അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മോഹൻലാൽ ആരാധകർ ഏറെ പ്രതീക്ഷയോടു കൂടി കാത്തിരിക്കുന്ന സിനിമയാണ് ലിജോ ജോസ് പെല്ലിശ്ശേരി സംവിധാനം നിർവഹിച്ച മലൈക്കോട്ടൈ വാലിബൻ. ഷൂട്ടിങ് സമയത്തു തന്നെ എൽ ജെ പി സോഷ്യൽ മീഡിയയിൽ പോസ്റ്റ് ചെയ്യുന്ന അപ്പ്ഡേഷന്സിനെല്ലാം ആരാധകർ ഏറെ ആയിരുന്നു. ഡിസംബർ 2 നു എത്തിയ ടീസർ ആരാധകർ കൗതകത്തോട് കൂടിയാണ് നോക്കി കണ്ടത്. അധികം റിവീലിംങ് ഇല്ലായിരുന്നുവെങ്കിലും ഫ്രെമിങ്ങും, കളറിങ്ങും ഉഗ്രനായിരുന്നുവെന്ന അഭിപ്രായം പലരും പങ്കു വച്ചിരുന്നു.
ഇപ്പോഴിതാ വാലിബനിലെ പുന്നാര കാട്ടിലെ പൂവനത്തിൽ എന്ന തുടങ്ങുന്ന ഗാനം പുറത്തു വിട്ടിരിക്കുകയാണ്. സരിഗമ കാര്‍വ മലയാളത്തിന്റെ യൂട്യൂബ് ചാനലിലൂടെയാണ് വീഡിയോ അപ്‌ലോഡ് ചെയ്തിരിക്കുന്നത്. ഇതുവരെ എട്ട് ലക്ഷത്തിലധികം ആളുകള്‍ കേട്ട് കഴിഞ്ഞു. വെറും മൂന്ന് മിനിട്ട് 54 സെക്കന്റ് മാത്രം ദൈര്‍ഘ്യമുള്ള പാട്ടില്‍ പ്രണയമാണ് നിറഞ്ഞു നിൽക്കുന്നത്. പഴയകാലത്തിന്റെ ഭംഗികളെല്ലാം ഒപ്പിയെടുക്കാൻ പാട്ടിനു കഴിഞ്ഞിട്ടുണ്ട്. ഒരു കഥ പറയുന്നത് പോലെയാണ് പാട്ട് അവറ്റവതരിപ്പിച്ചിരിക്കുന്നത് “നേരമില്ലൊട്ടും നേരമില്ല” എന്ന് പരാമർശിക്കുന്ന വരികൾ ഒരു പ്രണയത്തിന്റെ ചടുലതയും, സൗന്ദര്യവും സൂചിപ്പിക്കുന്നു.
പ്രശാന്ത് പിള്ള ഈണം നല്‍കിയ പാട്ടിന് വരികള്‍ എഴുതിയിരിയ്ക്കുന്നത് പിഎസ് റഫീഖ് ആണ്. ശ്രീകുമാര്‍ വക്കിയിലും അഭയഹിരണ്‍മയിയും ചേര്‍ന്നാണ് പാട്ട് പാടിയിരിക്കുന്നത്. അവസാനഭാഗത്തിലെ മോഹൻലാലിന്റെ കടന്നുവരവും, ചിരിയും പഴയ മോഹൻലാലിന്റെ അഭിനയ മികവിനെ തിരിച്ചു കൊണ്ട് വന്നുവെന്നാണ് കമാറ്റുകൾ. മറ്റു ഭാഷയിൽ നിന്നുള്ളവർക്കുംപോലും ഇഷ്ട്ടപ്പെടുന്ന തരത്തിലാണ് പാട്ട് ചിട്ടപ്പെടുത്തിയിരിക്കുന്നത്.പഴയ പാട്ടുകളുടെ ഫീൽ തരുന്ന ഒരു മനോഹര ഗാനം , പഴയകാലത്തേക്ക് കൂട്ടി കൊണ്ട് പോകുന്ന ഒരു ഫീൽ തുടങ്ങിയവയാണ് ആരാധകരുടെ കമന്റുകൾ
