സാമൂഹിക മാധ്യമങ്ങളിലൂടെ സംഘടനയെ താറടിച്ച് കാണിക്കാൻ ശ്രമിക്കുന്നു; പി ജയരാജന്റെ മകനെതിരെ ഡി.വൈ.എഫ്‌.ഐ

കണ്ണൂർ: സി.പി.എം നേതാവ് പി. ജയരാജന്റെ മകന്‍ ജയിൻ രാജിനെതിരെ കണ്ണൂർ ഡി.വൈ.എഫ്.ഐ കമ്മിറ്റി. സാമൂഹിക മാധ്യമങ്ങളിലൂടെ സംഘടനയെയും നേതാക്കളെയും താറടിച്ച് കാണിക്കാൻ ശ്രമിക്കുന്നു എന്ന് കണ്ണൂർ ഡി.വൈ.എഫ്.ഐ കമ്മിറ്റി ആരോപിച്ചു. ഡി.വൈ.എഫ്.ഐ പാനൂര്‍ ബ്ലോക്ക് സെക്രട്ടറിയ്‌ക്കെതിരെയുള്ള ജെയിൻ രാജിന്റെ ഫെയ്‌സ്ബുക്ക് പോസ്റ്റ് ചൂണ്ടിക്കാട്ടിയാണ് ആരോപണം.

ജെ​യി​നി​ന്‍റെ പ്ര​സ്താ​വ​ന​ക​ളെ പ​രോ​ക്ഷ​മാ​യി വി​മ​ർ​ശി​ച്ച ഡി​വൈ​എ​ഫ്ഐ, സം​ഘ​ട​ന​യെ അ​പ​കീ​ർ​ത്തി​പ്പെ​ടു​ത്താ​നു​ള്ള ശ്ര​മ​ങ്ങ​ളാ​ണി​തെ​ന്ന് ആ​രോ​പി​ച്ചു.

ഡി.വൈ.എഫ്.ഐയുടെ പ്രസ്താവനയുടെ പൂർണരൂപം

 സോഷ്യൽ മീഡിയ ഉപയോഗപ്പെടുത്തി ഡി.വൈ.എഫ്.ഐ യെയും പാനൂർ ബ്ലോക്ക് സെക്രട്ടറിയായ കിരണിനെയും അപകീർത്തിപ്പെടുത്താനുള്ള ശ്രമം തിരിച്ചറിയണമെന്ന് ജില്ലാ സെക്രട്ടറിയേറ്റ് പ്രസ്താവനയിൽ അഭ്യർത്ഥിക്കുന്നു. സഭ്യേതരഭാഷ ഉപയോഗിച്ച് വ്യക്തികളെയും മറ്റും ആക്ഷേപിക്കുന്നതിന് സോഷ്യൽ മീഡിയയെ ഉപയോഗിക്കുന്നത് ശരിയല്ലെന്നും അത് ആരുടെ ഭാഗത്ത്‌ നിന്നുണ്ടായാലും അംഗീകരിക്കുന്നില്ലെന്നും ഡി.വൈ.എഫ്.ഐ ആവർത്തിച്ച് വ്യക്തമാക്കിയതാണ്. സഭ്യമല്ലാത്ത ഭാഷയിൽ ഡിവൈഎഫ്‌ഐക്കും നേതാക്കൾക്കും എതിരെ ആര് പ്രതികരണങ്ങൾ നടത്തിയാലും സഭ്യമായ ഭാഷയിൽ തന്നെയായിരിക്കണം മറുപടി പറയേണ്ടത്. ഇപ്പോൾ ചിലർ ഉയർത്തികൊണ്ടുവന്ന വിഷയം ഒരു വർഷം മുൻപ് തന്നെ ഡി.വൈ.എഫ്.ഐ ചർച്ച ചെയ്യുകയും ആവശ്യമായ തെറ്റുതിരുത്തൽ പ്രക്രിയക്ക് വിധേയമാക്കുകയും ചെയ്തതാണ് എന്നാൽ വീണ്ടും ഇത് കുത്തിപൊക്കിയത് ചില കുബുദ്ധികളുടെ ദുഷ്ടലാക്കാണ് വ്യക്തമാക്കുന്നത്. ഇതുവഴി സഘടനയെയും നേതാക്കളെയും പൊതുജനമധ്യത്തിൽ താറടിച്ചു കാണിക്കാനുള്ള ഹീനശ്രമമാണ് ഇവർ നടത്തിക്കൊണ്ടിരിക്കുന്നത്. ഇത് പ്രതിഷേധാർഹമാണ്.

ആശയ പ്രചാരണത്തിനുള്ള വേദിയായി സോഷ്യൽ മീഡിയയെ ഉപയോഗിക്കാനാണ് ശ്രമിക്കേണ്ടത്. സോഷ്യൽ മീഡിയകളിൽ പ്രത്യേകിച്ച് ഫേസ്ബുക്കിൽ വ്യാജ ഐഡികളെ ഉപയോഗിച്ചും പലരുടെയും പേരിൽ ഐഡികൾ നിർമിച്ചും ഡി.വൈ.എഫ്.ഐ യെയും നേതാക്കളെയും വ്യക്തിഹത്യ നടത്താനുള്ള ആസൂത്രിത ശ്രമം ഇതിന് മുൻപും ഉണ്ടായിട്ടുണ്ട്. ഇത്തരം പ്രവണതകൾക്കെതിരെ എല്ലാവരും ജാഗ്രത പാലിക്കണമെന്നും ഡി.വൈ.എഫ്.ഐ ജില്ലാ സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു.

ഡി​വൈ​എ​ഫ്ഐ പാ​നൂ​ർ ഏ​രി​യ സെ​ക്ര​ട്ട​റി ആ​യ കി​ര​ണ്‍ പാ​നൂ​ർ ഫേ​സ്ബു​ക്കി​ൽ പോ​സ്റ്റ് ചെ​യ്ത വി​വാ​ദ തെ​റി​വി​ളി ക​മ​ന്‍റി​ന്‍റെ സ്ക്രീ​ൻ​ഷോ​ട്ട് പ​ങ്കു​വ​ച്ചാ​ണ് ജെ​യി​ൻ വി​വാ​ദ​ത്തി​ന് തു​ട​ക്ക​മി​ട്ട​ത്. ഭാ​വി​യി​ല്‍ ന​യി​ക്കേ​ണ്ട​ത് ഇ​വ​രൊ​ക്കെ​യാ​ണ് എ​ന്ന കു​റി​പ്പോ​ടെ​യാ​യി​രു​ന്നു അ​സ​ഭ്യ​വാ​ക്കു​ക​ള്‍ കൂ​ടി ചേ​ര്‍​ത്ത് കൊ​ണ്ടു​ള്ള ജെ​യി​നി​ന്‍റെ പോ​സ്റ്റ്.

ഇ​തി​ന് പി​ന്നാ​ലെ, സ്വ​ര്‍​ണ​ക്ക​ട​ത്ത് കേ​സ് പ്ര​തി അ​ര്‍​ജു​ന്‍ ആ​യ​ങ്കി​യു​ടെ വി​വാ​ഹ ച​ട​ങ്ങി​ല്‍ കി​ര​ണ്‍ പ​ങ്കെ​ടു​ത്ത ഫോ​ട്ടോ​യും ജെ​യി​ന്‍ പോ​സ്റ്റ് ചെ​യ്തു. 30 കി​ലോ​മീ​റ്റ​ര്‍ അ​ക​ലെ​യു​ള്ള സ്ഥ​ല​ത്ത്, മ​റ്റൊ​രു പ്ര​തി അ​ജ്മ​ലി​നൊ​പ്പ​മെ​ത്തി അ​ർ​ജു​ന്‍റെ വി​വാ​ഹ​ത്തി​ൽ കി​ര​ണ്‍ പ​ങ്കെ​ടു​ത്ത​ത് ഒ​രു ബ​ന്ധ​വും ഇ​ല്ലാ​ത്ത​ത് കൊ​ണ്ടാ​യി​രി​ക്കു​മ​ല്ലോ എ​ന്നും ജെ​യി​ന്‍ പോ​സ്റ്റി​ല്‍ പ​റ​ഞ്ഞി​രു​ന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം