ച​രി​ത്രം​കു​റി​ച്ച്​ കാ​ലാ​വ​സ്ഥ ഉ​ട​മ്പ​ടി; കോ​പ്​ 28ന്​ ​സ​മാ​പ​നം

ദു​ബൈ: കാ​ലാ​വ​സ്ഥ വ്യ​തി​യാ​ന​ത്തി​നെ​തി​രാ​യ പോ​രാ​ട്ട​ത്തി​ൽ ച​രി​ത്രം കു​റി​ച്ച്​ ദു​ബൈ​യി​ൽ ന​ട​ന്ന കോ​പ്​ 28 ഉ​ച്ച​കോ​ടി​യി​ൽ ആ​ഗോ​ള കാ​ലാ​വ​സ്ഥ ഉ​ട​മ്പ​ടി​ക്ക്​ അം​ഗീ​കാ​രം. ഉ​ച്ച​കോ​ടി​യു​ടെ അ​വ​സാ​ന ദി​ന​വും പി​ന്നി​ട്ട്​ മ​ണി​ക്കൂ​റു​ക​ൾ നീ​ണ്ട ച​ർ​ച്ച​ക​ൾ​ക്കു​​ശേ​ഷം ബു​ധ​നാ​ഴ്ച​യാ​ണ്​ 198 രാ​ജ്യ​ങ്ങ​ൾ ഐ​ക​ക​ണ്ഠ്യേ​ന ഉ​ട​മ്പ​ടി​രേ​ഖ​ക്ക്​ അം​ഗീ​കാ​രം ന​ൽ​കി​യ​ത്.

ച​രി​ത്ര​ത്തി​ൽ ആ​ദ്യ​മാ​യി ഫോ​സി​ൽ ഇ​ന്ധ​നം സം​ബ​ന്ധി​ച്ച്​ പ​രാ​മ​ർ​ശ​മു​ണ്ടെ​ന്ന​താ​ണ്​ ‘യു.​എ.​ഇ സ​മ​വാ​യ’​ത്തെ വ്യ​ത്യ​സ്ത​മാ​ക്കു​ന്ന​ത്. ഉ​ച്ച​കോ​ടി വേ​ദി​യി​ൽ ക​ര​ഘോ​ഷ​ത്തോ​ടെ എ​ഴു​ന്നേ​റ്റു​​നി​ന്നാ​ണ്​ പ്ര​ഖ്യാ​പ​ന​ത്തെ വി​വി​ധ രാ​ഷ്ട്ര പ്ര​തി​നി​ധി​ക​ൾ സ്വീ​ക​രി​ച്ച​ത്.

ഭൂ​മി​യു​ടെ​യും ജ​ന​ങ്ങ​ളു​ടെ​യും ന​ല്ല ഭാ​വി​ക്കു വേ​ണ്ടി ക​ഴി​ഞ്ഞ ര​ണ്ടാ​ഴ്ച​ക​ളി​ലാ​യി ന​ട​ത്തി​യ ക​ഠി​നാ​ധ്വാ​ന​ത്തി​ന്‍റെ വി​ജ​യ​മാ​ണി​തെ​ന്ന്​ കോ​പ്​ 28 പ്ര​സി​ഡ​ന്‍റ്​ ഡോ. ​സു​ൽ​ത്താ​ൻ അ​ൽ ജാ​ബി​ർ ഉ​ട​മ്പ​ടി പ്ര​ഖ്യാ​പി​ച്ചു​കൊ​ണ്ട്​ പ​റ​ഞ്ഞു. ത​ല​യു​യ​ർ​ത്തി​പ്പി​ടി​ച്ചാ​ണ്​ ദു​ബൈ​യി​ൽ നി​ന്ന്​ കോ​പ്​ പ്ര​തി​നി​ധി​ക​ൾ മ​ട​ങ്ങു​ന്ന​തെ​ന്നും ഐ​ക്യ​വും ഐ​ക്യ​ദാ​ർ​ഢ്യ​വും അ​ടി​സ്ഥാ​ന​മാ​ക്കി​യാ​ണ്​ പ്ര​വ​ർ​ത്ത​ന​ങ്ങ​ൾ ന​ട​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

2050ഓ​ടെ കാ​ർ​ബ​ൺ പു​റ​ന്ത​ള്ള​ൽ പൂ​ർ​ണ​മാ​യും കു​റ​ക്കു​ന്ന​തി​ന്​ ക​ൽ​ക്ക​രി, പെ​ട്രോ​ളി​യം അ​ട​ക്ക​മു​ള്ള ഫോ​സി​ൽ ഇ​ന്ധ​ന​ങ്ങ​ളു​ടെ ഉ​ൽ​പാ​ദ​ന​വും ഉ​പ​ഭോ​ഗ​വും കു​റ​ക്ക​ണ​മെ​ന്നാ​ണ്​ ഉ​ട​മ്പ​ടി​യി​ൽ പ​രാ​മ​ർ​ശി​ച്ചി​ട്ടു​ള്ള​ത്. ക​രാ​റി​ന്​ അം​ഗീ​കാ​രം ന​ൽ​കി​യ എ​ല്ലാ രാ​ജ്യ​ങ്ങ​ളും ഇ​ക്കാ​ര്യ​ത്തി​ൽ ന​ട​പ​ടി സ്വീ​ക​രി​ക്കേ​ണ്ടി​വ​രും.

ആ​ഗോ​ള​താ​പ​നം 1.5 ഡി​ഗ്രി​യി​ൽ പി​ടി​ച്ചു​നി​ർ​ത്തേ​ണ്ട​തി​ന്‍റെ അ​നി​വാ​ര്യ​ത ഉ​റ​പ്പി​ക്കു​ന്ന​താ​ണ്​ കോ​പ്​ 28 ഉ​ട​മ്പ​ടി​യെ​ന്ന്​ യു.​എ​ൻ സെ​ക്ര​ട്ട​റി ജ​ന​റ​ൽ അ​ന്‍റോ​ണി​യോ ഗു​ട്ടെ​റ​സ്​ പ്ര​തി​ക​രി​ച്ചു. ഉ​ച്ച​കോ​ടി വ​ർ​ഷ​ങ്ങ​ളാ​യി മു​ട​ങ്ങി​ക്കി​ട​ന്ന ഫോ​സി​ൽ ഇ​ന്ധ​ന​ങ്ങ​ളെ കു​റി​ച്ച ച​ർ​ച്ച തി​രി​ച്ചു​കൊ​ണ്ടു​വ​രു​ക​യും ഊ​ർ​ജ പ​രി​വ​ർ​ത്ത​ന​ത്തി​ന്‍റെ അ​നി​വാ​ര്യ​ത ഉ​റ​പ്പി​ക്കു​ക​യും ചെ​യ്തു.

ശാ​സ്​​ത്രം ആ​വ​ശ്യ​പ്പെ​ടു​ന്ന​ത്​ ഇ​ത്ത​രം ഇ​ന്ധ​ന​ങ്ങ​ളു​ടെ ഉ​പ​യോ​ഗം അ​വ​സാ​നി​പ്പി​ക്കാ​തെ കാ​ലാ​വ​സ്ഥ വ്യ​തി​യാ​ന​ത്തെ ത​ട​യാ​നാ​കി​ല്ലെ​ന്നാ​ണ്. ഫോ​സി​ൽ ഇ​ന്ധ​നം ഉ​പേ​ക്ഷി​ക്കു​ന്ന​ത്​ എ​തി​ർ​ത്ത​വ​രോ​ട്​ പ​റ​യാ​നു​ള്ള​ത്​ ഇ​ഷ്ട​പ്പെ​ട്ടാ​ലും ഇ​ല്ലെ​ങ്കി​ലും ഇ​ത​ല്ലാ​തെ വ​ഴി​യി​ല്ലെ​ന്ന കാ​ര്യ​മാ​ണ്​ -അ​ദ്ദേ​ഹം കൂ​ട്ടി​ച്ചേ​ർ​ത്തു.

ചൊ​വ്വാ​ഴ്ച അ​വ​സാ​നി​പ്പി​ക്കാ​ൻ നി​ശ്ച​യി​ച്ച ഉ​ച്ച​കോ​ടി അ​ന്തി​മ ഉ​ട​മ്പ​ടി സം​ബ​ന്ധി​ച്ച അ​ഭി​പ്രാ​യ വ്യ​ത്യാ​സ​ത്തെ തു​ട​ർ​ന്നാ​ണ്​ ബു​ധ​നാ​ഴ്ച​യി​ലേ​ക്ക്​ നീ​ണ്ട​ത്. ഫോ​സി​ൽ ഇ​ന്ധ​ന ഉ​പ​യോ​ഗം അ​വ​സാ​നി​പ്പി​ക്കാ​നു​ള്ള പ്ര​ഖ്യാ​പ​നം ഉ​ച്ച​കോ​ടി​യി​ലു​ണ്ടാ​കി​ല്ലെ​ന്ന്​ തി​ങ്ക​ളാ​ഴ്ച​ത​ന്നെ ഉ​റ​പ്പാ​യി​രു​ന്നു. ഫോ​സി​ൽ ഇ​ന്ധ​നം ഉ​പേ​ക്ഷി​ക്കു​ക​യെ​ന്ന വാ​ക്ക്​ രേ​ഖ​യി​ൽ​നി​ന്ന്​ മാ​റ്റി, ‘ഫോ​സി​ൽ ഇ​ന്ധ​ന​ത്തി​ന്‍റെ ഉ​ൽ​പാ​ദ​ന​വും ഉ​പ​ഭോ​ഗ​വും കു​റ​ക്കു​ക’ എ​ന്ന​ത്​ പ​ക​ര​മാ​യി ക​ര​ട്​ രേ​ഖ​യി​ൽ ചേ​ർ​ത്തി​രു​ന്നു.

പ​ല രാ​ജ്യ​ങ്ങ​ളും ക​ൽ​ക്ക​രി, പെ​ട്രോ​ൾ അ​ട​ക്ക​മു​ള്ള ഫോ​സി​ൽ ഇ​ന്ധ​ന​ങ്ങ​ൾ ഉ​പേ​ക്ഷി​ക്ക​ണ​മെ​ന്ന നി​ല​പാ​ടി​നെ പി​ന്താ​ങ്ങാ​ൻ ഒ​രു​ക്ക​മ​ല്ലെ​ന്ന നി​ല​പാ​ട്​ സ്വീ​ക​രി​ച്ച​തോ​ടെ​യാ​ണ്​ ക​ര​ട്​ രേ​ഖ​യി​ൽ തി​രു​ത്ത്​ വ​ന്ന​ത്. 21പേ​ജു​ള്ള രേ​ഖ​യി​ൽ 2050ന്​ ​മു​മ്പാ​യി നെ​റ്റ്​ സീ​റോ ല​ക്ഷ്യം കൈ​വ​രി​ക്കു​ന്ന​തി​ന്​ നീ​തി​യു​ക്​​ത​മാ​യ രീ​തി​യി​ൽ ശാ​സ്ത്രീ​യ സം​വി​ധാ​ന​ങ്ങ​ളി​ലൂ​ടെ പ​രി​ശ്ര​മി​ക്കു​മെ​ന്ന തീ​രു​മാ​ന​മാ​ണു​ള്ള​ത്.

ദു​ബൈ എ​ക്സ്​​പോ സി​റ്റി​യി​ൽ ന​വം​ബ​ർ 30നാ​ണ്​ കോ​പ്​ 28 ഉ​ച്ച​കോ​ടി ആ​രം​ഭി​ച്ച​ത്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യ​ട​ക്കം വി​വി​ധ രാ​ഷ്ട്ര നേ​താ​ക്ക​ൾ സ​മ്മേ​ള​ന​ത്തെ അ​ഭി​സം​ബോ​ധ​ന ചെ​യ്തി​രു​ന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു