര്‍, മഗ്നീഷ്യം, ഫോസ്ഫറസ്, സിങ്ക്, തയാമിന്‍, വൈറ്റമിന്‍ ഇ തുടങ്ങിയ പല പോഷകങ്ങളും ഇതില്‍ അടങ്ങിയിട്ടുണ്ട്. തൈറോയ്ഡിന് പ്രത്യേകിച്ചും.
ചക്കക്കുരുവിനോട് ഏറെ സാമ്യമുള്ള ഇത് ഏറെ ആരോഗ്യ ഗുണങ്ങള്‍ ഉള്ള ഒന്നാണ്. കാരണം ഇതില്‍ സെലേനിയം ധാരാളം അടങ്ങിയിട്ടുണ്ട്. തൈറോയ്ഡ് രോഗികള്‍ക്ക് അത്യാവശ്യമുളള ഒന്നാണ് സെലേനിയം എന്നത്.
മറ്റേത് നട്‌സിനേക്കാള്‍ കൂടുതല്‍ സെലേനിയം അടങ്ങിയിട്ടുള്ള ഒന്നാണിത്. തൈറോയ്ഡ് ഗ്രന്ഥിയുടെ ശരിയായ പ്രവര്‍ത്തനത്തിന് ഏറെ അത്യാവശ്യമാണ് സെലേനിയം. തൈറോയ്ഡ് ടിഷ്യുവിലാണ് കൂടുതല്‍ സെലേനിയമുള്ളത്. ഇത് തൈറോയ്ഡ് ഹോര്‍മോണ്‍, ടി3 ഉല്‍പാദനത്തിന് അത്യാവശ്യമാണ്.
തൈറോയ്ഡ് ഗ്രന്ഥിയെ തകരാറുകളില്‍ നിന്നും സംരക്ഷിയ്ക്കാനും ഇതേറെ അത്യാവശ്യമാണ്. സെലേനിയം കുറവ് ഹൈപ്പോ തൈറോയ്ഡിസം, തൈറോഡൈറ്റിസ്, തൈറോയ്ഡ് ഗ്രന്ഥി വലുതാകുക തുടങ്ങിയ പല അവസ്ഥകളിലേയ്ക്കും വഴിയൊരുക്കും.
ബ്രസീല്‍ നട്‌സ് ശരീരത്തിലുണ്ടാകുന്ന വീക്കം തടയാനും ഏറെ ഗുണകരമാണ്. ഇത് കൊളസ്‌ട്രോള്‍ നിയന്ത്രണത്തിനും ഏറെ നല്ലതാണ്. ശരീരത്തിലെ ഫ്രീ റാഡിക്കലുകളെ പ്രതിരോധിയ്ക്കുന്നതിനാല്‍ തന്നെയും ഇത് ക്യാന്‍സര്‍ പോലുളള രോഗങ്ങള്‍ തടയാനും ഏറെ ഫലപ്രദമായ ഒന്നാണ്. ബ്രെയിന്‍ ആരോഗ്യത്തിനും ഇത് മികച്ചത് തന്നെയാണ്. ശരീരത്തിലെ മെറ്റബോളിസം വര്‍ദ്ധിപ്പിയ്ക്കുക, പ്രോട്ടീന്‍ സമ്പുഷ്ടം തുടങ്ങിയ കാരണങ്ങളാല്‍ ഇത് തടി കുറയ്ക്കാന്‍ ഫലപ്രദമായ ഒന്നു കൂടിയാണെന്ന് പറയാം.
