അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തൃശൂർ: ചാലക്കുടി നഗരസഭ പരിധിയിലെ വിവിധ ഹോട്ടലുകളിൽ നിന്നും പഴകിയ ഭക്ഷണങ്ങൾ പിടികൂടി. പഴകിയ ഇറച്ചി, മത്സ്യം, ചോറ്, കറികള്‍, എണ്ണ തുടങ്ങിയവയാണ് പിടികൂടിയത്.
ചാലക്കുടി റെയിൽവേ സ്റ്റേഷൻ പരിസരത്തെ സീക്കോ എന്ന ഹോട്ടലിൽ നിന്നും പഴകിയ ബീഫ്, ചിക്കൻ, ഗ്രീൻ പീസ് എന്നിവയും മുനിസിപ്പൽ ഇൻഡോർ സ്റ്റേഡിയത്തിന് മുൻപിലെ ശരവണ ഹോട്ടെലിൽ നിന്നും പഴകിയ മീൻ കറി, ചോറ്, അച്ചാർ, ബീഫ് കറിയും ശ്രീ എം. യു.
ശരവണ ഭവനിൽ നിന്നും പഴകിയ മസാലക്കറി, പരിപ്പ് കറി എന്നിവയും ആനമല ജംഗ്ഷനിലെ പാരഡൈസ് ഹോട്ടലിൽ നിന്നും അച്ചാർ ഇടുവാൻ സൂക്ഷിച്ചിരുന്ന ഉപയോഗ ശൂന്യമായ നാരങ്ങ, ആനന്ദ ഭവനിൽ നിന്നും പഴകിയ എണ്ണ എന്നിവയാണ് പിടികൂടിയത്.
നോർത്ത് ജംഗ്ഷനിലെ ഉഷ റെസ്റ്റോറന്റിൽ വൃത്തിഹീനമായ രീതിയിൽ പാകം ചെയ്യുന്നതും അടുക്കളയും കിണറും വൃത്തിഹീനമായി കിടക്കുന്നതും ആരോഗ്യ വിഭാഗം കണ്ടെത്തി. ഹോട്ടലുകൾക്കെല്ലാം പിഴ ഈടാക്കുമെന്ന് നഗരസഭ സെക്രട്ടറി അറിയിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anwesha
അന്വേഷണം വാർത്തകൾ അറിയാൻ Threads– ൽ Join ചെയ്യാം
