അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
വയനാട്: ഇന്ത്യയെ ആശയത്തെ കൊല്ലുന്നയാൾ ദേശീയവാദിയാകില്ലെന്ന് രാഹുൽ ഗാന്ധി. മോദി ഒരു ദേശീയവാദിയാല്ലെന്നും രാഹുൽ പറഞ്ഞു. എം.പി സ്ഥാനം തിരികെ ലഭിച്ചതിന് ശേഷം ആദ്യമായി വയനാട്ടിലെ ജനങ്ങളെ അഭിസംബോധന ചെയ്തു സംസാരിക്കവേയായിരുന്നു രാഹുലിന്റെ പരാമർശം.
മണിപ്പൂരിൽ കേന്ദ്രം ഇന്ത്യ എന്ന ആശയത്തെ കൊല ചെയ്തു. വേദനിപ്പിക്കുന്ന കാഴ്ചയാണ് മണിപ്പൂരിൽ കണ്ടത്. എല്ലായിടത്തും കൊല്ലും, കൊലയും ബലാത്സംഗവും രക്തവും… 19 വർഷത്തെ രാഷ്ട്രീയ അനുഭവത്തിൽ ഇത്ര അസ്വസ്ഥമായ കാഴ്ച താൻ കണ്ടിട്ടില്ലെന്ന് രാഹുല് പറഞ്ഞു.
“പാർലമെന്റിൽ പ്രധാനമന്ത്രിയുടെ പ്രസംഗം ഞാൻ കണ്ടു. ചിരിച്ച്, തമാശകൾ പറഞ്ഞ് രണ്ടര മണിക്കൂറിൽ അദ്ദേഹം കുറേ കാര്യങ്ങൾ പറഞ്ഞു. എന്നാൽ മണിപ്പൂരിനെ കുറിച്ച് പറഞ്ഞത് രണ്ടര മിനിറ്റ് മാത്രം. മണിപ്പൂർ എന്ന കുടുംബത്തെ തകർക്കാനാണ് ബിജെപി ശ്രമിച്ചത്. എന്നാൽ നമ്മൾ മണിപ്പൂരിലെ ജനതയിലേക്ക് സ്നേഹം തിരികെ കൊണ്ടു വരും. പരസ്പരം കൊല്ലുന്ന പ്രദേശം ഇന്ത്യയല്ല, ഇന്ത്യ എന്ന ആശയത്തെ കൊല ചെയ്യുന്നവർ ദേശീയവാദികളുമല്ല. മണിപ്പൂരിൽ കേന്ദ്രം ഇന്ത്യ എന്ന ആശയത്തെ കൊല ചെയ്തു. മോദി ഒരു ദേശീയവാദിയേ അല്ല”. രാഹുൽ പറഞ്ഞു.
താനും വയനാടും തമ്മിലുള്ള ബന്ധം തകർക്കാനാവില്ലെന്ന് കൂട്ടിച്ചേർത്ത രാഹുൽ താൻ വിഭാവനം ചെയ്ത കൈത്താങ്ങ് പദ്ധതിയുടെ ഭാഗമായ 9 വീടുകളുടെ താക്കോൽദാനവും നിർവഹിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
