അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഗാസ സിറ്റി: ഇസ്രായേലും ഹമാസും തമ്മിലുള്ള വെടിനിർത്തൽ കരാർ രണ്ട് ദിവസത്തേക്ക് കൂടി നീട്ടി. ഖത്തർ വിദേശകാര്യ വക്താവ് മാജിദ് അൽ അൻസാരിയാണ് ഇക്കാര്യം അറിയിച്ചത്.
വെള്ളിയാഴ്ച ആരംഭിച്ച നാലുദിവസത്തെ വെടിനിർത്തലിന്‍റെ കാലാവധി ഇന്ന് വൈകുന്നേരം തീരാനിരിക്കെയാണ് രണ്ടുദിവസത്തേക്ക് കൂടി വെടിനിർത്തൽ ദീർഘിപ്പിക്കാൻ ധാരണയായതെന്ന് അദ്ദേഹം അറിയിച്ചു.
ഇസ്രയേലും ഹമാസും തമ്മിലെ പോരാട്ടം അവസാനിപ്പിക്കാന്‍ ഈജിപ്തിനൊപ്പം ഖത്തറും മധ്യസ്ഥത വഹിച്ചിരുന്നു. ഇരുപക്ഷവും തമ്മിലുള്ള നാല് ദിവസത്തെ വെടിനിര്‍ത്തലിന്റെ അവസാന ദിവസമാണ് വെടിനിര്‍ത്തല്‍ നീട്ടിയെന്ന പ്രഖ്യാപനം.
150 പലസ്തീൻ തടവുകാർക്കു പകരം ഹമാസ് പിടിയിലുള്ള ബന്ദികളിൽ 50 സ്ത്രീകളെയും കുട്ടികളെയും കൈമാറാനായിരുന്നു വ്യവസ്ഥ. ഇത് ഘട്ടംഘട്ടമായി പൂർത്തിയാവുകയാണ്. വെടിനിർത്തലിന് പുറമേ, ഗസയിലേക്ക് ഇന്ധന ട്രക്കുകളും ദുരിതാശ്വാസ വാഹനങ്ങളും പ്രവേശിക്കാൻ അനുവദിച്ചിരുന്നു.
യുദ്ധം ആരംഭിച്ചതിനുശേഷം 15,000-ലധികം പാലസ്തീനികള്‍ ഗാസയില്‍ കൊല്ലപ്പെട്ടു. അവരില്‍ മൂന്നില്‍ രണ്ട് ഭാഗവും സ്ത്രീകളും കുട്ടികളുമാണ്. ഏകദേശം 1,200 പേര്‍ ഇസ്രായേലില്‍ കൊല്ലപ്പെട്ടു. കൂടുതല്‍ പേരും മരിച്ചത് ഹമാസ് അപ്രതീക്ഷിതിമായി ആദ്യം ഇസ്രായേലില്‍ കടന്നുകയറി നടത്തിയ ആക്രമണത്തിലാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
