മനാമ: ബഹ്‌റൈൻ കേരളീയ സമാജം ഫിലിം ക്ലബിന്റെ ആഭിമുഖ്യത്തിൽ നടത്തുന്ന ഹ്രസ്വ ചലച്ചിത്ര മേള ബി.കെ.എസ്.എസ്.എഫിന്റെ രജിസ്ട്രേഷൻ തീയതി നീട്ടി. പുതുതായി നിർമിക്കുന്ന അഞ്ചു മിനിറ്റുവരെ ദൈർഘ്യമുള്ള ചിത്രങ്ങളായിരിക്കും മത്സരത്തിലേക്ക് പരിഗണിക്കുക.
ചലച്ചിത്ര മേഖലയിലെ പ്രശസ്തരടങ്ങുന്ന ജൂറി മികച്ച ചിത്രം, രചന, സംവിധാനം, ഛായാഗ്രഹണം, നടൻ, നടി തുടങ്ങി വിവിധ മത്സര വിഭാഗത്തിൽ വിധിനിർണയം നടത്തും.
ബഹ്‌റൈൻ കേരളീയ സമാജം ഡയമണ്ട് ജൂബിലി ഹാളിൽ നടക്കുന്ന അവാർഡ് നിശയിൽ മത്സര വിജയികൾക്ക് ആകർഷകമായ സമ്മാനവും ഫലകവും പ്രശസ്തിപത്രവും നൽകുമെന്ന് സംഘാടകർ അറിയിച്ചു. എൻട്രികൾ ലഭിക്കേണ്ട അവസാന തീയതി ജനുവരി ആറ്. വിവരങ്ങൾക്ക്: 39918997, 34020650, 3972 0030.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു