അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: പൂവച്ചലിൽ ക്ഷേത്ര മതിലിന് സമീപം മൂത്രമൊഴിച്ചത് ചോദ്യംചെയ്തതിന്‍റെ പകയിൽ യുവാവ് ബന്ധുവായ 10 വയസുകാരനെ കാറിടിച്ച് കൊലപ്പെടുത്തി. പൂവച്ചൽ സ്വദേശിയായ ആദിശേഖരൻ ആണ് മരിച്ചത്. സംഭവത്തിൽ ആദിശേഖരന്‍റെ അകന്ന ബന്ധുവായ പ്രിയരഞ്ജൻ എന്ന യുവാവിനായി പോലീസ് തെരച്ചിൽ നടത്തുകയാണ്.
ഓഗസ്റ്റ് 31-ന് പുളിങ്കോട് ക്ഷേത്രത്തിന് സമീപമാണ് സംഭവം നടന്നത്. സാധാരണ വാഹനാപകടം എന്ന നിഗമനത്തിലായിരുന്നു പോലീസും ആദിശേഖരന്‍റെ കുടുംബാംഗങ്ങളും എന്നതിനാൽ വിശദമായ അന്വേഷണം നടന്നിരുന്നില്ല. എന്നാൽ,സംഭവത്തെപ്പറ്റി വിശദമായി അന്വേഷിക്കുന്നതിനായി മേഖലയിലെ സിസിടിവി ദൃശ്യങ്ങൾ പരിശോധിച്ചപ്പോഴാണ് നരഹത്യാ സാധ്യത പോലീസിന് വെളിപ്പെട്ടത്. സൈക്കിളിൽ സുഹൃത്തുമായി സംസാരിച്ച് നിൽക്കുകയായിരുന്ന കുട്ടിയെ, സമീപത്ത് നിർത്തിയിട്ടിരുന്ന കാർ മനഃപൂർവം ഇടിച്ചുതെറിപ്പിക്കുന്ന ദൃശ്യങ്ങൾ പോലീസിന് ലഭിച്ചു.
തുടർന്ന് കുട്ടിയുടെ മാതാപിതാക്കളെ വിശദമായി ചോദ്യംചെയ്തപ്പോഴാണ് ക്ഷേത്ര മതിലിന് സമീപം പ്രിയരഞ്ജൻ മൂത്രമൊഴിച്ചത് കുട്ടി ചോദ്യംചെയ്തിരുന്നതായും ഇതുമായി ബന്ധപ്പെട്ട് വാക്കുതർക്കം ഉണ്ടായിരുന്നുവെന്നും അരിഞ്ഞത്. തുടർന്ന് നടന്ന അന്വേഷണത്തിൽ, അപകടം നടന്ന ദിവസവും ക്ഷേത്ര മതിലിന് സമീപം മൂത്രമൊഴിച്ച ശേഷമാണ് ഇയാൾ വാഹനത്തിൽ കുട്ടിയുടെ അടുത്തേക്ക് എത്തിയതെന്ന് തെളിഞ്ഞു. അപകടത്തിന് പിന്നാലെ പ്രിയരഞ്ജന്‍ ഒളിവിൽ പോയതിനാൽ ഇയാളുടെ ഭാര്യയാണ് കാറിന്‍റെ താക്കോൽ പോലീസ് സ്റ്റേഷനിൽ എത്തിച്ചത്. പ്രതിക്കായി തെരച്ചിൽ തുടരുകയാണെന്നും ഇയാളെ ചോദ്യംചെയ്തിന് ശേഷം കൂടുതൽ വിശദാംശങ്ങൾ ലഭിക്കുമെന്നും പോലീസ് അറിയിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
