അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊണ്ടോട്ടി: പൂജ ചെയ്തിട്ടും നിധിയും സാമ്പത്തികാഭിവൃദ്ധിയും ലഭിക്കാത്തതിൽ പ്രകോപിതനായി പൂജാരിയ തടഞ്ഞുവെച്ചയാൾ അറസ്റ്റിൽ. മലപ്പുറം കൊണ്ടോട്ടി തറയിട്ടാൽ സ്വദേശി കളത്തിങ്ങൽ ജാഫർ അലിയാണ് പിടിയിലായത്. കരിപ്പൂർ പൊലീസാണ് പ്രതിയെ അറസ്റ്റ് ചെയ്തത്. ജാഫർ അലിയുടെ കാർ കസ്റ്റഡിയിലെടുത്തിട്ടുണ്ട്. ഇയാളുടെ രണ്ട് സുഹൃത്തുക്കളെ കൂടി പൊലീസ് തിരയുന്നുണ്ട്.
ഒമ്പത് മാസം മുമ്പ് തമിഴ്നാട് എടപ്പാടി സ്വദേശിയായ പൂജാരിയെ ജാഫർ അലി വീട്ടിലേക്ക് വിളിച്ചുവരുത്തുകയായിരുന്നു. ഇയാളുടെ വീട്ടിലും പോത്ത് ഫാമിലുമായി പൂജകൾ നടത്തി. പൂജ കഴിയുന്നതോടെ മണ്ണിനടിയിൽ നിന്നും നിധി ലഭിക്കുമെന്നാണ് പൂജാരി പറഞ്ഞതത്രെ. പൂജാരിക്ക് പൂജക്കും മറ്റുമായി ലക്ഷങ്ങൾ ജാഫർ അലി നൽകുകയും ചെയ്തിരുന്നു.
എന്നാൽ, നിധിയൊന്നും ഇതുവരെ ലഭിച്ചില്ല. ഇതിനിടെ, കഴിഞ്ഞ വെള്ളിയാഴ്ച വീണ്ടും പൂജക്കായി എത്തിയ പൂജാരിയെ ജാഫർ അലി തടഞ്ഞുവെക്കുകയായിരുന്നു. തന്‍റെ പണം തിരികെ ആവശ്യപ്പെട്ടാണ് തടഞ്ഞുവെച്ചത്. ഇതേതുടർന്ന് പൂജാരിയുടെ ഭാര്യ പൊലീസിൽ പരാതി നൽകുകയായിരുന്നു. പൊലീസെത്തി പൂജാരിയെ മോചിപ്പിക്കുകയായിരുന്നു.
https://www.youtube.com/watch?v=Uwx-44J0Jms
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
