അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: കൊച്ചിയിൽ കേബിൾ കഴുത്തിൽ കുരുങ്ങി തെറിച്ച് വീണ് ഇരുചക്ര വാഹന യാത്രക്കാരന് ഗുരുതര പരുക്ക്. കൊച്ചി കോമ്പാറ മാർക്കറ്റ് റോഡിലാണ് അപകടം സംഭവിച്ചത്. കൊച്ചി കോമ്പാറ മാർക്കറ്റ് റോഡിൽ തിങ്കളാഴ്ച രാവിലെ എട്ടരയോടെയാണ് അപകടം.
കറുകപ്പിള്ളി സ്വദേശി ബഷീറിന്റെ മകൻ മുഹമ്മദ് ഇർഫാനാണ് അപകടത്തിൽപ്പെട്ടത്. സ്കൂട്ടറിൽ വരുമ്പോൾ കേബിൾ കഴുത്തിൽ കുരുങ്ങി തെറിച്ചുവീണ മുഹമ്മദ് ഇർഫാനെ സാരമായ പരുക്കുകളോടെ ആശുപത്രിയിൽ പ്രവേശിപ്പിച്ചു.
read more നിപ ആശങ്കയിൽ കേരളക്കര : മൂന്ന് ജില്ലകൾക്കും ജാഗ്രതാ നിർദേശം
പിതാവിന്റെ ചിക്കൻ കടയിൽ നിന്ന് ഹോട്ടലിലേക്ക് ചിക്കൻ എത്തിച്ച് മടങ്ങുന്നതിനിടെയാണ് അപകടം. അപകടത്തിന് നിമിഷങ്ങൾക്ക് മുൻപ് ഈ വഴി കടന്നുപോയ കോൺക്രീറ്റ് മിക്സ്ചർ ലോറി തട്ടിയാണ് കേബിൾ പൊട്ടി വീണതെന്ന് ബന്ധുക്കൾ പറയുന്നു. തുടർന്ന് ഇതിലൂടെ പോയ മുഹമ്മദ് ഇർഫാന്റെ കഴുത്തിൽ കുടുങ്ങുകയായിരുന്നു.
അപകടത്തിൽ തൊട്ടുമുൻപ് ലോറി പോകുന്നത് ദൃശ്യങ്ങളിൽ വ്യക്തമാണ്. ഇർഫാന്റെ ഇടുപ്പെല്ല്, മുട്ടിന്റെ ചിരട്ട എന്നിവയ്ക്ക് സാരമായ പരുക്കുണ്ട്. അപകട സ്ഥലത്ത് ഓടിക്കൂടിയ നാട്ടുകാരും പൊലീസും ചേർന്നാണ് ഇയാളെ ആശുപത്രിയിൽ എത്തിച്ചത്. കേസെടുത്ത സെൻട്രൽ പൊലീസ് അപകടത്തിന്റെ സിസിടിവി ദൃശ്യങ്ങളും ശേഖരിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
