“അടിയന്തരാവസ്ഥക്കാലത്തെ അനുരാഗം ” ഓഡിയോ റിലീസ് ചെയ്തു

കൊച്ചി: പ്രശസ്ത സംവിധായകന്‍ ആലപ്പി അഷ്റഫിന്‍റെ പുതിയ ചിത്രമായ ‘അടിയന്തിരാവസ്ഥക്കാലത്തെ അനുരാഗത്തിൻ്റെ ഓഡിയോ റിലീസ് നടത്തി. ഒരിടവേളയ്ക്ക് ശേഷം ആലപ്പി അഷ്റഫ് ഒരുക്കുന്ന ചിത്രമാണ് “അടിയന്തരാവസ്ഥക്കാലത്തെ അനുരാഗം “. പേര് സൂചിപ്പിക്കുന്നതു പോലെ അടിയന്തിരാവസ്ഥക്കാലത്ത് നടക്കുന്ന ഒരു പ്രമേയമാണ് ചിത്രത്തിന്‍റേത്.

പൗരാവകാശങ്ങള്‍ക്ക് കൂച്ചുവിലങ്ങു വീണ ആ കാലത്തുണ്ടായ ഹൃദയഹാരിയായ ഒരു അനുരാഗത്തിന്‍റെ കഥയാണ് സിനിമ പറയുന്നത്. അടിയന്തരാവസ്ഥക്കാലത്തെ സാമൂഹ്യ-രാഷ്ട്രീയ ചുറ്റുപാടുകളും ചിത്രം ചര്‍ച്ച ചെയ്യുന്നുണ്ട്.