അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: രാജ്യമെമ്പാടുമുള്ള നഗരങ്ങളില്‍ വന്‍ പങ്കാളിത്തത്തോടെ അന്താരാഷ്ട്ര ജാവ-യെസ്ഡി ദിനത്തിന്റെ 21ാമത് പതിപ്പ് ആഘാഷിച്ചു. വിവിധ സ്ഥലങ്ങളിലായി പതിനായിരത്തിലേറെ മോട്ടോര്‍ സൈക്കിള്‍ പ്രേമികളും, വിൻ്റെജ് ബൈക്ക് പ്രേമികളും ആഘോഷത്തിൻ്റെ ഭാഗമായി. ബെംഗളൂരു, ഡല്‍ഹി എന്‍സിആര്‍, കൊച്ചി, പൂനെ, ചെന്നൈ, ജയ്പൂര്‍ തുടങ്ങിയ നഗരങ്ങളിലായിരുന്നു വിപുലമായ ആഘോഷങ്ങള്‍. വിവിധ മോട്ടോര്‍സൈക്കിള്‍ ക്ലബ്ബുകളുടെയും കമ്മ്യൂണിറ്റികളുടെയും പിന്തുണയോടെ, ജാവ-യെസ്ഡി മോട്ടോര്‍സൈക്കിള്‍ ഉടമകളാണ് പതിറ്റാണ്ടുകളായി റൈഡര്‍മാരുടെ ഹൃദയം കവര്‍ന്ന ഈ മോട്ടോര്‍സൈക്കിളുകളോടുള്ള തങ്ങളുടെ സ്‌നേഹം പങ്കുവെക്കുന്നതിനായി അന്തര്‍ദേശീയ ജാവ-യെസ്ഡി ദിനാഘോഷം സംഘടിപ്പിക്കുന്നത്.
വിൻ്റെജ് മോട്ടോര്‍സൈക്കിള്‍ എക്‌സിബിഷനുകള്‍, ഗ്രൂപ്പ് റൈഡുകള്‍, സാങ്കേതിക ശില്‍പ്പശാലകള്‍, വ്യവസായ വിദഗ്ധരുമായി സംവാദ സെഷനുകള്‍ തുടങ്ങിയവ ഒത്തുചേരലിനെ കൂടുതല്‍ ആകര്‍ഷകമാക്കി. ജാവ-യെസ്ഡിയെ കുറിച്ചുള്ള തങ്ങളുടെ അവിസ്മരണീയമായ അനുഭവങ്ങളും ഒത്തുകൂടിയവര്‍ പങ്കുവച്ചു. എല്ലാ പ്രായത്തിലുമുള്ള റൈഡര്‍മാരുടെയും പങ്കാളിത്തമായിരുന്നു ആഘോഷങ്ങളിലെ മറ്റൊരു സവിശേഷത. വിൻ്റെജ് ജാവ, യെസ്ഡി മോട്ടോര്‍സൈക്കിളുകളും ചടങ്ങുകളില്‍ പ്രദര്‍ശിപ്പിച്ചു.
