എസ്എഫ്ഐ പ്രതിഷേധം മുഖ്യമന്ത്രിയുടെ നിർദേശപ്രകാരം, സംസ്ഥാനത്ത് ഗുണ്ടാരാജ്: ക്ഷു​ഭി​ത​നാ​യി ഗ​വ​ർ​ണ​ർ

തിരുവനന്തപുരം: വിമാനത്താവളത്തിലേക്കുള്ള യാത്രയ്ക്കിടെ ഗവർണർ ആരിഫ് മുഹമ്മദ് ഖാനു നേരെ എസ്എഫ്ഐ പ്രവർത്തകരുടെ കരിങ്കൊടി പ്രതിഷേധം. കാറിൽനിന്നു പുറത്തിറങ്ങിയ ഗവർണർ, തന്റെ വാഹനം ആക്രമിച്ചെന്നും സംസ്ഥാനത്തു ഗുണ്ടാരാജ് ആണെന്നും ആരോപിച്ചു. ഭരണഘടനാ സംവിധാനം തകർന്നെന്നും മുഖ്യമന്ത്രിക്കെതിരെ ഇങ്ങനെ പ്രതിഷേധിക്കാൻ കഴിയുമോയെന്നും ഗവർണർ ചോദിച്ചു.

ത​നി​ക്ക് സു​ര​ക്ഷ​യി​ല്ല. പ്ര​തി​ഷേ​ധ​ക്കാ​ർ ത​ന്‍റെ വാ​ഹ​ന​ത്തി​ന്‍റെ ചി​ല്ലി​ൽ വ​ന്നി​ടി​ച്ചു. ത​നി​ക്ക് എ​ന്ത് സു​ര​ക്ഷ​യാ​ണ് പോ​ലീ​സ് ഒ​രു​ക്കി​യി​രി​ക്കു​ന്ന​തെ​ന്നും ഗ​വ​ർ​ണ​ർ ചോ​ദി​ച്ചു. സു​ര​ക്ഷാ വീ​ഴ്ച ഉ​ണ്ടാ​യെ​ന്നും ഗ​വ​ർ​ണ​ർ ചൂ​ണ്ടി​ക്കാ​ട്ടി.

മു​ഖ്യ​മ​ന്ത്രി​യു​ടെ കാ​റി​ന​ടു​ത്ത് പ്ര​തി​ഷേ​ധ​ക്കാ​ർ എ​ത്തു​മോ എ​ന്നും മു​ഖ്യ​മ​ന്ത്രി​യു​ടെ അ​ടു​ത്തേ​യ്ക്ക് പ്ര​തി​ഷേ​ധ​ക്കാ​രെ പോ​ലീ​സ് ക​ട​ത്തി​വി​ടു​മോ എ​ന്നും ഗ​വ​ർ​ണ​ർ ചോ​ദി​ച്ചു.

പ്ര​തി​ഷേ​ധി​ക്കു​ന്ന​ത് ക്രി​മി​ന​ലു​ക​ളാ​ണ്. മു​ഖ്യ​മ​ന്ത്രി പ​റ​ഞ്ഞി​ട്ട് മു​ഖ്യ​മ​ന്ത്രിയുടെ പാ​ർ​ട്ടി​ക്കാ​രാ​ണ് പ്ര​തി​ഷേ​ധ​ത്തി​നു വ​രു​ന്ന​ത്. അ​പ്പോ​ൾ പോ​ലീ​സ് എ​ന്ത് ചെ​യ്യാ​നാ​ണെ​ന്നും ഗ​വ​ർ​ണ​ർ പ​റ​ഞ്ഞു.

തി​രു​വ​ന​ന്ത​പു​രം ന​ഗ​രം ഗു​ണ്ടാ ഭ​ര​ണ​ത്തി​നു കീ​ഴി​ലാ​ക്കാ​ൻ അ​നു​വ​ദി​ക്കി​ല്ല. അ​ങ്ങ​നെ​യെ​ങ്കി​ൽ നേ​ർ​ക്കു നേ​ർ കാ​ണാ​മെ​ന്നും ഗ​വ​ർ​ണ​ർ കൂട്ടിച്ചേർത്തു.
 

സർവകലാശാലകളുമായി ബന്ധപ്പെട്ട ഗവർണറുടെ നിലപാടിനെതിരെയായിരുന്നു എസ്എഫ്ഐ പ്രതിഷേധം. കഴിഞ്ഞ ദിവസവും ഗവർണർക്കെതിരെ എസ്എഫ്ഐ പ്രവർത്തകരുടെ കരിങ്കൊടി പ്രതിഷേധമുണ്ടായിരുന്നു. വഴുതക്കാട് ജംക്‌ഷനിൽ വച്ചാണ് ഗവർണറെ എസ്എഫ്ഐ പ്രവ‍ർത്തകർ കരിങ്കൊടി ‌കാണിച്ചത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു