അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സിനിമാ പ്രേമികൾ ഏറെ പ്രതീക്ഷയോടെ ഉറ്റുനോക്കുന്ന പ്രഭാസ് ചിത്രമാണ് പ്രൊജക്ട് കെ. ചിത്രത്തിന്റെ കാസ്റ്റിങ് തന്നെ ആരാധകരെ ആവേശത്തിലാക്കുന്നതാണ്. ദീപിക പദുകോൺ നായികയാവുന്ന ചിത്രത്തിൽ കമൽഹാസൻ വില്ലൻ വേഷത്തിൽ എത്തും എന്നാണ് റിപ്പോർ‍ട്ടുകൾ. കൂടാതെ അമിതാഭ് ബച്ചനും പ്രധാന വേഷത്തിലെത്തുന്നുണ്ട്. ഇപ്പോൾ ആരാധകരുടെ പ്രതീക്ഷയേറ്റിക്കൊണ്ട് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടിരിക്കുകയാണ്.
Read More: ചാക്കോച്ചന് പിന്തുണയുമായി ആസാദ് കണ്ണാടിക്കൽ
പ്രഭാസിനെയാണ് പോസ്റ്ററിൽ കാണുന്നത്. സൂപ്പർഹീറോ ആയിട്ടാകുമോ പ്രഭാസ് എത്തുക എന്ന സംശയം ജനിപ്പിക്കുന്ന രീതിയിലുള്ളതാണ് പോസ്റ്റർ. പ്രത്യേക സ്യൂട്ട് ധരിച്ച് ഒരു സൂപ്പർ ഹീറോയെപ്പോലെയാണ് പ്രഭാസിനെ പോസ്റ്ററിൽ കാണുന്നത്. എന്താണ് പ്രൊജക്ട് കെ എന്ന ചോദ്യത്തിനൊപ്പമാണ് പോസ്റ്റർ. സയൻസ് ഫിക്ഷൻ ചിത്രത്തിന്റെ ആദ്യത്തെ ടീസർ ജൂലെെ 21-ന് പുറത്തുവിടുമെന്നും അണിയറപ്രവർത്തകർ പറഞ്ഞിട്ടുണ്ട്. പ്രശസ്തമായ സാൻഡിയാഗോ കോമിക് കോണിൽ വെച്ചായിരിക്കും റിലീസ്.
അടുത്തിടെയാണ് ചിത്രത്തിലേക്ക് കമൽഹാസൻ എത്തിയത്. ഇതോടെ ചിത്രത്തിനേക്കുള്ള പ്രതീക്ഷ ഉയർന്നിരിക്കുകയാണ്. നാഗ് അശ്വിനാണ് ചിത്രം സംവിധാനം ചെയ്യുന്നത്. 2020 ഫെബ്രുവരിയിലാണ് പ്രോജക്ട് കെ പ്രഖ്യാപിച്ചത്. വൈജയന്തി മൂവീസ് നിര്‍മിക്കുന്ന പ്രഭാസ് ചിത്രം ഏറ്റവും ചെലവേറിയ ഇന്ത്യന്‍ സിനിമയായിട്ടാണ് എത്തുന്നത്. 2024 ജനുവരി 12-ന് തിയേറ്ററുകളിലെത്തും എന്നാണ് പറഞ്ഞിരിക്കുന്നത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
