അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: അധ്യാപകര്‍ക്ക് ക്ലസ്റ്റര്‍ പരിശീലനം നടക്കുന്ന ജില്ലകളില്‍ ഒന്നു മുതല്‍ പത്തു വരെ ക്ലാസുകള്‍ക്ക് വ്യാഴാഴ്ച അവധി പ്രഖ്യാപിച്ചു. തിരുവനന്തപുരം, പത്തനംതിട്ട, ആലപ്പുഴ, തൃശൂര്‍, കോഴിക്കോട്, കണ്ണൂര്‍, കാസര്‍കോട്, മലപ്പുറം, ഇടുക്കി ജില്ലകളിലും, പാലക്കാട് ജില്ലയിലെ മണ്ണാര്‍ക്കാട്, ചെര്‍പ്പുളശ്ശേരി ഉപ ജില്ലകളിലുമാണ് അവധി.
കൊല്ലം, കോട്ടയം, എറണാകുളം, വയനാട് ജില്ലകളിലും പാലക്കാട് ജില്ലയിലെ മണ്ണാര്‍ക്കാട്, ചെര്‍പ്പുളശ്ശേരി ഒഴികെ ഉപജില്ലകളിലും പ്രവൃത്തിദിനമായിരിക്കും.
ജില്ല സ്കൂള്‍ കലോത്സവങ്ങള്‍ നടക്കുന്ന പശ്ചാത്തലത്തില്‍ വയനാട് 24നും, പാലക്കാട് ജില്ലയിലെ മണ്ണാര്‍ക്കാട്, ചെര്‍പ്പുളശ്ശേരി ഒഴികെ ഉപജില്ലകളില്‍ 27നും എറണാകുളത്തും കൊല്ലത്തും 28നും കോട്ടയത്ത് 29നുമാണ് ക്ലസ്റ്റര്‍ പരിശീലനം. പരിശീലനം നടക്കുന്ന ദിവസങ്ങളില്‍ ഇവിടെ സ്കൂളുകള്‍ക്ക് അവധിയായിരിക്കും.
ഏതെങ്കിലും ജില്ലകളില്‍ വ്യാഴാഴ്ച ഉപജില്ല കലോത്സവങ്ങള്‍ നടക്കുന്നുണ്ടെങ്കില്‍ ആ ഉപജില്ലകളില്‍ ക്ലസ്റ്റര്‍ യോഗം മറ്റൊരു ദിവസത്തേക്ക് മാറ്റിവെക്കാൻ അതാത് വിദ്യാഭ്യാസ ഉപഡയറക്ടര്‍മാരെ പൊതുവിദ്യാഭ്യാസ ഡയറക്ടര്‍ ചുമതലപ്പെടുത്തി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
