അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ബിജെപി നയിക്കുന്ന എൻഡിഎ സഖ്യത്തിലേക്ക് ജെ.ഡി.(യു) തിരിച്ച് പോകുമെന്ന റിപ്പോർട്ടുകൾ തള്ളി ബിഹാർ മുഖ്യമന്ത്രി നിതീഷ് കുമാർ. പാർട്ടിയുടെ പ്രഥമ പരിഗണന പ്രതിപക്ഷ സഖ്യമായ ഇന്ത്യയെ ശക്തിപ്പെടുത്തലാണെന്നും ബിജെപി സഖ്യത്തിലേക്ക് തിരിച്ച് പോകാൻ പദ്ധതിയില്ലെന്നും നിതീഷ് കുമാർ വ്യക്തമാക്കി. തിരിച്ചുപോക്കിനെക്കുറിച്ചുള്ള മാധ്യമങ്ങളുടെ ചോദ്യത്തോട് ‘എന്തൊരു മാലിന്യമാണത്’ എന്നാണ് നിതീഷ് കുമാർ പ്രതികരിച്ചത്. ഒരു വർഷം മുൻപാണ് നിതീഷ് കുമാറിന്റ ജനതാദൾ യുണൈറ്റഡ് (ജെ.ഡി.(യു)) എൻഡിഎ സഖ്യം വിട്ടത്.
ഇന്ത്യ സഖ്യത്തിൽ പ്രധാനമന്ത്രിയാകാൻ ഏറ്റവും യോഗ്യൻ നിതീഷ് കുമാറാണെന്ന ജെ.ഡി.(യു) നേതാവ് മഹേശ്വർ ഹസാരിയുടെ പ്രസ്താവനയോടും അദ്ദേഹം വിയോജിപ്പ് പ്രകടിപ്പിച്ചു. ഇത്തരം പ്രസ്താവനകൾ നടത്തരുതെന്ന് പാർട്ടിയിലെ സഹപ്രവർത്തകര്‍ക്ക് നേരത്തെ തന്നെ നിര്‍ദേശം നല്‍കിയിട്ടുണ്ടെന്ന്‌ അദ്ദേഹം പറഞ്ഞു. ഇന്ത്യാ സഖ്യത്തിന്റെ ഐക്യം ശക്തിപ്പെടുത്തുക എന്നതാണ് ഇപ്പോഴത്തെ പ്രഥമ പരിഗണനയെന്നും ആ ദിശയിൽ മാത്രമാണ് പ്രവർത്തിക്കുന്നതെന്നും അദ്ദേഹം വ്യക്തമാക്കി. ബിഹാർ നിയമസഭാ ഡെപ്യൂട്ടി സ്പീക്കറും മുതിർന്ന ജെഡിയു നേതാവുമായ മഹേശ്വർ ഹസാരി കഴിഞ്ഞ ദിവസമാണ് ഈ പ്രസ്താവന നടത്തിയത്.
അടുത്തിടെ ലോക്‌സഭയിൽ ബിഎസ്പി എംപി ഡാനിഷ് അലിക്കെതിരെ ബിജെപി എംപി രമേഷ് ബിധുരി നടത്തിയ അപകീർത്തികരമായ പരാമർശത്തെക്കുറിച്ച് ചോദിച്ചപ്പോൾ “ഈ വിഷയം ഉപേക്ഷിക്കൂ. ഞങ്ങളുടെ സർക്കാർ സമൂഹത്തിലെ എല്ലാ വിഭാഗങ്ങളുടെയും പുരോഗതിക്കായി പ്രവർത്തിക്കുന്നു.” എന്നാണ് നിതീഷ് കുമാർ പറഞ്ഞത്.
നേരത്തെ പല തവണ നിതീഷ് കുമാറിന്റെ ജെ.ഡി.(യു) എൻഡിഎ സഖ്യത്തിലേക്ക് മടങ്ങുമെന്ന് സമാനമായ തരത്തിൽ അഭ്യൂഹങ്ങൾ പ്രചരിച്ചിരുന്നു. കഴിഞ്ഞ ജൂലൈയിൽ നിതീഷ് കുമാറിനുള്ള തങ്ങളുടെ വാതിലുകൾ അടച്ചു കഴിഞ്ഞു എന്ന് ബിജെപിയും വ്യക്തമാക്കിയിരുന്നു. പിന്നാലെ എൻഡിഎയിലേക്ക് മടങ്ങി വരാൻ താൽപ്പര്യമില്ലെന്ന് ജെ.ഡി.(യു)യും വ്യക്തമാക്കി. ഒപ്പം ബിജെപിക്ക് ബിഹാറിൽ സ്വീകാര്യത ലഭിക്കാൻ കാരണം കുറച്ച് കാലം നിതീഷ് കുമാർ നയിച്ചത് കൊണ്ടാണെന്നും നിതീഷ് കുമാറിന്റെ അടുത്ത സഹായിയും കെട്ടിട നിർമ്മാണ വകുപ്പ് മന്ത്രിയുമായിരുന്ന അശോക് ചൗധരി പറഞ്ഞിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
