അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡൽഹി: കുവെെറ്റിൽ അറസ്റ്റിലായ മലയാളികള് ഉള്പ്പെടെയുള്ള ഇന്ത്യന് നഴ്സുമാരെ മോചിപ്പിക്കാനുള്ള ശ്രമങ്ങള് പുരോഗമിക്കുകയാണെന്ന് കേന്ദ്ര വിദേശകാര്യ സഹമന്ത്രി വി മുരളീധരന്. കുവെെറ്റിലെ ഇന്ത്യന് എംബസിയും ഇതിനായുള്ള ശ്രമങ്ങള് തുടരുകയാണെന്ന് അദ്ദേഹം പറഞ്ഞു. കഴിഞ്ഞ ദിവസം ഡൽഹിയിൽ നടത്തിയ വാർത്താ സമ്മേളനത്തിൽ ആയിരുന്നു അദ്ദേഹം ഇക്കാര്യം അറിയിച്ചത്.
ഇപ്പോൾ ആശങ്കപ്പെടേണ്ട സാഹചര്യം ഇല്ല. കൈക്കുഞ്ഞുങ്ങള് ഉള്ളവര്ക്ക് കുഞ്ഞുങ്ങളെ കാണാനും മുലയൂട്ടാനുമുള്ള അനുമതി ലഭിച്ചിട്ടുണ്ട്. അറസ്റ്റിലായവരിൽ മുലയൂട്ടുന്ന അമ്മമാരായ അഞ്ച് നഴ്സുമാർ ഉണ്ട്. ഇവർക്ക് കുഞ്ഞുങ്ങൾക്കൊപ്പം കഴിയുന്നതിന് വേണ്ടിയുള്ള ചർച്ചകൾ പരോഗമിക്കുകയാണ്. അടിയന്തര നടപടി സ്വീകരിക്കാന് കുവെെറ്റ് എംബസിക്ക് നിർദ്ദേശം നൽകിയിട്ടുണ്ട്. കുവെെറ്റ് സർക്കാറുമായി അധികൃതർ വിഷയം സംസാരിക്കുന്നുണ്ട്. പ്രശ്നപരിഹാരത്തിന് വേഗത്തിൽ ശ്രമിച്ചുകൊണ്ടിരിക്കുകയാണെന്ന് വി മുരളീധരന് പറഞ്ഞു. പിടിയിലായ 60 അംഗ സംഘത്തില് 34 ഇന്ത്യക്കാരാണുള്ളതെന്നും മന്ത്രി പറഞ്ഞു. പിടിയിലായവരിൽ 19 മലയാളി നഴ്സുമാർ ഉണ്ട്. ഒരു സ്വകാര്യ ക്ലിനിക്കിൽ നടത്തിയ പരിശോധനയിലാണ് ഇവർ പിടിയിലാകുന്നത്. പരിശോധനയിൽ ഇവരുടെ കെെവശം മതിയായ രേഖകൾ ഇല്ലെന്ന് കണ്ടെത്തി. ഇതോടെയാണ് കുവെെറ്റ് ആഭ്യന്തര മന്ത്രാലയം നടപടിയെടുക്കാൻ തീരുമാനിച്ചത്. കുവെെറ്റിൽ ജോലി ചെയ്യാനുള്ള ലൈസന്സോ യോഗ്യതയോ ഇല്ലെന്നാണ് കണ്ടെത്തിയിരിക്കുന്നത്. എന്നാൽ ഇവർ യോഗ്യരാണെന്നും ശരിയായ തൊഴില് വിസയും സ്പോണ്സര്ഷിപ്പും ഉള്ളവരാണ് എന്നാണ് മലയാളി നഴ്സുമാരുടെ കുടുംബാംഗങ്ങള് അവകാശപ്പെടുന്നത്.
കുവെെറ്റിലെ മാലിയ മേഖലയിൽ സ്ഥിതി ചെയ്യുന്ന ആശുപത്രിയിൽ ആണ് ഇവർ ജോലി ചെയ്തിരുന്നത്. ഇവിടെ ഹ്യൂമൻ റിസോഴ്സ് കമ്മിറ്റി നടത്തിയ സുരക്ഷാ പരിശോധനയിലാണ് നഴ്സുമാർ പിടിയിലാകുന്നത്. അറസ്റ്റിലായ നഴ്സുമാരെ നാടുകടത്തൽ കേന്ദ്രത്തിലേക്ക് മാറ്റി. അറസ്റ്റിലായ നഴ്സുമാർ 3 മുതൽ 10 വർഷം തൊട്ടേ ഇതേ ക്ലിനിക്കില് ജോലി ചെയ്യുന്നവരാണ്. ഇന്ത്യക്കാർക്ക് പുറമെ ഫിലീപ്പീന്സ്, ഈജിപ്ത്, ഇറാന് എന്നീ രാജ്യങ്ങളിൽ നിന്നുള്ളവരും പിടിയിലായിട്ടുണ്ട് .
സുരക്ഷ പരിശോധനയിൽ താമസനിയമം ലംഘിച്ചു ജോലി ചെയ്തെന്ന പേരില് ആകെ 60 പേരാണ് പിടിയിലായിരിക്കുന്നത്. അറസ്റ്റിലായ മലയാളി നഴ്സുമാരിൽ പലരും പ്രസവാവധി കഴിഞ്ഞ് തിരികെ ജോലിക്ക് പ്രവേശിച്ചവരാണ്. വിസ ഉൾപ്പെടെ ആവശ്യമായ എല്ലാ രേഖകളും ഇവരുടെ കെെവശമുണ്ടെന്ന് ബന്ധുക്കൾ പറയുന്നു.ആശുപത്രി ഇറാൻ സ്വദേശിയുടെ ഉടമസ്ഥതയിലുള്ളതാണ് അടുത്തിടെ ആശുപത്രി ഉടമയും സ്പോൺസറും തമ്മിലുണ്ടായ തർക്കമാണ് ഈ പ്രശ്നത്തിലേക്ക് നയിച്ചതെന്നാണ് ബന്ധുക്കൾക്ക് ലഭിച്ച വിവരം. കൂടുതൽ വിവരങ്ങൾ ഒന്നും പുറത്തുവന്നിട്ടില്ല.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
