അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ: രാജ്യത്താകമാനം കഴിഞ്ഞ ദിവസം പെയ്ത മഴക്ക് പിന്നാലെ താപനില കുറയുമെന്ന് ദേശീയ കാലാവസ്ഥാ നിരീക്ഷണ കേന്ദ്രം. ശനിയാഴ്ച രാജ്യത്ത് അന്തരീക്ഷം മേഘാവൃതമായിരിക്കും. എന്നാൽ, മഴ സാധ്യത കുറവാണ്. രാജ്യത്തെ പരമാവധി താപനില 29-34 ഡിഗ്രി സെൽഷ്യസും കുറഞ്ഞ താപനില 14-19 ഡിഗ്രി സെൽഷ്യസും ആയി കുറയുമെന്നാണ് പ്രതീക്ഷിക്കുന്നത്. തീരപ്രദേശങ്ങളിൽ ഉയർന്ന താപനില 28-32 ഡിഗ്രി സെൽഷ്യസും മലയോര പ്രദേശങ്ങളിൽ 20-25 ഡിഗ്രി സെൽഷ്യസും ആയിരിക്കും. കഴിഞ്ഞ ദിവസം രാജ്യത്ത് രേഖപ്പെടുത്തിയ ഏറ്റവും കുറഞ്ഞ താപനില ജബൽ ജെയ്സിൽ 13.9 ഡിഗ്രി സെൽഷ്യസാണ്. തീരപ്രദേശങ്ങളിൽ ഈർപ്പം 60-85 ശതമാനവും പർവതപ്രദേശങ്ങളിൽ 50-60 ശതമാനവും ആയിരിക്കുമെന്നും പ്രസ്താവനയിൽ അറിയിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
