വെ​ള്ളി​യാ​ഴ്ച രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക​ന​ത്ത മ​ഴ ല​ഭി​ക്കു​​മെ​ന്ന മു​ന്ന​റി​യി​പ്പു​മാ​യി ദേ​ശീ​യ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം

ദു​ബൈ: വെ​ള്ളി​യാ​ഴ്ച രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക​ന​ത്ത മ​ഴ ല​ഭി​ക്കു​​മെ​ന്ന മു​ന്ന​റി​യി​പ്പു​മാ​യി ദേ​ശീ​യ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം. വ്യാ​ഴാ​ഴ്ച വൈ​കു​ന്നേ​ര​ത്തോ​ടെ​ത​ന്നെ റാ​സ​ൽ​ഖൈ​മ​യി​ലെ ജ​ബ​ൽ​ജൈ​സ്, ദു​ബൈ, ഷാ​ർ​ജ എ​മി​റേ​റ്റു​ക​ളി​ലെ വി​വി​ധ സ്ഥ​ല​ങ്ങ​ൾ എ​ന്നി​വി​ട​ങ്ങ​ളി​ൽ മ​ഴ ല​ഭി​ച്ചു​തു​ട​ങ്ങി​യി​ട്ടു​ണ്ട്. ഇ​തി​ന്‍റെ തു​ട​ർ​ച്ച​യാ​യി അ​ടു​ത്ത ദി​വ​സം വി​വി​ധ എ​മി​റേ​റ്റു​ക​ളി​ൽ മ​ഴ ല​ഭി​ക്കു​മെ​ന്നാ​ണ്​ മു​ന്ന​റി​യി​പ്പ്​. വ​ട​ക്ക​ൻ എ​മി​റേ​റ്റു​ക​ളി​ലും ദു​ബൈ​യി​ലു​മാ​ണ്​ ക​ന​ത്ത മ​ഴ പ്ര​തീ​ക്ഷി​ക്കു​ന്ന​ത്.

അ​തി​നി​ടെ, മ​ഴ​സാ​ധ്യ​ത ക​ണ​ക്കി​ലെ​ടു​ത്ത്​ അ​ജ്​​മാ​ൻ, റാ​സ​ൽ​ഖൈ​മ, ഉ​മ്മു​ൽ​ഖു​വൈ​ൻ എ​മി​റേ​റ്റു​ക​ളി​ൽ വി​ദൂ​ര​പ​ഠ​ന​ത്തി​ന്​ അ​ധി​കൃ​ത​ർ നി​ർ​ദേ​ശം ന​ൽ​കി. യാ​ത്ര ചെ​യ്യു​ന്ന​ത്​ വി​ദ്യാ​ർ​ഥി​ക​ൾ​ക്ക്​ പ്ര​യാ​സ​ക​ര​മാ​കു​ന്ന സാ​ഹ​ച​ര്യം മു​ന്നി​ൽ​ക​ണ്ടാ​ണ്​ വീ​ട്ടി​ലി​രു​ന്ന്​ ഓ​ൺ​ലൈ​ൻ പ​ഠ​ന​ത്തി​ന്​ നി​​ർ​ദേ​ശി​ച്ചി​ട്ടു​ള്ള​ത്. റാ​സ​ൽ​ഖൈ​മ​യി​ലെ ദു​ര​ന്ത നി​വാ​ര​ണ അ​തോ​റി​റ്റി ക​ന​ത്ത ജാ​ഗ്ര​ത പാ​ലി​ക്ക​ണ​മെ​ന്നാ​ണ്​ നി​ർ​ദേ​ശി​ച്ചി​ട്ടു​ള്ള​ത്.

മ​​ഴ​ക്കൊ​പ്പം ഇ​ടി​മി​ന്ന​ലു​മു​ണ്ടാ​കു​മെ​ന്ന്​ മു​ന്ന​റി​യി​പ്പി​ൽ പ​റ​യു​ന്നു. അ​സ്ഥി​ര​മാ​യ കാ​ലാ​വ​സ്ഥ​യു​ടെ സാ​ഹ​ച​ര്യ​ത്തി​ൽ സ്വ​കാ​ര്യ മേ​ഖ​ല​യി​ൽ ജോ​ലി ചെ​യ്യു​ന്ന​വ​ർ​ക്ക്​ ആ​വ​ശ്യ​മാ​യ ക്ര​മീ​ക​ര​ണ​ങ്ങ​ൾ വ​രു​ത്താ​ൻ മാ​ന​വ​വി​ഭ​വ​ശേ​ഷി മ​ന്ത്രാ​ല​യ​വും നി​ർ​ദേ​ശി​ച്ചി​ട്ടു​ണ്ട്. തൊ​ഴി​ലാ​ളി​ക​ളു​ടെ സു​ര​ക്ഷ​യും ആ​രോ​ഗ്യ​സം​ര​ക്ഷ​ണ​വും ഉ​റ​പ്പു​വ​രു​ത്തു​ന്ന​തി​നും ശ്ര​ദ്ധി​ക്ക​ണ​മെ​ന്ന്​ നി​ർ​ദേ​ശി​ച്ചി​ട്ടു​ണ്ട്.

യാ​ത്ര​ചെ​യ്യു​ന്ന​വ​ർ റോ​ഡി​ൽ വേ​ഗം കു​റ​ക്കാ​നും പ്ര​ള​യ സാ​ധ്യ​ത​യു​ള്ള സ്ഥ​ല​ങ്ങ​ളി​ൽ​നി​ന്നും തീ​ര​പ്ര​ദേ​ശ​ങ്ങ​ളി​ൽ​നി​ന്നും വി​ട്ടു​നി​ൽ​ക്കാ​നും ആ​ഭ്യ​ന്ത​ര മ​ന്ത്രാ​ല​യ​വും പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു. റോ​ഡി​ൽ ജാ​ഗ്ര​ത വേ​ണ​മെ​ന്നും സൂ​ച​ന ബോ​ർ​ഡു​ക​ളി​ലെ വേ​ഗ​പ​രി​ധി മാ​റ്റം ശ്ര​ദ്ധി​ക്ക​ണ​മെ​ന്നും അ​ബൂ​ദ​ബി പൊ​ലീ​സ്​ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ആ​വ​ശ്യ​പ്പെ​ട്ടു. മ​ഴ​യു​ടെ സാ​ഹ​ച​ര്യ​ത്തി​ൽ രാ​ജ്യ​ത്താ​ക​മാ​നം താ​പ​നി​ല​യി​ൽ വ​ലി​യ കു​റ​വു​ണ്ടാ​കു​മെ​ന്നും കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം വ്യ​ക്ത​മാ​ക്കി​യി​ട്ടു​ണ്ട്.അ​ബൂ​ദ​ബി​യി​ലും ദു​ബൈ​യി​ലും ഉ​യ​ർ​ന്ന താ​പ​നി​ല 27 ഡി​ഗ്രി​യാ​ണ്​ പ്ര​വ​ചി​ക്ക​പ്പെ​ടു​ന്ന​ത്. രാ​ത്രി​യി​ൽ 23 ഡി​ഗ്രി വ​രെ​യും കു​റ​യാം.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു