റഷ്യൻ നടി യുക്രെയ്ൻ ഷെല്ലാക്രമണത്തിൽ കൊല്ലപ്പെട്ടു

കീ​വ്: യു​ക്രെ​യ്നെ​തി​രേ യു​ദ്ധ​മു​ന്ന​ണി​യി​ലു​ള്ള സൈ​നി​ക​ർ​ക്കാ​യി സം​ഗീ​ത​പ​രി​പാ​ടി അ​വ​ത​രി​പ്പി​ക്കു​ന്ന​തി​നി​ടെ​യു​ണ്ടാ​യ യു​ക്രെ​യ്ൻ ഷെ​ല്ലാ​ക്ര​മ​ണ​ത്തി​ൽ റ​ഷ്യ​ൻ ന​ടി മ​രി​ച്ചു. സെ​ന്‍റ് പീ​റ്റേ​ഴ്സ് ബ​ർ​ഗ് സ്വ​ദേ​ശി​നി പോ​ളി​ന മെ​ൻ​ഷി​ക് (40) ആ​ണു മ​രി​ച്ച​ത്.
   
കിഴക്കന്‍ യുക്രെയ്‌നില്‍ റഷ്യയുടെ അധീനതയിലുള്ള ഡോണ്‍ബാസ് മേഖലയിലെ കുമാചോവ് ഗ്രാമത്തില്‍ 19നാണ് സംഭവം നടന്നത്. സ്‌റ്റേജില്‍ പോളിന പാടുന്നതിനിടെയായിരുന്നു യുക്രെയ്ന്‍ വ്യോമാക്രമണമെന്ന് അവർ അംഗമായ റഷ്യന്‍ തീയേറ്റര്‍ അറിയിച്ചു.

സംഭവം നടന്ന പ്രദേശത്ത് യുക്രെയ്ൻ ആക്രമണം നടന്നതായി ഇരു സൈന്യങ്ങളും സ്ഥിരീകരിച്ചു. റഷ്യന്‍ സൈനിക അവാര്‍ഡ് പരിപാടിക്ക് നേരെയാണ് ആക്രമണം നടത്തിയതെന്നാണ് യുക്രെയ്ന്‍ സൈന്യം പറയുന്നത്. ഗു​രു​ത​ര​മാ​യി പ​രി​ക്കേ​റ്റ പോ​ളി​ന​യെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

ച​ല​ച്ചി​ത്ര ന​ടി​യെ​ന്ന​തി​ലു​പ​രി അ​റി​യ​പ്പെ​ടു​ന്ന കൊ​റി​യോ​ഗ്രാ​ഫ​റും സം​വി​ധാ​യി​ക​യു​മാ​ണ് പോ​ളി​ന. ഡൊ​നെ​ട്സ്ക് റി​പ്പ​ബ്ലി​ക്കി​ലെ വി​വി​ധ ഭാ​ഗ​ങ്ങ​ളി​ൽ യു​ക്രെ​യ്ൻ-​റ​ഷ്യ​ൻ സൈ​നി​ക​ർ ത​മ്മി​ൽ രൂ​ക്ഷ​മാ​യ പോ​രാ​ട്ടം ന​ട​ന്നു​കൊ​ണ്ടി​രി​ക്കു​ക​യാ​ണ്.

റഷ്യയുടെ 810 നാവിക കാലാൾപ്പട ബ്രിഗേഡിനെ ലക്ഷ്യം വെച്ച് നടത്തിയ ആക്രമണത്തിൽ 25 പേര്‍ കൊല്ലപ്പെട്ടതായും 100 പേര്‍ക്ക് പരുക്കേറ്റതായും യുക്രെയ്ന്‍ അവകാശപ്പെട്ടു. തങ്ങളുടെ ‘128 മൗണ്ടന്‍ ബ്രിഗേഡിന്’ നേരെ റഷ്യ നടത്തിയ ആക്രമണത്തിന് പകരമായാണ് ഈ ആക്രമണമെന്നും യുക്രെയ്ന്‍ സൈന്യം അവകാശപ്പെടുന്നു.
 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു