അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൽപ്പറ്റ: വയനാട്ടിൽ നിരോധിത പുകയില ഉത്പന്നവേട്ട. കഴിഞ്ഞ ദിവസം കാട്ടിക്കുളത്ത് നടന്ന വാഹനപരിശോധനയ്ക്കിടെ പിടികൂടിയത് 30 ലക്ഷം രൂപയുടെ ഹാൻസ്. സംശയം തോന്നാതിരിക്കാൻ പച്ചക്കറി വണ്ടിയുടെ മറവിലാണ് ഹാൻസ് പായ്ക്കറ്റുകള്‍ ഒളിപ്പിച്ച് കടത്താൻ ശ്രമിച്ചത്. വെള്ളിയാഴ്ച രാവിലെ നടത്തിയ പരിശോധനയിലാണ് വൻ തോതിൽ ലഹരി വസ്തുക്കൾ പിടികൂടിയത്.
also reasd.. പെട്ടിയിൽ 96 കടൽ കുതിരകള്‍, വില ലക്ഷങ്ങള്‍, രഹസ്യ വിവരം; പാലക്കാട് ബസ്റ്റാന്‍റിൽ ചെന്നൈ സ്വദേശി പിടിയിൽ
തിരുനെല്ലി പൊലീസാണ് വാഹന പരിശോധനക്കിടെ പച്ചക്കറി വാനിൽ നിന്നും ഹാൻസ് കണ്ടെടുത്തത്. കർണാടകയിൽനിന്ന് പച്ചക്കറിയെന്ന വ്യാജേന എത്തിയ വാഹനത്തിലുണ്ടായിരുന്നത് കെട്ടുകണക്കിന് ഹാൻസ് പാക്കറ്റുകളാണ്. സംശയം തോന്നി ലോറി തുറന്ന് നോക്കിയ പൊലീസ് കാണുന്നത് 75 ചാക്കുകൾ ആണ്. ആകെ 56,250 ഹാൻസ് പാക്കറ്റുകളാണ് 75 ചാക്കുകളിലായി ഉണ്ടായിരുന്നത്.
സംഭവത്തിൽ വാഹനത്തിന്‍റെ ഡ്രൈവര്‍ വാളാട് സ്വദേശി ഷൗഹാൻ സർബാസിനെ തിരുനെല്ലി പൊലീസ് അറസ്റ്റ് ചെയ്തു. വാഹനവും കസ്റ്റഡിയിലെടുത്തു. മാനന്തവാടി, കാട്ടിക്കുളം എന്നിവിടങ്ങളിലെ സ്കൂൾ പരിസരങ്ങളിൽ വിൽപ്പന നടത്താനായി കൊണ്ടുവന്നവയാണ് ഹാൻസ് പായ്ക്കറ്റുകളെന്നാണ് പ്രാഥമിക നിഗമനം. ഓണക്കാലമായതിനാൽ, അതിർത്തി പ്രദേശങ്ങളിൽ പരിശോധന ശക്തമാക്കാനാണ് പൊലീസിന്‍റേയും എക്സൈസിന്‍റേയും തീരുമാനം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
