കു​വൈ​ത്തിൽ വ​ൻ മ​യ​ക്കു​മ​രു​ന്നു ശേ​ഖ​രം പി​ടി​കൂ​ടി

കു​വൈ​ത്ത് സി​റ്റി: ക​ട​ൽ​വ​ഴി രാ​ജ്യ​ത്തേ​ക്ക് കൊ​ണ്ടു​വ​രാ​ൻ ശ്ര​മി​ച്ച വ​ൻ മ​യ​ക്കു​മ​രു​ന്നു ശേ​ഖ​രം ​കോ​സ്റ്റ് ഗാ​ർ​ഡ് പി​ടി​കൂ​ടി. എ​ട്ടു​പേ​രെ അ​റ​സ്റ്റു​ചെ​യ്തു. ഇ​വ​രി​ൽ​നി​ന്നാ​യി ഏ​ക​ദേ​ശം 100 കി​ലോ​ഗ്രാം ഷാ​ബു പി​ടി​കൂ​ടി​യ​താ​യി ആ​ഭ്യ​ന്ത​ര​മ​ന്ത്രാ​ല​യം അ​റി​യി​ച്ചു.

ര​ണ്ടു ദ​ശ​ല​ക്ഷം കു​വൈ​ത്ത് ദീ​നാ​ർ വി​പ​ണി മൂ​ല്യ​മു​ള്ള​താ​ണ് പി​Coast Guardടി​കൂ​ടി​യ ഷാ​ബു.കു​വൈ​ത്തി​ലേ​ക്ക് ഒ​രു ക​പ്പ​ൽ മ​യ​ക്കു​മ​രു​ന്നു​മാ​യി എ​ത്തി​യ​താ​യി സൂ​ച​ന ല​ഭി​ച്ച​തി​ന് പി​റ​കെ ജാ​ഗ്ര​ത​യോ​ടെ​യു​ള്ള നീ​ക്ക​മാ​ണ് പ്ര​തി​ക​ളെ പി​ടി​കൂ​ടാ​ൻ സ​ഹാ​യ​ക​മാ​യ​ത്.

വി​വ​രം ല​ഭി​ച്ച ഉ​ട​നെ ഫോ​ർ​മേ​ഷ​ൻ ഡി​പ്പാ​ർ​ട്മെ​ന്‍റി​ൽനി​ന്നും മാ​രി​ടൈം സെ​ക്യൂ​രി​റ്റി ഡി​പ്പാ​ർ​ട്മെ​ന്‍റി​ൽനി​ന്നും ഒ​രു സേ​ന രൂ​പ​വ​ത്ക​രി​ക്കു​ക​യും ക​പ്പ​ലി​ന്‍റെ സ്ഥാ​നം സം​ബ​ന്ധി​ച്ച അ​ന്വേ​ഷ​ണം ഊ​ർ​ജി​ത​മാ​ക്കു​ക​യും ചെ​യ്തു. തു​ട​ർ​ന്ന് കു​വൈ​ത്ത് ജ​ലാ​തി​ർ​ത്തി​യി​ൽ ക​പ്പ​ൽ പി​ടി​ച്ചെ​ടു​ക്കു​ക​യും ജീ​വ​ന​ക്കാ​രെ അ​റ​സ്റ്റ് ചെ​യ്യു​ക​യു​മാ​യി​രു​ന്നു.

ക​പ്പ​ലി​ൽ ന​ട​ത്തി​യ പ​രി​ശോ​ധ​ന​യി​ൽ ആ​റു ജാ​റു​ക​ളി​ൽ ഷാ​ബു എ​ന്ന മ​യ​ക്കു​മ​രു​ന്ന് നി​റ​ച്ച​താ​യി ക​ണ്ടെ​ത്തി. ആ​വ​ശ്യ​മാ​യ ന​ട​പ​ടി​യെ​ടു​ക്കാ​ൻ പ്ര​തി​ക​ളെ​യും പി​ടി​ച്ചെ​ടു​ത്ത വ​സ്തു​ക്ക​ളും ബ​ന്ധ​പ്പ​ട്ട അ​ധി​കാ​രി​ക​ൾ​ക്ക് കൈ​മാ​റി.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു