ദു​രി​ത​പ്ര​വാ​സ​ത്തി​ൽ​നി​ന്ന് വൃ​ദ്ധ​സ​ദ​ന​ത്തി​ലേ​ക്ക്: മൂന്നു​ പതിറ്റാണ്ടിനുശേഷം നാടണഞ്ഞ്​ ബാലചന്ദ്രൻ പിള്ള

റി​യാ​ദ്: സൗ​ദി അ​റേ​ബ്യ​യി​ൽ ജോ​ലി​ക്കെ​ത്തി​യ ബാ​ല​ച​ന്ദ്ര​ൻ പി​ള്ള 31 വ​ർ​ഷ​ത്തി​നു​ശേ​ഷം നാ​ട്ടി​ലേ​ക്കു​ മ​ട​ങ്ങി. കൊ​ല്ലം പു​ന​ലൂ​ർ സ്വ​ദേ​ശി​യാ​യ ഇ​ദ്ദേ​ഹ​ത്തെ​ ഭാ​ര്യ​യും മ​ക്ക​ളും ഉ​ൾ​പ്പെ​ടെ ഉ​റ്റ​വ​രെ​ല്ലാം ഉ​ണ്ടാ​യി​ട്ടും ആ​രും ഏ​റ്റെ​ടു​ക്കാ​തി​രു​ന്ന​തി​നെ​ത്തു​ട​ർ​ന്ന് സാ​മൂ​ഹി​ക​പ്ര​വ​ർ​ത്ത​ക​ർ​ കൊ​ല്ലം ഗാ​ന്ധി​ഭ​വ​ൻ അ​ഭ​യ​കേ​ന്ദ്ര​ത്തി​ൽ എ​ത്തി​ച്ചു. ഇ​നി​യു​ള്ള കാ​ലം അ​വി​ടെ​യാ​ണ്​ ക​ഴി​യു​ക. ക​ഴി​ഞ്ഞ ആ​റു മാ​സ​ത്തോ​ള​മാ​യി ഇ​ന്ത്യ​ൻ എം​ബ​സി​യു​ടെ സ​ഹ​ക​ര​ണ​ത്തോ​ടെ റി​യാ​ദി​ലെ കേ​ളി ക​ലാ​സാം​സ്കാ​രി​ക​വേ​ദി ജീ​വ​കാ​രു​ണ്യ വി​ഭാ​ഗം അ​ദ്ദേ​ഹ​ത്തെ നാ​ട്ടി​ലെ​ത്തി​ക്കാ​ൻ ന​ട​ത്തി​യ ശ്ര​മ​ങ്ങ​ളാ​ണ്​ വി​ജ​യം​ക​ണ്ട​ത്.

അ​ബോ​ധാ​വ​സ്ഥ​യി​ൽ​നി​ന്ന് പ്രാ​യ​ത്തി​​ന്റെ അ​വ​ശ​ത​ക​ൾ മാ​റ്റി​നി​ർ​ത്തി​യാ​ൽ പൂ​ർ​ണാ​രോ​ഗ്യ​വാ​നാ​യാ​ണ്​ നാ​ട്ടി​ലെ​ത്തി​ച്ച​ത്. എം​ബ​സി ഉ​ദ്യോ​ഗ​സ്ഥ​രാ​യ മോ​യി​ൻ അ​ക്ത​ർ, മീ​ര ഭ​ഗ​വാ​ൻ, ന​സീം ഖാ​ൻ, ഷ​റ​ഫു​ദ്ദീ​ൻ എ​ന്നി​വ​രും കേ​ളി ജീ​വ​കാ​രു​ണ്യ വി​ഭാ​ഗം ക​ൺ​വീ​ന​ർ ന​സീ​ർ മു​ള്ളൂ​ർ​ക്ക​ര, ചെ​യ​ർ​മാ​ൻ നാ​സ​ർ പൊ​ന്നാ​നി, ക​മ്മി​റ്റി അം​ഗം പി.​എ​ൻ.​എം. റ​ഫീ​ക് എ​ന്നി​വ​രാ​ണ്​ പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​ക​ളാ​യ​ത്.

നാ​ട്ടി​ലേ​ക്ക്​ ഒ​പ്പം പോ​യ​ത്​ പി.​എ​ൻ.​എം. റ​ഫീ​ക്കാ​ണ്. ര​ണ്ടു​പേ​ർ​ക്കു​മു​ള്ള വി​മാ​ന​ടി​ക്ക​റ്റ് എം​ബ​സി ന​ൽ​കി. ആ​ശു​പ​ത്രി​യി​ൽ​നി​ന്ന് വി​ട്ട​തി​നു​ശേ​ഷം കേ​ളി പ്ര​വ​ർ​ത്ത​ക​രാ​യ അ​നീ​സ്, സാ​ഹി​ൽ, പി. ​ഗോ​പാ​ല​ൻ എ​ന്നി​വ​രാ​ണ് റി​യാ​ദി​ൽ ബാ​ല​ച​ന്ദ്ര​ൻ പി​ള്ള​യെ പ​രി​ച​രി​ച്ച​ത്. നാ​ട്ടി​ലു​ള്ള കേ​ളി ര​ക്ഷാ​ധി​കാ​രി സെ​ക്ര​ട്ട​റി കെ.​പി.​എം. സാ​ദി​ഖ്, ആ​ക്ടി​ങ് സെ​ക്ര​ട്ട​റി ഗീ​വ​ർ​ഗീ​സ് ഇ​ടി​ച്ചാ​ണ്ടി എ​ന്നി​വ​ർ പ​ത്ത​നാ​പു​രം ഗാ​ന്ധി​ഭ​വ​ൻ സെ​ക്ര​ട്ട​റി ഡോ. ​പു​ന​ലൂ​ർ സോ​മ​രാ​ജ​നു​മാ​യി സം​സാ​രി​ച്ചാ​ണ്​ അ​ഭ​യ​കേ​ന്ദ്ര​ത്തി​നാ​യു​ള്ള എ​ല്ലാ കാ​ര്യ​ങ്ങ​ളും ഒ​രു​ക്കി​യ​ത്.

കേ​ളി സെ​ക്ര​ട്ട​റി സു​രേ​ഷ് ക​ണ്ണ​പു​രം, ന​സീ​ർ മു​ള്ളൂ​ർ​ക്ക​ര, നാ​സ​ർ പൊ​ന്നാ​നി, പി.​എ​ൻ.​എം. റ​ഫീ​ക്ക്, നൗ​ഫ​ൽ പ​തി​നാ​റി​ങ്ക​ൽ എ​ന്നി​വ​ർ ബാ​ല​കൃ​ഷ്ണ​നെ റി​യാ​ദ് എ​യ​ർ​പോ​ർ​ട്ടി​ൽ​നി​ന്ന് യാ​ത്ര​യാ​ക്കി. നാ​ട്ടി​ലെ​ത്തി മ​ക​ളെ കാ​ണ​ണ​മെ​ന്ന ആ​ഗ്ര​ഹ​മാ​ണ് ബാ​ല​ച​ന്ദ്ര​ൻ എ​പ്പോ​ഴും പ​റ​യു​ന്ന​ത്. ഇ​ല​ക്ട്രി​ക്ക​ൽ, പ്ലം​ബി​ങ് ജോ​ലി​ക്കാ​യി 1992ൽ ​റി​യാ​ദി​നു​സ​മീ​പം അ​ൽ ഖ​ർ​ജി​ലെ​ത്തി​യ ബാ​ല​ച​ന്ദ്ര​ൻ പി​ന്നീ​ട് നാ​ട്ടി​ൽ പോ​യി​ട്ടി​ല്ല. ഇ​ഖാ​മ​യോ മ​റ്റു രേ​ഖ​ക​ളോ ഇ​ല്ലാ​തെ റി​യാ​ദി​​ന്റെ വി​വി​ധ പ്ര​ദേ​ശ​ങ്ങ​ളി​ൽ ജോ​ലി ചെ​യ്​​തു​കൊ​ണ്ട് നാ​ടു​മാ​യു​ള്ള ബ​ന്ധം പൂ​ർ​ണ​മാ​യും ഉ​പേ​ക്ഷി​ച്ച ബാ​ല​ച​ന്ദ്ര​ന് ഒ​ടു​വി​ൽ അ​നി​വാ​ര്യ​മാ​യ തി​രി​ച്ചു​പോ​ക്കി​ന് വ​ഴ​ങ്ങേ​ണ്ടി​വ​ന്നു.

റി​യാ​ദി​ലെ​ത്തി ആ​ദ്യ മൂ​ന്നു വ​ർ​ഷം പി​ന്നി​ട്ട​പ്പോ​ൾ സ്പോ​ൺ​സ​ർ മ​രി​ച്ചു. അ​തോ​ടെ പാ​സ്പോ​ർ​ട്ട് ന​ഷ്​​ട​പ്പെ​ട്ടു. കോ​വി​ഡ്​ മ​ഹാ​മാ​രി കൂ​ടി വ​ന്ന​തോ​ടെ ബാ​ല​ച​ന്ദ്ര​ൻ​ പി​ള്ള​യു​ടെ ദു​രി​തം ഏ​റെ. സൗ​ദി​യി​ൽ പ​രി​ശോ​ധ​ന ക​ർ​ശ​ന​മാ​ക്കി​യ​തോ​ടെ നി​ർ​ഭ​യം പു​റ​ത്തി​റ​ങ്ങാ​ൻ ക​ഴി​യാ​തെ​യാ​യി. കോ​വി​ഡ്​ പി​ടി​പെ​ട്ട​പ്പോ​ൾ സ്വ​യം​ചി​കി​ത്സ​യും മെ​ഡി​ക്ക​ൽ സ്​​റ്റോ​റു​ക​ളി​ൽ​നി​ന്നും സു​ഹൃ​ത്തു​ക്ക​ൾ വ​ഴി​യും മ​രു​ന്നു​ക​ൾ ത​ര​പ്പെ​ടു​ത്തി​യും അ​തി​ജീ​വി​ച്ചു. പ​ക്ഷേ, ആ​രോ​ഗ്യം വീ​ണ്ടെ​ടു​ക്കാ​നാ​യി​ല്ല. ഇ​തോ​ടെ നാ​ട്ടി​ൽ പോ​കു​ന്ന​തി​നു​ള്ള ആ​ലോ​ച​ന തു​ട​ങ്ങി. വീ​ണ്ടും അ​സു​ഖ​ബാ​ധി​ത​നാ​യ​പ്പോ​ൾ ഇ​ന്ത്യ​ൻ എം​ബ​സി​യു​ടെ അ​വ​സ​രോ​ചി​ത​മാ​യ ഇ​ട​പെ​ട​ലി​ൽ പൂ​ർ​ണ​മാ​യ ചി​കി​ത്സ ഉ​റ​പ്പു​വ​രു​ത്തു​ക​യും കൂ​ടു​ത​ൽ ഉ​യ​ർ​ന്ന ചി​കി​ത്സ​ക്കാ​യി ശു​മൈ​സി​യി​ലെ കി​ങ് സ​ഊ​ദ് മെ​ഡി​ക്ക​ൽ സി​റ്റി​യി​ലേ​ക്കു മാ​റ്റു​ക​യും ചെ​യ്തു.

അ​ഞ്ചു മാ​സ​ത്തെ ചി​കി​ത്സ​ക്കൊ​ടു​വി​ൽ ആ​രോ​ഗ്യം വീ​ണ്ടെ​ടു​ത്തു. തു​ട​ർ​ന്ന് നാ​ടു​ക​ട​ത്ത​ൽ (ത​ർ​ഹീ​ൽ) കേ​ന്ദ്ര​ത്തി​ൽ ഹാ​ജ​രാ​ക്കി എ​ക്സി​റ്റ് പേ​പ്പ​റു​ക​ൾ ശ​രി​യാ​ക്കി. മു​മ്പ്​ ര​ണ്ടു​ത​വ​ണ ത​ള്ളി​യ അ​പേ​ക്ഷ​യി​ലാ​ണ് തീ​ർ​പ്പാ​കു​ന്ന​ത്. ആ​ശു​പ​ത്രി​യി​ൽ​നി​ന്ന് ഡി​സ്ചാ​ർ​ജ് ചെ​യ്ത​തി​നു​ശേ​ഷം കേ​ളി താ​മ​സ​സൗ​ക​ര്യം ഒ​രു​ക്കി. 31 വ​ർ​ഷം മു​മ്പ് നാ​ടു​വി​ടു​ന്ന വേ​ള​യി​ൽ ഭാ​ര്യ​യും ഒ​രു പെ​ൺ​കു​ട്ടി​യും ഉ​ണ്ടാ​യി​രു​ന്ന ബാ​ല​ച​ന്ദ്ര​ൻ അ​വ​രെ വേ​ണ്ട​വി​ധം സം​ര​ക്ഷി​ച്ചി​ല്ല എ​ന്ന പ​രാ​തി​യു​ണ്ടെ​ന്നും ഇ​ദ്ദേ​ഹ​ത്തെ സ്വീ​ക​രി​ക്കാ​ൻ ത​യാ​റ​ല്ലെ​ന്നും ഈ ​പ്ര​ശ്ന​ത്തി​ൽ കു​ടും​ബ​വു​മാ​യി ബ​ന്ധ​പ്പെ​ട്ട കേ​ര​ള പ്ര​വാ​സി​സം​ഘം കൊ​ല്ലം ജി​ല്ല സെ​ക്ര​ട്ട​റി നി​സാ​ർ അ​മ്പ​ലം​കു​ന്നി​നെ ബാ​ല​കൃ​ഷ്ണ​ൻ പി​ള്ള​യു​ടെ വീ​ട്ടു​കാ​ർ അ​റി​യി​ച്ചി​രു​ന്നു.

പു​ന​ലൂ​ർ കെ.​എ​സ്‌.​ആ​ർ.​ടി.​സി ബ​സ്​ സ്​​റ്റാ​ൻ​ഡി​ന​ടു​ത്താ​യാ​ണ് വീ​ടെ​ന്നും നാ​ലു സ​ഹോ​ദ​ര​ങ്ങ​ൾ ഉ​ണ്ടെ​ന്നും ബാ​ല​ച​ന്ദ്ര​ൻ പ​റ​ഞ്ഞു. കേ​ളി​യു​ടെ അ​ന്വേ​ഷ​ണ​ത്തി​ൽ ഒ​രു സ​ഹോ​ദ​ര​നു​മാ​യി ബ​ന്ധ​പ്പെ​ടാ​ൻ ക​ഴി​ഞ്ഞു. മ​ക​ൾ വി​വാ​ഹി​ത​യാ​ണെ​ന്നും കി​ട​പ്പു​രോ​ഗി​യാ​യ ഭാ​ര്യ​യെ മ​ക​ളും മ​രു​മ​ക​നു​മാ​ണ് പ​രി​ച​രി​ക്കു​ന്ന​തെ​ന്നും ഇ​നി​യും ഒ​രാ​ളെ​കൂ​ടി സം​ര​ക്ഷി​ക്കാ​നാ​കി​ല്ലെ​ന്നും അ​വ​ർ പ​റ​ഞ്ഞു. 31 വ​ർ​ഷം ത​ങ്ങ​ളു​ടെ ജീ​വി​ത​ത്തെ​ക്കു​റി​ച്ച് ഒ​രു​വി​ധ അ​ന്വേ​ഷ​ണ​വും ന​ട​ത്താ​ത്ത ആ​ളെ സ്വീ​ക​രി​ക്കു​ക പ്ര​യാ​സ​മാ​ണെ​ന്ന് അ​വ​ർ അ​റി​യി​ച്ചു. ഒ​രു രേ​ഖ​ക​ളും ഇ​ല്ലെ​ന്നു മാ​ത്ര​മ​ല്ല, സം​സാ​ര​ശേ​ഷി​പോ​ലും ന​ഷ്​​ട​പ്പെ​ട്ട അ​വ​സ്ഥ​യി​ൽ​നി​ന്നു​മാ​ണ് എ​ല്ലാ രേ​ഖ​ക​ളും ശ​രി​യാ​ക്കി ബാ​ല​ച​ന്ദ്ര​നെ നാ​ട്ടി​ല​യ​ക്കാ​ൻ കേ​ളി​പ്ര​വ​ർ​ത്ത​ക​ർ​ക്ക്​ സാ​ധി​ച്ച​ത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു