അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുവൈത്ത് സിറ്റി: ഐവ ഫർവാനിയ യൂനിറ്റ് മലർവാടി ബാലസംഗമവും ഫലസ്തീൻ ഐക്യദാർഢ്യവും സംഘടിപ്പിച്ചു. പരിപാടിയിൽ ഫലസ്തീനെക്കുറിച്ച പാട്ടും പ്ലക്കാർഡുകളും മുദ്രാവാക്യവുമായി കുരുന്നുകൾ ഫലസ്തീന് തങ്ങളുടെ ഐക്യദാർഢ്യം പ്രഖ്യാപിച്ചു. കെ.ഐ.ജി ഫർവാനിയ ഏരിയ പ്രസിഡന്റ്‌ സി.കെ. നജീബ് ഉദ്ഘാടനം ചെയ്തു. അഷ്ഫാഖ് അഹമ്മദ്‌ കുട്ടികളുമായി സംവദിച്ചു. ഷംല ഹഫീസ് അധ്യക്ഷത വഹിച്ചു. സ്വാതന്ത്ര്യദിനത്തിൽ ‘എന്റെ ഇന്ത്യ’ തലക്കെട്ടിൽ മലർവാടി കുട്ടികൾക്ക് നടത്തിയ ചിത്രരചന മത്സരവിജയികൾക്കുള്ള സമ്മാനദാനം നടന്നു.
അയ്മൻ ജവാദ് ഖിറാഅത്ത് നടത്തി. മൻഹ മുഹമ്മദ്‌ ഷാഫി സ്വാഗതവും ഖൈത്താൻ യൂനിറ്റ് മലർവാടി കോഓഡിനേറ്റർ മുഹ്സിന ആമിറലി നന്ദിയും പറഞ്ഞു. പരിപാടിയിൽ 70ഓളം കുട്ടികൾ പങ്കെടുത്തു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
