വലിയ സാമ്പത്തിക ബാധ്യത സൃഷ്ടിക്കും; സെ​ക്ര​ട്ടേ​റി​യ​റ്റ് മാ​റ്റി സ്ഥാ​പി​ക്ക​ണ​മെ​ന്ന ശി​പാ​ർ​ശ ത​ള്ളി സെ​ന്തി​ൽ ക​മ്മി​റ്റി

തി​രു​വ​ന​ന്ത​പു​രം: സെക്രട്ടേറിയറ്റ് മാറ്റിസ്ഥാപിക്കണമെന്ന ഭരണ പരിഷ്‌കാര കമ്മിഷന്‍ ശുപാര്‍ശ തള്ളി. ഇപ്പോഴത്തെ കെട്ടിടം റീ മോഡലിങ് ചെയ്താല്‍ മതിയെന്നാണ് സെന്തില്‍ കമ്മിഷന്റെ നിര്‍ദേശം. നഗരപരിധിയില്‍ സ്ഥലം കണ്ടെത്തുന്നത് സാമ്പത്തിക ബാധ്യതയുണ്ടാക്കുമെന്നാണ് കമ്മിഷന്‍ ചൂണ്ടിക്കാട്ടുന്നത്. വി എസ് അച്യുതനാന്ദന്‍ അധ്യക്ഷനായ കമ്മിഷനാണ് സെക്രട്ടേറിയറ്റ് മാറ്റാന്‍ നിര്‍ദേശം നല്‍കിയത്.  

സ്ഥലപരിമിതിയുള്ളതിനാൽ, പാളയത്തുനിന്ന് 5 കിലോമീറ്റർ അകലെ സ്ഥലം കണ്ടെത്തി സെക്രട്ടേറിയറ്റ് മാറ്റി സ്ഥാപിക്കുന്ന കാര്യം പരിഗണിക്കണമെന്ന ഭരണപരിഷ്ക്കാര കമ്മിഷന്റെ ശുപാർശ നടപ്പിലാക്കേണ്ടതില്ലെന്നാണ് സമിതി നിര്‍ദേശം. സമിതിയുടെ റിപ്പോർട്ട് മുഖ്യമന്ത്രിക്ക് കൈമാറി.
 
നി​യ​മ​സ​ഭ​യി​ൽ നി​ന്ന് അ​ക​ലെ​യാ​യി സെ​ക്ര​ട്ടേ​റി​യ​റ്റ് പ്ര​വ​ർ​ത്തി​ക്കു​ന്ന​ത് നി​യ​മ​സ​ഭാ​സ​മ്മേ​ള​നം ന​ട​ക്കു​ന്പോ​ൾ സ​ഭ​യി​ൽ ഹാ​ജ​രാ​കേ​ണ്ട ഉ​ദ്യോ​ഗ​സ്ഥ​ർ​ക്ക് പ്ര​യാ​സം സൃ​ഷ്ടി​ക്കും. സെ​ക്ര​ട്ടേ​റി​യ​റ്റ് മാ​റ്റി​സ്ഥാ​പി​ക്കു​ന്ന​ത് സ​ർ​ക്കാ​രി​ന് വ​ലി​യ സാ​ന്പ​ത്തി​ക​ബാ​ധ്യ​ത സൃ​ഷ്ടി​ക്കും. നി​ല​വി​ലെ കെ​ട്ടി​ട​ങ്ങ​ൾ സൗ​ന്ദ​ര്യ​വും പൈ​തൃ​ക​വും ന​ഷ്ട​പ്പെ​ടാ​ത്ത രീ​തി​യി​ലും സു​ര​ക്ഷി​ത​ത്വം ഉ​റ​പ്പാ​ക്കി​യും ശാ​സ്ത്രീ​യ​മാ​യി പു​നഃ​ക്ര​മീ​ക​രി​ക്ക​ണ​മെ​ന്നാ​ണു നി​ർ​ദേ​ശം.

പൈ​തൃ​ക​മ​ന്ദി​ര​ങ്ങ​ളി​ൽ അ​റ്റ​കു​റ്റ​പ്പ​ണി ന​ട​ത്താ​ൻ പ്രാ​വീ​ണ്യ​വും പ​രി​ച​യ​സ​ന്പ​ത്തു​മു​ള്ള സ്ഥാ​പ​ന​ത്തെ ചു​മ​ത​ല​പ്പെ​ടു​ത്ത​ണം. റീ​മോ​ഡ​ലിം​ഗ് ന​ട​ക്കു​ന്പോ​ൾ സെ​ക്ര​ട്ടേ​റി​യ​റ്റ് പ്ര​വ​ർ​ത്ത​നം ത​ട​സ​പ്പെ​ടാ​ത്ത രീ​തി​യി​ൽ ഓ​ഫീ​സു​ക​ൾ കാ​ന്പ​സി​ന​ക​ത്ത് താ​ത്കാ​ലി​ക​മാ​യി പു​നഃ​ക്ര​മീ​ക​രി​ക്കു​ക​യും പ​ണി പൂ​ർ​ത്തീ​ക​രി​ക്കു​ന്ന ഭാ​ഗ​ത്തേ​ക്ക് മു​ൻ​കൂ​ട്ടി ത​യാ​റാ​ക്കി​യ പ​ദ്ധ​തി​യു​ടെ അ​ടി​സ്ഥാ​ന​ത്തി​ൽ പു​നഃ​ക്ര​മീ​ക​രി​ക്കു​ക​യും ചെ​യ്യ​ണം.

സെ​ക്ര​ട്ടേ​റി​യ​റ്റ് കെ​ട്ടി​ട​ങ്ങ​ൾ റീ​മോ​ഡ​ലിം​ഗ് ന​ട​ത്തു​ന്പോ​ൾ സെ​ക്ര​ട്ടേ​റി​യ​റ്റ് സെ​ൻ​ട്ര​ൽ ലൈ​ബ്ര​റി​ക്കും നി​യ​മ​വ​കു​പ്പ് ലൈ​ബ്ര​റി​ക്കും ആ​ധു​നി​ക സം​വി​ധാ​നം ഒ​രു​ക്ക​ണം. മ​ന്ത്രി​മാ​രു​ടെ​യും വ​കു​പ്പ് ഉ​ദ്യോ​ഗ​സ്ഥ​രു​ടെ​യും ഓ​ഫീ​സു​ക​ൾ അ​ടു​ത്ത​ടു​ത്തു ക്ര​മീ​ക​രി​ക്ക​ണം.

സെ​ക്ര​ട്ടേ​റി​യ​റ്റി​ൽ ശാ​സ്ത്രീ​യ​മാ​യ മാ​ലി​ന്യ​നി​ർ​മാ​ർ​ജ​ന സം​വി​ധാ​നം ആ​സൂ​ത്ര​ണം ചെ​യ്ത് ഉ​ട​ൻ ന​ട​പ്പാ​ക്ക​ണം. പൊ​തു​ഭ​ര​ണ​വ​കു​പ്പ് അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി അ​ധ്യ​ക്ഷ​നാ​യും പ​രി​സ്ഥി​തി​വ​കു​പ്പ് സെ​ക്ര​ട്ട​റി, ശു​ചി​ത്വ മി​ഷ​ൻ സി​ഇ​ഒ, അ​നെ​ർ​ട്ട് ഡ​യ​റ​ക്ട​ർ എ​ന്നി​വ​ർ അം​ഗ​ങ്ങ​ളാ​യു​മു​ള്ള ക​മ്മി​റ്റി​യെ ഇ​തി​നാ​യി രൂ​പീ​ക​രി​ക്ക​ണ​മെ​ന്നും സ​മി​തി ശി​പാ​ർ​ശ ചെ​യ്തു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം