അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ചാരുംമൂട്: ആലപ്പുഴയില്‍ സ്‌കൂള്‍ വിദ്യാര്‍ത്ഥിനികള്‍ക്ക് നേരെ നിരന്തരമായി നഗ്നതാ പ്രദര്‍ശനം നടത്തിവന്ന മധ്യവയസ്‌കന്‍ അറസ്റ്റില്‍. പാലമേല്‍ ആദിക്കാട്ടുകുളങ്ങര എള്ളും വിളകിഴക്കേതില്‍ താമസിക്കുന്ന ചങ്ങനാശ്ശേരി ഫാത്തിമ പുരത്ത് പുതുപറമ്ബില്‍ നവാസി (54) നെയാണ് നൂറനാട് പോലീസ് അറസ്റ്റ് ചെയ്തത്. ഇയാള്‍ ഉപയോഗിച്ചിരുന്ന ഇരുചക്ര വാഹനവും പോലീസ് കസ്റ്റഡിയിലെടുത്തു.
ഏകദേശം ഒരു മാസത്തോളമായി ഇയാള്‍ കുട്ടികള്‍ വരുന്ന വിജനമായ വഴികളില്‍ കാത്തുനിന്ന് ലൈംഗിക പ്രദര്‍ശനം നടത്തുകയായിരുന്നു. ഹെല്‍മറ്റ് ധരിച്ച്‌ സ്‌കൂട്ടറില്‍ റോഡില്‍ കാത്തു നില്‍ക്കുന്ന ഇയാള്‍ കുട്ടികള്‍ അടുത്തെത്തുമ്ബോള്‍ ശബ്ദമുണ്ടാക്കി ശ്രദ്ധ ക്ഷണിച്ചാണ് നഗ്‌നത പ്രദര്‍ശനം നടത്തിയിരുന്നത്. കുട്ടികള്‍ ഓടി രക്ഷപ്പെടുന്നതിനാല്‍ മറ്റൊരു സ്ഥലത്ത് ഇത് ആവര്‍ത്തിക്കുകയായിരുന്നു.
നഗ്നതാ പ്രദര്‍ശനം പതിവായതോടെ പെണ്‍കുട്ടികളുടെ പരാതിയില്‍ നൂറനാട് പോലീസ് പോക്‌സോ പ്രകാരം കേസ് എടുത്തു. എന്നാല്‍ ഹെല്‍മറ്റ് ധരിച്ചിരുന്നതിനാല്‍ ഇയാളെ തിരിച്ചറിയാന്‍ കഴിഞ്ഞില്ല. പരാതിയെ തുടര്‍ന്ന് അന്വേഷണം ആരംഭിച്ച നൂറനോട് പോലീസ് പ്രതിയെത്തിയിരുന്ന വാഹനത്തിന്റെ നമ്ബര്‍ കണ്ടെത്തി. തുടര്‍ന്ന് നടത്തിയ അന്വേഷണത്തിലാണ് കഴിഞ്ഞ ദിവസം ചാരംമൂട്ടില്‍ നിന്നും നവാസ് പോലീസ് പിടിയിലായത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
