കാട്ടാനയുടെ ആക്രമണത്തിൽ നിന്ന് രക്ഷപ്പെട്ട് ബൈക്ക് യാത്രികർ

ക​ൽ​പ​റ്റ: കാ​ട്ടാ​നയുടെ ആ​ക്ര​മ​ണ​ത്തി​ൽ ​നി​ന്ന് അ​ത്ഭു​ത​ക​ര​മാ​യി ര​ക്ഷ​പ്പെ​ട്ട് ക​ർ​ണാ​ട​ക സ്വ​ദേ​ശി​ക​ളാ​യ യു​വാ​ക്ക​ൾ. ചൊ​വ്വാ​ഴ്ച രാ​വി​ലെ ഏ​ഴ​ര​യോ​ടെ മു​ത്ത​ങ്ങ-​ബ​ന്ദി​പ്പൂ​ർ വ​ന​പാ​ത​യിലൂടെ ക​ർ​ണാ​ട​ക​യി​ലേ​ക്ക് ബൈ​ക്കി​ൽ സ​ഞ്ച​രി​ക്കു​ക​യാ​യി​രു​ന്ന യു​വാ​ക്ക​ൾ റോ​ഡ​രി​കി​ൽ ക​ണ്ട കാ​ട്ടാ​ന​യു​ടെ ​​ചി​ത്രം മൊ​ബൈ​ലി​ൽ പ​ക​ർ​ത്താ​ൻ ബൈ​ക്ക് നി​ർ​ത്തിയിരുന്നു. ചി​ത്രം പ​ക​ർ​ത്തു​ന്ന​തി​നി​ടെ ആ​ന ഇ​വ​ർ​ക്കു​നേ​രെ തി​രി​ഞ്ഞ​തോ​ടെ ബൈ​ക്കി​ലു​ണ്ടാ​യി​രു​ന്ന യു​വാ​വ് വ​ണ്ടി​യ​ട​ക്കം താ​ഴെ​വീ​ണു.

അ​തോ​ടെ ആ​ന പി​ന്തി​രി​ഞ്ഞു. എ​ന്നാ​ൽ, ബൈ​ക്ക് ഉ​യ​ർ​ത്താ​ൻ യു​വാ​ക്ക​ൾ ശ്ര​മി​ക്കു​ന്ന​തി​നി​ടെ ആ​ന വീ​ണ്ടും കു​തി​ച്ചെ​ത്തുകയായിരുന്നു. പി​റ​കി​ലു​ണ്ടാ​യ കാ​റി​ലു​ള്ള യാ​ത്ര​ക്കാ​ർ ഹോ​ൺ അ​ടി​ച്ച​തോ​ടെ​യാ​ണ് ആ​ന വ​രു​ന്ന വി​വ​രം യു​വാ​ക്ക​ൾ​ക്ക് മ​ന​സ്സി​ലാ​യ​ത്. ഇതോടെ  ചി​ത്രം പ​ക​ർ​ത്താ​നി​റ​ങ്ങി​യ യു​വാ​വ് ഓ​ടി മു​മ്പി​ലു​ണ്ടാ​യി​രു​ന്ന കാ​റി​ൽ അ​ഭ​യം​ തേടുകയായിരുന്നു.

Also read :പുതുപ്പള്ളി ഉപതെരഞ്ഞെടുപ്പ്: ജെയ്ക് സി തോമസ് നാമനിര്‍ദേശ പത്രിക ഇന്ന് സമര്‍പ്പിക്കും

എ​ന്നാ​ൽ, ബൈ​ക്കി​ലു​ണ്ടാ​യി​രു​ന്ന യു​വാ​വി​നെ ആ​ന ഓ​ടി​ച്ചു. ഭയന്ന്  മു​ന്നോ​ട്ടു​നീ​ങ്ങി​യ യു​വാ​വ് ബൈ​ക്ക് സ​ഹി​തം റോ​ഡ​രി​കി​ലേ​ക്ക് വീഴുകയും ചാ​ടി​യെ​ഴു​ന്നേ​റ്റ് ഓ​ടി​ര​ക്ഷ​പ്പെ​ട്ട് അ​വി​ടെ​യു​ണ്ടാ​യി​രു​ന്ന കാ​റി​ൽ കയറുകയുമായിരുന്നു. പി​ന്നീ​ട് ആ​ന വ​ന​ത്തി​നു​ള്ളി​ലേ​ക്ക് ക​യ​റി​പ്പോ​യ​പ്പോ​ഴാ​ണ് ബൈ​ക്കു​മാ​യി യു​വാ​ക്ക​ൾ പോ​യ​ത്. പി​ന്നി​ലു​ണ്ടാ​യി​രു​ന്ന കാ​ർ യാ​ത്രി​ക​നാ​യ മ​ല​പ്പു​റം കോ​ട്ട​ക്ക​ൽ സ്വ​ദേ​ശി നാ​സ​ർ ഹൈ​ദ​രാ​ബാ​ദി​ലേ​ക്കു​ള്ള യാ​ത്ര​ക്കി​ട​യി​ലാ​ണ് വീ​ഡി​യോ പ​ക​ർ​ത്തി​യ​ത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം