അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: ലോക്സഭാ തിരഞ്ഞെടുപ്പ് ലക്ഷ്യമിട്ട് കേരളത്തിലുടനീളം പര്യടനത്തിനിറങ്ങാന് മുഖ്യമന്ത്രിയും മന്ത്രിമാരും. സർക്കാരിന്റെ വികസനങ്ങള് ജനങ്ങളിലേക്കെത്തിക്കാൻ ലക്ഷ്യമിട്ടാണ് പരിപാടി. നവംബർ 18 മുതൽ ഡിസംബർ 24 വരെയാണ് പര്യടനം.
നവകേരള നിര്മിതിയുടെ ഭാഗമായി സര്ക്കാര് ഉണ്ടാക്കിയ മുന്നേറ്റത്തെക്കുറിച്ച് ജനങ്ങളുമായി സംവദിക്കുന്നതിനും സമൂഹത്തിന്റെ ചിന്താഗതികള് അടുത്തറിയുന്നതിനുമാണ് പര്യടനമെന്നാണ് സര്ക്കാര് വാദം. വിവിധ മേഖലകളിലെ പ്രമുഖ വ്യക്തികളുമായുള്ള ജില്ലാതല കൂടിക്കാഴ്ചയും മണ്ഡലം കേന്ദ്രീകരിച്ച് ബഹുജന സദസ്സും നടത്തും.
ലോക്സഭാ തെരഞ്ഞെടുപ്പിന് മുന്നോടിയായി സർക്കാരിന്റെ വികസനങ്ങള് ജനങ്ങളിലേക്ക് എത്തിക്കുക എന്നതാണ് പരിപാടിയുടെ ഉദ്ദേശലക്ഷ്യം. മഞ്ചേശ്വരത്ത് നിന്നാണ് ജനസദസിന് തുടക്കമാകുക. പരിപാടിയുടെ സംസ്ഥാനതല കോർഡിനേറ്ററായി പാർലമെന്ററികാര്യ മന്ത്രിയേയും ഏകോപനത്തിനായി കീഴ് സെക്രട്ടറിയേയും മന്ത്രി സഭ ചുമതലപ്പെടുത്തിയിട്ടുണ്ട്.
അതത് ജില്ലകളിലെ മന്ത്രിമാർക്കായിരിക്കും അവിടങ്ങളിലെ പരിപാടി ഏകോപിപ്പിക്കാനുള്ള ചുമതല. മന്ത്രിമാരില്ലാത്ത ജില്ലകളിൽ ജില്ലകളുടെ ചുമതലയുള്ള മന്ത്രിമാർ അക്കാര്യങ്ങള് നിർവഹിക്കും. പരിപാടി വിജയിപ്പിക്കുന്നതിന് ജനപ്രതിനിധികളും സഹകരണ സ്ഥാപനങ്ങളും തൊഴിലാളികളും കൃഷിക്കാരും കര്ഷക തൊഴിലാളികളും മഹിളകളും വിദ്യാര്ത്ഥികളും മുതിര്ന്ന പൗരന്മാരും അടങ്ങുന്ന മണ്ഡലം ബഹുജന സദസ്സു കള് ആസൂത്രണം ചെയ്യും. മണ്ഡലം സദസ്സിനോട് അനുബന്ധിച്ച് വിവിധ കലാപരിപാടികള് സംഘടിപ്പിക്കും.
മണ്ഡലം സദസ്സില് പ്രത്യേകം ക്ഷണിതാക്കളായി സ്വാതന്ത്ര്യസ മര സേനാനികള്, വെറ്ററന്സ്, വിവിധ മേഖലകളിലെ പ്രമുഖര്, മഹിളാ, യുവജന, വിദ്യാര്ത്ഥി വിഭാഗത്തില്നിന്ന് പ്രത്യേകം തെരഞെഞ്ഞെടുക്കപ്പെട്ടവര്, കോളേജ് യൂണിയന് ഭാരവാഹികള്, പട്ടിക ജാതിപട്ടികവര്ഗ വിഭാഗത്തിലെ പ്രതിഭകള്, കലാകാരന്മാര്, സെലിബ്രിറ്റികള്, വിവിധ അവാര്ഡ് നേടിയവര്, തെയ്യം കലാകാരന്മര്, വിവിധ സാമുദായിക സംഘടനകളിലെ നേതാക്കള്, മുതിര്ന്ന പൗരാരുടെ പ്രതിനിധികള്, വിവിധ സംഘടനാ പ്രതി നിധികള്, കലാസാംസ്കാരിക സംഘടനകള് ആരാധനാലയങ്ങളുടെ പ്രതിനിധികള് തുടങ്ങിയവര് പങ്കെടുക്കും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
