ക​ട​ൽ വ​​ഴി ക​ട​ത്താ​ൻ ശ്ര​മം; 40 കി​ലോ ഹ​ഷീ​ഷ് പി​ടി​കൂ​ടി

കു​വൈ​ത്ത് സി​റ്റി: രാ​ജ്യ​ത്ത് ല​ഹ​രി​ക്കെ​തി​രെ പോ​രാ​ട്ടം ശ​ക്ത​മാ​യി തു​ട​രു​ന്നു. ക​ഴി​ഞ്ഞ ദി​വ​സം ക​ട​ൽ വ​ഴി കു​വൈ​ത്തി​ലേ​ക്ക് വ​ൻ മ​യ​ക്കു​മ​രു​ന്നു ശേ​ഖ​രം ക​ട​ത്താ​നു​ള്ള ശ്ര​മം കോ​സ്റ്റ് ഗാ​ർ​ഡ് പ​രാ​ജ​യ​പ്പെ​ടു​ത്തി. 40 കി​ലോ ഹ​ഷീ​ഷ് ആ​ണ് പി​ടി​കൂ​ടി​യ​ത്. ഇ​തി​ന് വി​പ​ണി​യി​ല്‍ ഒ​ന്ന​ര ല​ക്ഷ​ത്തോ​ളം ദീ​നാ​ര്‍ മൂ​ല്യം ക​ണ​ക്കാ​ക്കു​ന്നു. കു​വൈ​ത്ത് സ​മു​ദ്രാ​തി​ർ​ത്തി​ക്കു​ള്ളി​ൽ ബോ​ട്ടു​ക​ളി​ലൊ​ന്നി​ൽ നി​രോ​ധി​ത വ​സ്തു​ക്ക​ളു​ടെ സാ​ന്നി​ധ്യ​മു​ള്ള​താ​യി സൂ​ച​ന ല​ഭി​ച്ചി​രു​ന്നു.

തു​ട​ർ​ന്ന് മാ​രി​ടൈം സെ​ക്യൂ​രി​റ്റി വി​ഭാ​ഗം ബോ​ട്ട് നി​രീ​ക്ഷി​ക്കാ​നും അ​ന്വേ​ഷി​ക്കാ​നും സേ​ന രൂ​പ​വ​ത്ക​രി​ച്ചു. ഇ​തി​നു പി​റ​കെ ന​ട​ത്തി​യ നീ​ക്ക​ത്തി​ലാ​ണ് ല​ഹ​രി വ​സ്തു​ക്ക​ൾ പി​ടി​ച്ചെ​ടു​ത്ത​ത്. ഭ​ര​ണി​യി​ൽ പാ​ക്ക​റ്റു​ക​ളി​ലാ​ക്കി ഒ​ളി​പ്പി​ച്ച നി​ല​യി​ലാ​യി​രു​ന്നു ഹ​ഷീ​ഷ്. ബോ​ട്ടി​ൽ നി​ന്ന് അ​ഞ്ചു​പേ​രെ​യും പി​ടി​കൂ​ടി.

പ്ര​തി​ക​ൾ കു​റ്റം സ​മ്മ​തി​ച്ചു. പ്ര​തി​ക​ളെ​യും പി​ടി​ച്ചെ​ടു​ത്ത ല​ഹ​രി​മ​രു​ന്ന് ഉ​ള്‍പ്പെ​ടെ​യു​ള്ള വ​സ്തു​ക്ക​ളും തു​ട​ര്‍ നി​യ​മ ന​ട​പ​ടി​ക​ള്‍ക്കാ​യി ബ​ന്ധ​പ്പെ​ട്ട വ​കു​പ്പു​ക​ള്‍ക്ക് കൈ​മാ​റി. രാ​ജ്യ​ത്ത് മ​യ​ക്കു​മ​രു​ന്ന് ക​ട​ത്ത്, ഉ​പ​യോ​ഗം, വി​ൽ​പ​ന എ​ന്നി​വ​ക്കെ​തി​രെ ശ​ക്ത​മാ​യ പ​രി​ശോ​ധ​ന​ക​ളും ന​ട​പ​ടി​ക​ളും ന​ട​ന്നു​വ​രുക​യാ​ണ്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു