അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
വീണ്ടുമൊരു അവധിക്കാലം കൂടി വരവായി. ക്രിസ്മസ് ന്യൂയര്‍ ആഘോഷങ്ങള്‍ക്കായുളള തയ്യാറെടുപ്പിലാണ് മിക്കയാളുകളും. ഈ അവധിക്കാലം കൂടുതല്‍ മനോഹരമാക്കാന്‍ യാത്രകള്‍ പ്ലാന്‍ ചെയ്യുന്നവരാണെങ്കില്‍ ഇന്ത്യയിലെ ഏറ്റവും മനോഹരമായ ഈ സ്ഥങ്ങളിലേക്കാക്കാം ഇത്തവണത്തെ യാത്ര.
കുമരകം -വേമ്പനാട് കായലിന്റെ തീരത്ത് സ്ഥിതി ചെയ്യുന്ന മനോഹരമായ ഒരു പ്രദേശമാണ് കുമരകം. കായല്‍ ഭംഗിയും നല്ല കേരള ഭക്ഷണവുമൊക്കെ ആസ്വദിച്ച് ഈ അവധിക്കാലം ഇവിടെ ആഘോഷമാക്കാവുന്നതാണ്.
ബിന്‍സാര്‍ – ഉത്തരാഖണ്ഡില്‍ സ്ഥിതി ചെയ്യുന്ന ബിന്‍സറിനെ കുറിച്ച് പലര്‍ക്കും അറിവുണ്ടാകണമെന്നില്ല. ഡല്‍ഹിയില്‍ നിന്ന് ബിന്‍സാറിലേക്ക് റോഡ് ട്രിപ്പ് പോകുകയാണെങ്കില്‍ ഇവിടെയെത്താന്‍ 8 മുതല്‍ 9 മണിക്കൂര്‍ വരെ എടുക്കും. ക്രിസ്തുമസ് കാലത്ത് ഇവിടെ മഞ്ഞു പെയ്യാറുണ്ട്. ഇത് സഞ്ചാരികളുടെ മനം കുളിര്‍ക്കുന്ന കാഴ്ച്ചയാണ്.
ഗോവ – നിങ്ങള്‍ക്ക് തണുപ്പ് തീരെ ഇഷ്ടമല്ലെങ്കില്‍ ക്രിസ്തുമസും പുതുവത്സരവും ആഘോഷിക്കാന്‍ ഗോവക്ക് പോകാം. ക്രിസ്മസ്, ന്യൂയര്‍ കാലത്ത് ഇവിടെ ധാരാളം പാര്‍ട്ടികള്‍ സംഘടിപ്പിക്കാറുണ്ട്. പാര്‍ട്ടികള്‍ ഇഷ്ടപ്പെടുന്നവര്‍ക്ക് ഏറ്റവും അനുയോജ്യമായ സ്ഥലമാണിത്. ക്രിസ്മസും, പുതുവത്സരവുമൊക്കെ ഇവിടെ ഗംഭീരമായി ആസ്വദിക്കാറുണ്ട്.
ബറോഗ്- ഹിമാചല്‍ പ്രദേശിലെ പ്രധാനപ്പെട്ട ഒരു സ്ഥലമാണ് ബറോഗ്. എന്നാല്‍ പൊതുവെ ഇവിടെ വിനോദസഞ്ചാരികളുടെ തിരക്ക് വളരെ കുറവാണ്. ഈ മാസങ്ങളില്‍ ഇവിടെ മഞ്ഞുവീഴ്ച്ചയുണ്ടാകും അതിനാല്‍ ക്രിസ്മസും പുതുവര്‍ഷവും ആഘോഷിക്കാന്‍ പറ്റിയ സ്ഥലമാണിത്. ബറോഗിലെ റെയില്‍വേ സ്റ്റേഷന്‍ വളരെ പ്രസിദ്ധമാണ്. ഇതിനെ യുനെസ്‌കോയുടെ ലോക പൈതൃക സൈറ്റില്‍ ഉള്‍പ്പെടുത്തിയിട്ടുണ്ട്.
ശ്രീനഗര്‍- ഭൂമിയിലെ സ്വര്‍ഗ്ഗം എന്നാണ് ശ്രീനഗറിനെ പറയുന്നത്. ഏത് സീസണിലും ഇവിടേക്ക് യാത്രപോകാം. എങ്കിലും ഡിസംബര്‍ മാസത്തെ ഇവിടേക്കുളള യാത്ര നിങ്ങള്‍ക്ക് അവിസ്മരണീയ കാഴ്ച്ചകള്‍ സമ്മാനിക്കും. ഉയര്‍ന്ന മഞ്ഞുമലകളും കാണുന്നത് തന്നെ വേറിട്ട അനുഭവമാണ്. എല്ലാ വര്‍ഷവും ക്രിസ്തുമസ് കാലത്ത് ഇവിടെ വിന്റര്‍ കാര്‍ണിവലും സംഘടിപ്പിക്കാറുണ്ട്.
മൂന്നാര്‍ – ക്രിസ്തുമസ് ആഘോഷിക്കാനായി തിരഞ്ഞെടുക്കാവുന്ന ഏറ്റവും മനോഹരമായ സ്ഥലങ്ങളില്‍ ഒന്നാണ് മൂന്നാര്‍. കുന്നും മലയും തേയിലത്തോട്ടങ്ങളും കാണാന്‍ ആഗ്രഹിക്കുന്നവര്‍ക്ക് മൂന്നാറിലേക്ക് വണ്ടി കേറാവുന്നതാണ്. ബജറ്റില്‍ ഒതുങ്ങുന്ന നിരവധി ഹോട്ടലുകളും ഹോംസ്റ്റേയുമൊക്കെ ഇവിടെയുണ്ട്.
പഹല്‍ഗാം- കശ്മീരിലെ പഹല്‍ഗാമില്‍ മഞ്ഞ് വീഴുന്ന സമയമാണിത്. മഞ്ഞുവീഴ്ച കാണാന്‍ ഇഷ്ടമുള്ളവര്‍ക്ക് ഇവിടേക്ക് യാത്രയാകാം. മഞ്ഞുമലയും കണ്ട് നല്ല ചൂട് കാപ്പിയും കുടിച്ച് നിങ്ങളുടെ ഈ അവധിക്കാലം അതിമനോഹരമാക്കാവുന്നതാണ്.
ഷോഗി- ഷിംലയ്ക്ക് സമീപമുള്ള വളരെ മനോഹരമായ സ്ഥലമാണ് ഷോഗി. എല്ലാ വര്‍ഷവും ക്രിസ്തുമസ് കാലത്ത് ഇവിടെ മഞ്ഞു പെയ്യാറുണ്ട്. ഷിംലയേക്കാള്‍ മനോഹരവും സമാധാനപരവുമായ സ്ഥലമാണിത്. ചോക്ലേറ്റ്, പാന്‍കേക്കുകള്‍, മോമോസ് തുടങ്ങി വ്യത്യസ്തമാര്‍ന്ന ഭക്ഷണ വിഭവങ്ങളും നിങ്ങള്‍ക്ക് ഇവിടെ നിന്ന് ആസ്വദിക്കാവുന്നതാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
