യു.എ.ഇ: തൊഴില്‍ നഷ്ട ഇന്‍ഷുറന്‍സ്​; പിഴ ഈടാക്കി തുടങ്ങുമെന്ന്​ മന്ത്രാലയം

ദു​ബൈ: തൊ​ഴി​ല്‍ ന​ഷ്ട ഇ​ന്‍ഷു​റ​ന്‍സ് പ​ദ്ധ​തി​യി​ല്‍ ചേ​രാ​ത്ത​വ​രി​ൽ​നി​ന്നും ത​വ​ണ​ക​ളാ​യി അ​ട​ക്കു​ന്ന​തി​ൽ വീ​ഴ്ച വ​രു​ത്തു​ന്ന​വ​രി​ൽ​നി​ന്നും പി​ഴ ഈ​ടാ​ക്കു​മെ​ന്ന്​ മാ​ന​വ​വി​ഭ​വ ശേ​ഷി, എ​മി​റേ​റ്റൈ​സേ​ഷ​ൻ മ​ന്ത്രാ​ല​യം.

ഇ​ന്‍ഷു​റ​ന്‍സി​ൽ ചേ​രേ​ണ്ട 14 ശ​ത​മാ​നം ജീ​വ​ന​ക്കാ​ര്‍ ഇ​തു​വ​രെ പ​ദ്ധ​തി​യി​ല്‍ ചേ​ര്‍ന്നി​ട്ടി​ല്ലെ​ന്ന്​ അ​റി​യി​ച്ചു​കൊ​ണ്ടാ​ണ്​ അ​ധി​കൃ​ത​ർ ഇ​ക്കാ​ര്യം വ്യ​ക്​​ത​മാ​ക്കി​യ​ത്. അ​ത്ത​രം ജീ​വ​ന​ക്കാ​രി​ല്‍നി​ന്ന് ഉ​ട​ന്‍ പി​ഴ ഈ​ടാ​ക്കാ​ന്‍ തു​ട​ങ്ങും. 2023 ജ​നു​വ​രി​യി​ലാ​ണ് ജോ​ലി ന​ഷ്ട​പ്പെ​ടു​മ്പോ​ൾ സം​ര​ക്ഷ​ണം ല​ഭി​ക്കു​ന്ന ഇ​ൻ​ഷു​റ​ൻ​സ്​ പ​ദ്ധ​തി ആ​രം​ഭി​ച്ച​ത്.

പ​ദ്ധ​തി​യി​ല്‍ ചേ​രാ​നു​ള്ള സ​മ​യ​പ​രി​ധി ഒ​ക്ടോ​ബ​റി​ല്‍ അ​വ​സാ​നി​ക്കു​ക​യും ചെ​യ്തി​രു​ന്നു. ഇ​ന്‍ഷു​റ​ന്‍സ് പ​ദ്ധ​തി​യി​ല്‍ ര​ജി​സ്റ്റ​ര്‍ ചെ​യ്യു​ന്ന​തി​ല്‍ പ​രാ​ജ​യ​പ്പെ​ടു​ന്ന തൊ​ഴി​ലാ​ളി​ക​ള്‍ക്ക് 400 ദി​ര്‍ഹ​മാ​ണ്​ പി​ഴ ചു​മ​ത്തു​ക. കൃ​ത്യ​സ​മ​യ​ത്ത് ത​വ​ണ​വ്യ​വ​സ്ഥ​യി​ലു​ള്ള തു​ക അ​ട​ക്കു​ന്ന​തി​ല്‍ വീ​ഴ്ച വ​രു​ത്തു​ന്ന​വ​ർ​ക്ക്​ 200 ദി​ര്‍ഹ​മും പി​ഴ ചു​മ​ത്തും. മ​ന്ത്രാ​ല​യ​ത്തി​ന്‍റെ ഡി​ജി​റ്റ​ല്‍ പ്ലാ​റ്റ്‌​ഫോ​മു​ക​ള്‍ വ​ഴി​യോ അം​ഗീ​കൃ​ത ബി​സി​ന​സ് സേ​വ​ന കേ​ന്ദ്ര​ങ്ങ​ള്‍ സ​ന്ദ​ര്‍ശി​ച്ചോ പി​ഴ പ​രി​ശോ​ധി​ക്കാ​നും അ​ട​ക്കാ​നും സൗ​ക​ര്യ​മൊ​രു​ക്കി​യി​ട്ടു​ണ്ട്.

പി​ഴ അ​ട​ക്കാ​ത്ത തൊ​ഴി​ലാ​ളി​ക​ൾ​ക്കെ​തി​രെ പു​തി​യ വ​ര്‍ക്ക് പെ​ര്‍മി​റ്റു​ക​ള്‍ നി​ഷേ​ധി​ക്കു​ന്ന​തു​ള്‍പ്പെ​ടെ ശി​ക്ഷ ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും മ​ന്ത്രാ​ല​യം സൂ​ച​ന ന​ൽ​കി​യി​ട്ടു​ണ്ട്.

ഇ​ത്ത​രം സാ​ഹ​ച​ര്യ​ങ്ങ​ളി​ൽ പി​ഴ തു​ക ജീ​വ​ന​ക്കാ​ര​ന്റെ ശ​മ്പ​ള​ത്തി​ല്‍നി​ന്നോ സേ​വ​നാ​ന​ന്ത​ര ആ​നു​കൂ​ല്യ​ങ്ങ​ളി​ല്‍ നി​ന്നോ പി​ടി​ക്കു​ക​യും ചെ​യ്യും. ഇ​തി​ന​കം 67 ല​ക്ഷ​ത്തി​ല​ധി​കം തൊ​ഴി​ലാ​ളി​ക​ള്‍ ഇ​ന്‍ഷു​റ​ന്‍സ് പ​ദ്ധ​തി​യി​ല്‍ ര​ജി​സ്റ്റ​ര്‍ ചെ​യ്തി​ട്ടു​ണ്ടെ​ന്ന്​ മ​റ്റൊ​രു അ​റി​യി​പ്പി​ൽ മ​ന്ത്രാ​ല​യം വ്യ​ക്​​ത​മാ​ക്കി. സ്വ​കാ​ര്യ മേ​ഖ​ല​യി​ലും ഫെ​ഡ​റ​ൽ സ​ർ​ക്കാ​ർ മേ​ഖ​ല​യി​ലും പ്ര​വ​ർ​ത്തി​ക്കു​ന്ന പൗ​ര​ന്മാ​രും താ​മ​സ​ക്കാ​രും ഇ​തി​ൽ ഉ​ൾ​പ്പെ​ടും.

സ്വ​ന്ത​മാ​യി സ്ഥാ​പ​ന​മു​ള്ള നി​ക്ഷേ​പ​ക​ർ, ഗാ​ർ​ഹി​ക ​തൊ​ഴി​ലാ​ളി​ക​ൾ, താ​ൽ​ക്കാ​ലി​ക വ​ർ​ക്​ പെ​ർ​മി​റ്റു​ള്ള ​ജീ​വ​ന​ക്കാ​ർ, 18 വ​യ​സ്സി​ൽ താ​ഴെ പ്രാ​യ​മു​ള്ള കു​ട്ടി​ക​ൾ, വി​ര​മി​ച്ച​ശേ​ഷം പെ​ൻ​ഷ​ൻ ല​ഭി​ക്കു​ക​യും മ​റ്റൊ​രു ജോ​ലി​യി​ൽ പ്ര​വേ​ശി​ക്കു​ക​യും ചെ​യ്ത​വ​ർ എ​ന്നി​വ​ർ​ക്കാ​ണ്​ പ​ദ്ധ​തി​യി​ൽ ചേ​രു​ന്ന​തി​ന്​ ഇ​ള​വു​ള്ള​ത്.

തൊ​ഴി​ൽ ന​ഷ്ട​പ്പെ​ടു​ന്ന സാ​ഹ​ച​ര്യ​ത്തി​ൽ മാ​ന്യ​മാ​യ ജീ​വി​തം നി​ല​നി​ർ​ത്താ​ൻ സ​ഹാ​യി​ക്കു​ന്ന സാ​മൂ​ഹി​ക സു​ര​ക്ഷാ സം​വി​ധാ​ന​മാ​ണ്​ ഇ​ൻ​ഷു​റ​ൻ​സ്​ പ​ദ്ധ​തി.

ഇ​ൻ​ഷൂ​ർ ചെ​യ്യു​ന്ന തൊ​ഴി​ലാ​ളി​ക​ൾ​ക്ക് ജോ​ലി ന​ഷ്ട​മാ​യാ​ൽ മൂ​ന്നു മാ​സം വ​രെ സാ​മ്പ​ത്തി​ക സ​ഹാ​യം ല​ഭി​ക്കും. ഒ​ക്ടോ​ബ​ർ ഒ​ന്നി​നു​ശേ​ഷം ജോ​ലി​യി​ൽ പ്ര​വേ​ശി​ച്ച​വ​ർ നാ​ലു മാ​സ​ത്തി​നു​ള്ളി​ൽ ഇ​ൻ​ഷു​റ​ൻ​സ് പ​ദ്ധ​തി​യി​ൽ ര​ജി​സ്റ്റ​ർ ചെ​യ്തി​ല്ലെ​ങ്കി​ൽ പി​ഴ ന​ൽ​കേ​ണ്ടി​വ​രും.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു