അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി: കളമശ്ശേരി സ്ഫോടനത്തില് പരിക്കേറ്റ് ചികിത്സയില് കഴിയുന്ന 12 വയസ്സുള്ള കുട്ടിയ്ക്ക് 95 ശതമാനം പൊള്ളലേറ്റിട്ടുണ്ടെന്ന് ആരോഗ്യമന്ത്രി വീണാ ജോര്ജ്. കളമശ്ശേരി മെഡിക്കല് കോളേജില് വെന്റിലേറ്ററില് കഴിയുന്ന കുട്ടിയുടെ നില അതീവഗുരുതരമായി തുടരുകയാണ്. കുട്ടിയുടെ അമ്മയും സഹോദരനും ചികിത്സയിലുണ്ട്. ഇവര്ക്ക് കൈകളിലും കാലുകളിലും ഗുരുതരമല്ലാത്ത പൊള്ളലാണ് ഉള്ളതെന്നും ആരോഗ്യമന്ത്രി പറഞ്ഞു.
ദുരന്തത്തിൽ 52 പേരാണ് ചികിത്സ തേടിയത്. ഇവരിൽ 18 പേർ വിവിധ ആശുപത്രികളിലായി ഐസിയുവിൽ കഴിയുകയാണ്. ഇതിൽ 6 പേരുടെ നില ഗുരുതരമാണെന്നും ആരോഗ്യമന്ത്രി അറിയിച്ചു.
ചികിത്സയിലുള്ള 53 വയസ്സുള്ള ഒരാള്ക്ക് 90 ശതമാനത്തോളം പൊള്ളലേറ്റിട്ടുണ്ട്. 37 ഓളം പേർ മെഡിക്കൽ കോളേജിലാണ് ചികിത്സ തേടിയിരിക്കുന്നത്. 10 പേർ വാർഡിലും 10 പേർ ഐസിയുവിലുമാണുള്ളത്. ഗുരുതരമല്ലാത്ത പൊള്ളലുള്ളവരെ പ്രാഥമിക ചികിത്സക്ക് ശേഷം ഡിസ്ചാർജ് ചെയ്യുമെന്ന് ഡോക്ടർമാർ പറഞ്ഞതായി മന്ത്രി വ്യക്തമാക്കി. ചികിത്സയിൽ കഴിയുന്ന എല്ലാവർക്കും സാധിക്കുന്ന തരത്തിലുള്ള ആധുനിക ചികിത്സ നൽകുമെന്നും ആരോഗ്യമന്ത്രി ഉറപ്പ് നൽകി.
സ്വകാര്യ ആശുപത്രികളുടെ സഹകരണവുമുണ്ട്. 14 അംഗ മെഡിക്കല് ബോര്ഡാണ് രൂപവത്കരിക്കുക. പ്ലാസ്റ്റിക് സര്ജന്മാരുള്പ്പടെ തൃശ്ശൂര് മെഡിക്കല് കോളേജില് നിന്നും കോട്ടയം മെഡിക്കല് കോളേജില് നിന്നുമുള്ള ഡോക്ടര്മാരുടെ സംഘവും കളമശ്ശേരി മെഡിക്കല് കോളേജിലത്തിയിട്ടുണ്ട് ലഭ്യമായ എല്ലാ ആധുനിക ചികിത്സയും പരിക്കേറ്റവര്ക്ക് നല്കുമെന്നും മന്ത്രി അറിയിച്ചു.
കൂടാതെ ആരോഗ്യവകുപ്പിന്റെ ഹെൽപ് ലൈൻ സംവിധാനവും ഏർപ്പെടുത്തിയതായി മന്ത്രി അറിയിച്ചു. അപകടം മുന്നിൽ കണ്ട കുഞ്ഞുങ്ങൾക്ക് കൗൺസിലിംഗ് ഉൾപ്പെടെ മാനസിക പിന്തുണ നൽകുമെന്നും മന്ത്രി വീണ ജോർജ് വ്യക്തമാക്കി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
