ഒ​മാ​നി​ലെ ഇന്ത്യൻ സ്കൂളുകൾ പരീക്ഷച്ചൂടിലേക്ക്

മ​സ്ക​ത്ത്: സി.​ബി.​എ​സ്.​ഇ 10, 12 ക്ലാ​സു​ക​ളി​ലെ പൊ​തു പ​രീ​ക്ഷ ഫെ​ബ്രു​വ​രി 15 മു​ത​ൽ ന​ട​ക്കും. 55 ദി​വ​സം നീ​ണ്ടുനി​ൽ​ക്കു​ന്ന പ​രീ​ക്ഷ സ​മ​യക്ര​മം ഏ​പ്രി​ൽ 10നാ​ണ് അ​വ​സാ​നി​ക്കു​ന്ന​ത്.

പ​ത്താം ക്ലാ​സ് പ​രീ​ക്ഷ ഫെ​ബ്രു​വ​രി 10ന് ​ആ​രം​ഭി​ച്ച് മാ​ർ​ച്ച് 13നും 12ാം ​ക്ലാ​സ് പ​രീ​ക്ഷ ഫെ​ബ്രു​വ​രി 15 ആ​രം​ഭി​ച്ച് ഏ​പ്രി​ൽ ആ​ദ്യ വാ​ര​വും തീ​രും. രാ​വി​ലെ10.30 മു​ത​ൽ ഉ​ച്ച​ക്ക്​ 1.30 വ​രെ​യാ​ണ് പ​രീ​ക്ഷ ന​ട​ക്കു​ക. പ​ത്താം ക്ലാ​സു​കാ​ർ​ക്ക്​ ഫെ​ബ്രു​വ​രി 15 മു​ത​ൽ ആ​ർ​ട് അ​ട​ക്ക​മു​ള്ള പ​രീ​ക്ഷ​ക​ളാ​ണ് ന​ട​ക്കു​ക. 19ന്​ ​സം​സ്കൃ​തം, 21 ഹി​ന്ദി, 26 ഇം​ഗ്ലീ​ഷ്, മാ​ർ​ച്ച് ര​ണ്ട് സ​യ​ൻ​സ്, നാ​ല് ഹോം ​സ​യ​ൻ​സ്, ഏ​ഴ് സോ​ഷ്യ​ൽ സ​യ​ൻ​സ്, 11 ഗ​ണി​ത​ശാ​സ്ത്രം, മാ​ർ​ച്ച് 13 ഐ.​ടി. ടൈം​ടേ​ബി​ൾ സി.​ബി.​എ​സ്.​ഇ വെ​ബ് സൈ​റ്റി​ൽ ല​ഭ്യ​മാ​ണ്.

ഒ​മാ​നി​ലെ ഇ​ന്ത്യ​ൻ സ്കൂ​ളു​ക​ൾ ശൈ​ത്യ​കാ​ല അ​വ​ധി​യി​ലേ​ക്ക് നീ​ങ്ങു​ക​യാ​ണ്. ചി​ല സ്കൂ​ളു​ക​ൾ അ​വ​ധി​ക്കാ​യി അ​ട​ച്ചുക​ഴി​ഞ്ഞു. എ​ന്നാ​ൽ, സാ​ധാ​ര​ണ​ത്തെ​ക്കാ​ൾ കു​റ​ഞ്ഞ അ​വ​ധി​യാ​ണ് ഈ ​വ​ർ​ഷം കു​ട്ടി​ക​ൾ​ക്ക് ല​ഭി​ക്കു​ന്ന​ത്. ര​ണ്ടാ​ഴ്ച​ത്തെ അ​വ​ധി മാ​ത്ര​മാ​ണ് ന​ൽ​കു​ന്ന​ത്. പൊ​തു പ​രീ​ക്ഷ​ക​ൾ നേ​ര​ത്തേ ന​ട​ക്കു​ന്ന​താ​ണ് അ​വ​ധി കു​റ​ക്കാ​ൻ പ്ര​ധാ​ന കാ​ര​ണം. സാ​ധാ​ര​ണ പ​ത്ത്, 12 ക്ലാ​സ് പ​രീ​ക്ഷ​ക​ൾ മാ​ർ​ച്ചി​ലാ​ണ് ന​ട​ക്കാ​റു​ള്ള​ത്.

ഈ ​വ​ർ​ഷം ഫെ​ബ്രു​വ​രി​യി​ൽ ആ​രം​ഭി​ച്ച് മാ​ർ​ച്ച് ആ​ദ്യ പാ​ദ​ത്തോ​ടെ അ​വ​സാ​നി​ക്കു​ന്ന രീ​തി​യി​ലാ​ണ് പ​ത്താം ക്ലാ​സ് പ​രീ​ക്ഷ ടൈം​ടേ​ബ്ൾ. ഇ​ത് കാ​ര​ണം ഇ​നി​യു​ള്ള ദി​വ​സ​ങ്ങ​ൾ കു​ട്ടി​ക​ൾ​ക്ക് വി​ല​പ്പെ​ട്ട​താ​ണ്. ക്രി​സ്മ​സ് അ​വ​ധി ക​ഴി​ഞ്ഞ് തു​റ​ക്കു​ന്ന​തോ​ടെ പ​ത്ത്, 12 ക്ലാ​സി​ലെ അ​ധ്യാ​പ​ക​ർ കു​ട്ടി​ക​ളെ പ​രീ​ക്ഷ​ക്ക് സ​ജ്ജ​മാ​ക്കു​ന്ന തി​ര​ക്കി​ലേ​ക്ക്​ നീ​ങ്ങും.

ജ​നു​വ​രി ആ​ദ്യ വാ​ര​ത്തോ​ടെ സ്കൂ​ളു​ക​ൾ തു​റ​ന്ന് പ്ര​വ​ർ​ത്തി​ക്കും. എ​ല്ലാ സ്കൂ​ളു​ക​ളി​ലും പാ​ഠഭാ​ഗ​ങ്ങ​ൾ പ​ഠി​പ്പി​ച്ച് ക​ഴി​ഞ്ഞു. ആ​വ​ർ​ത്ത​ന ക്ലാ​സു​ക​ളാ​ണ്​ ഇ​പ്പോ​ൾ ന​ട​ക്കു​ന്ന​ത്. ഇ​തി​ന്റെ ഭാ​ഗമാ​യി പ​രീ​ക്ഷ​ക​ളും മ​റ്റ് ടെ​സ്റ്റു​ക​ളും ന​ട​ത്തു​ന്നു​ണ്ട്. കു​ട്ടി​ക​ൾ​ക്ക് ക​ഠി​ന ശ്ര​മ​ത്തി​ന്‍റെ കാ​ല​മാ​ണ് വ​രു​ന്ന​ത്. പ​ഠ​ന​വും മ​ന​ന​വു​മാ​യി സ്കൂ​ളു​ക​ളി​ലും വീ​ടു​ക​ളി​ലു​മാ​യി കു​ട്ടി​ക​ൾ ഒ​തു​ങ്ങും.

ജ​നു​വ​രി​യോ​ടെ ര​ക്ഷി​താ​ക്കാ​ളും പ​രീ​ക്ഷച്ചൂട​ിലേ​ക്ക് മാ​റും. അ​വ​ധി ക​ഴി​ഞ്ഞെ​ത്തു​ന്ന​തോ​ടെ ര​ക്ഷി​താ​ക്ക​ൾ കു​ട്ടി​ക​ൾ​ക്കെ​പ്പം കു​ടു​ത​ൽ സ​മ​യം ചെ​ല​വി​ടു​ന്ന​തി​നാ​ൽ പു​റ​ത്തി​റ​ങ്ങു​ന്ന​ത് കു​റ​യും. കു​ട്ടി​ക​ൾ​ക്കൊ​പ്പം ഇ​രു​ന്നും അ​വ​രു​ടെ സം​ശ​യ​ങ്ങ​ൾ ദൂ​രീ​ക​രി​ച്ചും ര​ക്ഷി​താ​ക്ക​ളും പ​ഠ​ന​ത്തി​ൽ പ​ങ്കാ​ളി​യാ​വും.

പൊ​തു പ​രീ​ക്ഷ ന​ട​ക്കു​ന്ന ക്ലാ​സി​ലെ കു​ട്ടി​ക​ൾ പ​ല​രും ശൈ​ത്യ​കാ​ല അ​വ​ധി​ക്ക് നാ​ട്ടി​ൽ പോ​വു​ന്നി​ല്ല. പ​ല​രും അ​വ​ധി ആ​ഘോ​ഷം ഒ​ഴി​വാ​ക്കി കു​ട്ടി​ക​ളു​ടെ പ​ഠ​ന​ത്തി​ൽ ശ്ര​ദ്ധ കേ​ന്ദ്രീ​ക​രി​ക്കു​ക​യാ​ണ്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു