അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യാത്രകൾ നമുക്കെന്നും പ്രിയപ്പെട്ടതാണ്. പുതിയ സ്ഥലങ്ങളിലെ കാഴ്ചകൾ ആസ്വദിക്കാൻ ആഗ്രഹമുളളവരാണ് നമ്മളിൽ മിക്കവരും. ഇഷ്ടമുളള രാജ്യങ്ങളിൽ സ്ഥിരതാമസമാക്കിയില്ലെങ്കിലും കുറച്ച് ദിവസത്തേക്കെങ്കിലും പോകാൻ ആഗ്രഹിക്കുന്നവരുണ്ട്. ഇതിനൊക്കെയുളള പണച്ചെലവ് വലുതായതിനാൽ പലരും ആഗ്രഹങ്ങൾ മാറ്റി വയ്ക്കാറുണ്ട്.
അത്തരത്തിൽ പലരും പോകണമെന്ന് ആഗ്രഹിക്കുന്ന സ്ഥലങ്ങളിലൊന്നാണ് ഫ്ലോറിഡ. സോഷ്യൽമീഡിയയിൽ ഫ്ളോറിഡയിലെ യാത്രാവിശേഷങ്ങൾ സജീവമാണ്. അതൊക്കെ കാണുമ്പോൾ നമ്മുടെ ആഗ്രഹം വർദ്ധിക്കും. എന്നാൽ അങ്ങനെയുളളവരുടെ ആഗ്രഹം സഫലമാക്കാൻ ഒരു ഡേറ്റിംഗ് കമ്പനി രംഗത്തെത്തിയിരിക്കുകയാണ്. ഇഗ്നൈറ്റ് ഡേറ്റിംഗ് എന്നാണ് ഈ കമ്പനിയുടെ പേര്, ഫ്ലോറിഡയിലേക്ക് 26 ലക്ഷം രൂപയുടെ ആഡംബര യാത്രാ പാക്കേജാണ് കമ്പനി ഇപ്പോൾ അവതരിപ്പിച്ചിരിക്കുന്നത്. തിരഞ്ഞെടുക്കപ്പെടുന്നവരെ കാത്തിരിക്കുന്നത് ഫ്ലോറിഡയിലെ മനോഹരമായ ദിവസങ്ങളാണ്.
യാത്രയുടെ പൂർണച്ചെലവും കമ്പനി വഹിക്കും. ഫ്ലോറിഡയിൽ താമസിക്കുന്നതിന് ആഡംബര വില്ലകളും ഹോട്ടൽ മുറികളുമാണ് കമ്പനി ഒരുക്കിയിരിക്കുന്നത്.രാജ്യത്തെ കാലാവസ്ഥയ്ക്ക് അനുകൂലമായ വസ്ത്രങ്ങൾ കമ്പനി തന്നെ നൽകുന്നതാണ്. ഫ്ലോറിഡയിലെത്തിയതിന് ശേഷം നിങ്ങളെ ഒർലാൻഡോ, സെൻട്രൽ ഫ്ളോറിഡ, അന്ന മരിയ ദ്വീപ് തുടങ്ങിയ സ്ഥലങ്ങളിലെ കാഴ്ചകൾ കാണുന്നതിനായി കമ്പനി ചെലവിൽ കൊണ്ടുപോകും. കൂടാതെ വൈൽഡ് ലൈഫ് റിസർവ്,അലിഗേറ്റർ സിപ് ലൈൻ,ജെറ്റ് സ്‌കിംഗ്,ഡോൽഫിൻ സ്‌പോട്ടിംഗ് തുടങ്ങിയ സ്ഥലങ്ങളിൽ കൊണ്ടുപോകും.
ഈ സുവർണാവസരം കാത്തിരിക്കുന്നത് 25നും 60നുമിടയിൽ പ്രായ പരിധിയുളളവർക്കാണ്.എന്നാൽ ഇഗ്നൈറ്റ് കുറച്ച് നിബന്ധനകൾ വയ്ക്കുന്നുണ്ട്. നിങ്ങൾ യാത്ര ചെയ്യേണ്ടത് കമ്പനി നിർദ്ദേശിക്കുന്ന വ്യക്തിയോടൊപ്പമാണ്. അവരോടോപ്പം ഡേറ്റിംഗ് ചെയ്യേണ്ടി വരും. ഇതാണ് ഇഗ്നൈറ്റ് മുന്നോട്ട് വയ്ക്കുന്ന ആദ്യനിബന്ധന. കൂടാതെ ഡ്രൈവിംഗ് ലൈസൻസ് നിർബന്ധമായും ഉണ്ടായിരിക്കണം. ഈ ഓഫർ അടുത്ത വർഷം ഫെബ്രുവരി 12 മുതൽ 21 വരെയാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
