അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉപ്പുതറ: സ്‌കൂളിന്റെ പ്രവർത്തനങ്ങൾ സംബന്ധിച്ച രക്ഷിതാക്കളുടെ പരാതിയെ തുടർന്ന് വിദ്യാഭ്യാസ ഡപ്യൂട്ടി ഡയറക്ടറുടെ തെളിവെടുപ്പിനു പിന്നാലെ കണ്ണംപടി ഗവ. ട്രൈബൽ ഹൈസ്‌കൂളിലെ രണ്ട് അധ്യാപികമാർക്ക് സ്ഥലംമാറ്റം. പ്രധാനാധ്യാപികയുടെ ചുമതല വഹിച്ചിരുന്ന നിത്യകല്യാണി, സീനിയർ അസിസ്റ്റന്റ് സ്വപ്‌ന എന്നിവരെയാണ് സ്ഥലംമാറ്റിയത്.
ഫണ്ട് വിനിയോഗത്തിലെ വീഴ്ചകളും സ്‌കൂളിന്റെ ശോച്യാവസ്ഥയും വ്യക്തമാക്കി രക്ഷിതാക്കൾ വിദ്യാഭ്യാസ മന്ത്രി, പട്ടികവർഗ വകുപ്പ് മന്ത്രി എന്നിവർ ഉൾപ്പെടെയുള്ളവർക്ക് പരാതി നൽകിയിരുന്നു. ഇത്തരം വിഷയങ്ങളുമായി ബന്ധപ്പെട്ട് രക്ഷിതാക്കളും സ്‌കൂൾ നേതൃത്വവുമായി അഭിപ്രായ വ്യത്യാസവും രൂക്ഷമായിരുന്നു.
പരാതിയുടെ അടിസ്ഥാനത്തിൽ കഴിഞ്ഞ 26ന് ഡിഡി ആർ.വിജയയുടെ നേതൃത്വത്തിലുള്ള സംഘം സ്‌കൂളിലെത്തി തെളിവെടുപ്പ് നടത്തിയിരുന്നു.
സ്‌കൂളിന്റെ വികസനത്തിന് സ്‌കൂളിലെ ചിലർ തടസ്സം നിൽക്കുന്നെന്നത് ഉൾപ്പെടെയുള്ള പരാതികൾ രക്ഷിതാക്കൾ ഡിഡിയെ അറിയിച്ചിരുന്നു. ഇത്തരക്കാർക്കെതിരെ നടപടി ഉണ്ടായില്ലെങ്കിൽ സമരം ആരംഭിക്കുമെന്നും രക്ഷിതാക്കൾ മുന്നറിയിപ്പു നൽകിയിരുന്നു. അതിനു പിന്നാലെയാണ് 2 അധ്യാപകരെ സ്ഥലം മാറ്റിയിരിക്കുന്നത്.
കോഴിക്കോട് സ്വദേശിയെ പ്രധാനാധ്യാപകനായി നിയമിക്കുകയും ചെയ്തിട്ടുണ്ട്. ഡിഡിയുടെ അന്വേഷണ റിപ്പോർട്ട് ബന്ധപ്പെട്ട മേലധികാരികൾക്ക് കൈമാറി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads- ൽ Join ചെയ്യാം
